As-Saffat

¹Inã rantsuwa da mãsu yin sahu-sahu (a cikin salla kõ yãƙi).

²Sa'an nan mãsu yin tsãwa[1] dõmin gargaɗi.

³Sa'an nan da mãsu karãtun abin tunãtarwa.

⁴Lalle Abin bautawarku haƙĩƙa ¦aya ne.

⁵Ubangijin sammai da ƙasã da abin da ke tsakãninsu, kuma Ubangijin wurãren fitar rãnã.

⁶Lalle Mũ, Mun ƙãwatãr da sama ta kusa da wata ƙawa, watau taurãri.

⁷Kuma sunã tsari daga dukan Shaiɗan mai tsaurin kai.

⁸Bã zã su iya saurãre zuwa ga jama'a mafi ɗaukaka (Malã'iku) ba, kuma anã jĩfar su daga kõwane gẽfe.

⁹Dõmin tunkuɗẽwa kuma sunã da wata azãba tabbatacciya.

¹⁰Fãce wanda ya fizgi wata kalma, sai yũla mai haske ta bĩ shi.

¹¹Ka tambaye su: "Shin sũ ne mafi wuya ga halittawa, kõ, kuwa waɗanda Muka halitta?" Lalle Mũ, Mun halitta su daga lãkã mai ɗauri.

¹²Ã'a, kã yi mãmãki, alhãli kuwa sunã ta yin izgili.

¹³Kuma idan aka tunãtar da su, bã su tunãwa.

¹⁴Idan suka ga wata ãyã, sai su dinga yin izgili.

¹⁵Kuma su ce, "Wannnan bã kõme ba, fãce sihiri, ne bayyananne."

¹⁶"Shin, idan mun mutu, kuma muka kasance turɓaya da kasũsuwa, ashe, lalle mũ tabbas waɗandaake tãyarwa ne?

¹⁷"Ashe kõ da ubanninmu na farko?"

¹⁸Ka ce: "Na'am alhãli kuwa kunã ƙasƙantattu."

¹⁹Tsãwa guda kawai ce, sai gã su, sunã dũbi.

²⁰Kuma su ce: "Yã bonenmu! Wannan ita ce rãnar sakamako."

²¹Wannan ita ce rãnar rarrabẽwa wadda kuka kasance kuna ƙaryatãwa.

²²Ku tãra waɗanda suka yi zãlunci, da abõkan haɗinsu, da abin da suka kasance sunã bautãwa.

²³Wanin Allah, sabõda haka ku shiryar da su zuwa ga hanyar Jahĩm.

²⁴Kuma ku tsayar da su, lalle su, waɗanda ake yi wa tambaya ne.

²⁵Me ya sãme ku, bã ku taimakon jũna?

²⁶Ã'a, sũ a yau, mãsu sallamãwa ne.

²⁷Kuma sãshensu ya fuskanta ga sãshe, sunã tambayar jũna.

²⁸Suka ce: "Lalle kũ, kun kasance kunã jẽ mana daga wajen dãma (inda muka amince)."

²⁹Suka ce: "Ã'a, ba ku kasance mũminai ba.

³⁰"Kuma wani dalĩli bai kasance ba gare mu a kanku. Ã'a, kun kasance mutãne ne mãsu kẽtare iyãka."

³¹"Sabõda haka maganar Ubangijinmu ta wajaba a kanmu. Lalle mũ, mãsu ɗanɗanãwa ne."

³²"Sabõda haka muka ɓatar da ku. Lalle mũ, mun kasance ɓatattu."

³³To lalle sũ a rãnar nan, mãsu tãrayya ne a cikin azãbar.

³⁴Lalle Mũ, kamar haka Muke aikatãwa game, da mãsu laifi.

³⁵Lalle sũ, sun kasance idan an ce musu: "Bãbu abin bautãwa, fãce Allah," sai su dõra girman kai.

³⁶Kuma sunã cẽwa, "Shin, mũ lalle mãsu barin gumãkanmu ne, sabõda maganar wani mawãƙi mahaukaci?

³⁷Ã'a, yã zo da gaskiya kuma ya gaskata Manzanni.

³⁸Lalle kũ, haƙĩƙa mãsu ɗanɗana azãba mai raɗaɗi ne.

³⁹Kuma bã zã a sãka muku ba fãce da abin da kuka kasance kunã aikatãwa.

⁴⁰Fãce bãyin Allah waɗanda aka tsarkake.

⁴¹Waɗannan sunã da abinci sananne.

⁴²Ya'yan itãcen marmari, kuma sunã waɗanda ake girmamãwa.

⁴³A cikin gidãjen Aljannar ni'ima.

⁴⁴A kan karagu, sunã mãsu fuskantar jũna.

⁴⁵Anã kẽwayãwa a kansu da hinjãlan giya, ta daga waɗansu marẽmari.

⁴⁶Farã mai dãɗi ga mashãyan.

