Al-Ma'arij

¹Wani mai tambaya yã yi tambaya game da azãba, mai aukuwa.

²Ga kãfirai, bã ta da mai tunkuɗẽwa.

³Daga Allah Mai matãkala.

⁴Malã'iku da Ruhi (Jibrila) sunã tãkãwa zuwa gare Shi, a cikin yini wanda gwargwadonsa, shẽkara dubu hamsin ne.

⁵Sabõda haka, ka yi haƙuri, haƙuri mai kyãwo.

⁶Lalle ne su, sunã ganin ta mai nĩsa.

⁷Kuma Mu, Muna ganin ta a kusa.

⁸Rãnar da sama zã ta kasance kamar narkakkar azurfa.

⁹Kuma duwãtsu su zama kamar saɓin sũfi.

¹⁰Kuma abõki bã ya tambayar inda wani abõki yake.

¹¹Ana sanya su, su gajũna, mai laifi na gũrin dã zai iya yin fansa, daga azãbar rãnar nan, da ɗiyansa,

¹²Da matarsa da ɗan'uwansa.

¹³Da danginsa, mãsu tattarã shi.

¹⁴Da wanda ke a cikin dũniya duka gabã ɗaya, sa'an nan fansar, ta tsĩrar da shi.

¹⁵A'aha! Lalle ne fa, ita ce Lazã,

¹⁶Mai twãle fãtar goshi.

¹⁷Tanã kiran wanda ya jũya bãya (daga addini) kuma ya kau da kai.

¹⁸Ya tãra (dũkiya), kuma ya sanya ta a cikin jaka.

¹⁹Lalle ne mutum an halitta shi mai ciwon kwaɗayi.

²⁰Idan sharri ya shãfe shi, ya kãsa haƙuri.

²¹Kuma idan alhẽri ya shãfe shi, ya yi rõwa.

²²Sai mãsu yin salla,

²³Waɗanda suke, a kan sallarsu, su, mãsu dawwama ne.

²⁴Kuma waɗanda a cikin dũkiyarsu, akwai wani haƙƙi sananne.

²⁵Ga (matalauci) mai rõƙo da wanda aka hanã wa roƙon.

²⁶Da waɗannan da ke gaskata rãnar sakamako.

²⁷Da waɗannan sabõda azãbar Ubangijinsu, suna jin tsõro.

²⁸Lalle ne, azãbar Ubangijinsu bã wadda ake iya amincẽwaba ce.

²⁹Da waɗanda suke, ga farjojinsu, mãsu tsarewa ne.

³⁰Sai fa a kan matan aurensu da abin da hannayensu na dãma suka mallaka. To lalle ne sũkam ba waɗanda ake zargi ba ne.

³¹To, duk wanda ya nẽmi abin da yake a bayan wannan, to, waɗancan sũ ne mãsu ƙetare iyãka.

³²Kuma da waɗannan da suke ga amãnõninsu da alkawarinsu mãsu tsarẽwa ne.

³³Kuma da waɗanda suke, ga shaidarsu, mãsu dãgẽwa ne.

³⁴Kuma waɗanda suke, a kan sallarsu, mãsu tsarẽwa ne.

³⁵Waɗannan, a cikin gidãjen Aljanna, waɗanda ake girmamãwa ne

³⁶Mẽ yã sãmi waɗanda suka kãfirta, a wajenka, sunã gaugãwar (gudu).

³⁷Daga jihar dãma, kuma daga jihar hagu, jama'a-jama'a!

³⁸Shin kõwane mutum daga cikinsu yana nẽman a shigar da shi a Aljannar ni'ima ne (ba da wani aiki ba)?

³⁹A'aha! Lalle Mũ, Mun halitta su, daga abin da suka sani.

⁴⁰Sabõda haka ba sai Na yi rantsuwa da Ubangijin wurãren ɓullõwar rãna da wurãren fãɗuwarta ba, lalle Mũ, Mãsu iyãwa ne.

⁴¹Ga Mu musanya waɗanda suke mafi alhẽri, daga gare su. Kuma ba Mu kasance waɗanda ake rinjãya ba.

⁴²Sabõda haka ka bar su, su dulmuya, kuma su yi wãsã, har su haɗu da rãnarsu wadda ake yi musu alkawari (da ita).

⁴³Rãnar da suke fitowa daga kaburbura da gaugãwa, kamar sũ, zuwa ga wata kafaffiyar (tuta), suke yin gaugãwa.

⁴⁴Maƙaskanta ga idanunsu, wani walakanci yana rufe su. wannan shi ne yinin da suka kasance ana yi musa alkawari (a kansa.)