Al-Balad

¹Bã sai Na yi rantsuwa da wannan gari[1] ba.

²Alhãli kai kanã mai sauka a cikin wannan gari.

³Da mahaifi da abin da ya haifa.

⁴Lalle ne, Mun halitta mutum cikin wahala.

⁵Kõ yanã zaton bãbu wani mai iya sãmun iko, a kansa?

⁶Yana cẽwa "Na[1] halakarda dũkiya mai yawa,"

⁷Shin, yana zaton cewa wani bai gan shi ba?

⁸Shin, ba Mu sanya masa idãnu biyu ba?

⁹Da harshe, da leɓɓa biyu.

¹⁰Kuma ba Mu shiryar da shi ga hanyõyi[1] biyu ba?

¹¹To, don mene ne bai shiga Aƙabã ba?

¹²Kuma mene ne ya sanar da kai abin da ake cẽ wa Aƙabã?

¹³Ita ce fansar wuyan bãwa.

¹⁴Ko kuwa ciyarwa, a cikin yini ma'abũcin yunwa.

¹⁵Ga marãya ma'abũcin zumunta.

¹⁶Ko kuwa wani matalauci ma'abũcin turɓãya.

¹⁷Sa'an nan kuma ya kasance daga waɗanda suka yi ĩmãni, kuma suka yi wa jũna wasiyya da yin haƙuri, kuma suka yi wa jũna wasiyya da tausayi.

¹⁸Waɗannan ne ma'abũta albarka[1]

¹⁹Kuma waɗanda suka kãfirta da ãyõyin Mu, sũ ne ma'abũta shu'umci[1]

²⁰A kansu akwai wata wuta abar kullewa.