Al-Inshiqaq

¹Idan sama ta kẽce,

²Ta saurari Ubangijinta, kuma aka wajabta mata yin saurãron,

³Kuma idan ƙasã aka mĩƙe ta,

⁴Kuma ta jẽfar da abin da yake a cikinta, tã wõfinta daga kõme.

⁵Kuma ta saurãri Ubangijinta, aka wajabta mata yin saurãren,

⁶Ya kai mutum! Lalle ne kai mai aikin wahal da kai ne zuwa ga Ubangijinka, wahala mai tsanani, To, kai mai haɗuwa da Shi ne.

⁷To, amma wanda aka bai wa littãfinsa da damansa.

⁸To, za a yi masa hisãbi, hisãbi mai sauƙi.

⁹Kuma ya jũya zuwa ga iyãlinsa (a cikin Aljanna), yanã mai raha.

¹⁰Kuma amma wanda aka bai wa littãfinsa, daga wajen bãyansa.

¹¹To, zã shi dinga kiran halaka!

¹²Kuma ya shiga sa'ĩr.

¹³Lale ne shi, yã kasance (a dũniya) cikin iyãlinsa yanã mai raha.

¹⁴Lalle ne yã yi zaton bã zai kõmo ba.

¹⁵Na'am! Lalle ne, Ubangijinsa Ya kasance Mai gani gare shi.

¹⁶To, ba sai Nã rantse da shafaƙi ba.

¹⁷Da dare, da abin da ya ƙunsa.

¹⁸Da watã idan (haskensa) ya cika.

¹⁹Lalle ne kunã hawan wani hãli daga wani hãli.

²⁰To, mẽ ya sãme su, ba su yin ĩmãni?

²¹Kuma idan an karanta Alkur'ãni a kansu, bã su yin tawãli'u?

²²Ba haka ba! waɗanda suka kãfirta, sai ƙaryatãwa suke yi.

²³Alhãli Allah Shĩ ne Mafi sani ga abin a suke tãrãwa.

²⁴Saboda haka, ka yi musu bushãra da azãba mai raɗaɗi.

²⁵Fãce waɗanda suka yi ĩmãni, suka aikata ayyukan ƙwarai, sunã da wani sakamako wanda bã ya yankẽwa.