⁴⁷A cikinta bãbu jirĩ kuma ba su zama mãsu mãye daga gare ta ba,

⁴⁸Kuma a wurinsu, akwai mãtan aure mãsu taƙaita kallonsu, mãsu manyan idãnu.

⁴⁹Kamar dai su ƙwai ne ɓõyayye.

⁵⁰Sai sãshensu ya fuskanta a kan sãshe, sunã tambayar jũna.

⁵¹Wani mai magana daga cikinsu ya ce: "Lalle ni wani abõki ya kasance a gare ni (a dũniya)."

⁵²Yanã cewa, "Shin, kai lalle, kanã daga mãsu gaskatãwa ne?"

⁵³"Ashe, idan muka mutu, kuma muka, kasance turɓaya da kasũsuwa, ashe, lalle, mũ tabbas waɗanda ake sãka wa ne?"

⁵⁴(Mai maganar) ya ce: "Shin, kõ ku, mãsu tsinkãya ne (mu gan shi)?"

⁵⁵Sai ya tsinkãya, sai ya gan shi a cikin tsakar Jahim.

⁵⁶Ya ce (masa), "Wallahi, lalle, kã yi kusa, haƙĩƙã, ka halakãni."

⁵⁷"Kuma bã dõmin ni'imar Ubangijĩna ba, lalle, dã na kasance daga waɗanda ake halartarwa (tãre da kai a cikin wutã)."

⁵⁸"Shin fa, ba mu zama mãsu mutuwa ba."

⁵⁹"Sai mutuwarmu ta farko, kuma ba mu zama waɗanda ake azabtarwa ba?"

⁶⁰Lalle, wannan shĩ ne babban rabo mai girma.

⁶¹Sabõda irin wannan, sai mãsu aiki su yi ta aikatãwa.

⁶²Shin wancan shĩ ne mafi zama alhẽri ga liyafa kõ itãciyar zaƙƙũm?

⁶³Lalle, Mũ, Mun sanya ta fitina ga. azzãlumai.

⁶⁴Lalle ita wata itãciya ce wadda take fita daga asalin Jahĩm.

⁶⁵Gundarta, kamar dai shi kãnun Shaiɗan ne.

⁶⁶To, lalle sũ haƙĩƙa mãsu ci ne daga gare ta. Sa'an nan mãsu cika cikuna ne daga gare ta.

⁶⁷Sa'an nan lalle sunã da wani garwaye a kanta, daga ruwan zãfi.

⁶⁸Sa'an nan lalle makomarsu, haƙĩƙa, zuwa ga Jãhĩm take.

⁶⁹Lalle sũ, sun iske ubanninsu batattu.

⁷⁰Sabõda haka sũ, a kan gurãbunsu, suke gaggãwa.

⁷¹Kuma tabbas haƙĩƙa mafi yawan mutãnen farko sun ɓace a gabãninsu.

⁷²Kuma tabbas haƙĩƙa, Mun aika mãsu gargaɗi a cikinsu.

⁷³Sai ka dũba yadda ãƙibar waɗanda aka yi wa gargaɗi ta kasance.

⁷⁴Fãce bãyin Allah waɗanda aka tsarkake.

⁷⁵Kuma lalle, haƙĩƙa' Nũhu ya kira Mu. To, madalla da mãsu karɓãwa, Mu.

⁷⁶Kuma Mun tsĩrar da shi da mutãnensa daga bakin ciki babba.

⁷⁷Muka sanya zurriyarsa sunã mãsu wanzuwa.

⁷⁸Kuma Muka bar masa (yabo) a cikin jama'ar ƙarshe.

⁷⁹Aminci ya tabbata ga Nũhu, a cikin halittu.

⁸⁰Lalle Mũ kamar haka Muke sãka wa mãsu kyautatãwa.

⁸¹Lalle shi, yanã daga bãyin Mu mũminai.

⁸²Sã'an nan Muka nutsar da waɗansunsu.

⁸³Kuma lalle daga ƙungiyarsa, haƙĩƙa, Ibrahĩm yake.

⁸⁴A lõkacin da ya je wa ubangijinsa da zũciya kuɓutacciya.

⁸⁵A lõkacin da ya ce wa ubansa da mutãnensa, "Mẽne ne kuke bautãwa?"

⁸⁶"Shin, ƙiren ƙarya (wãtau) gumãka, wanin Allah, kuke bautãwa?"

⁸⁷"To, mẽne ne zatonku game da Ubangijin halittu?"

⁸⁸Sai ya yi dũbi, dũba ta sõsai, a cikin taurãri.

⁸⁹Sã'an nan ya ce: "Nĩ mai rashin lãfiya ne."

⁹⁰Sai suka jũya ga barinsa, sunã mãsu jũyãwa da bãya.

⁹¹Sai ya karkata zuwa ga gumãkansu, sa'an nan ya ce: "Ashe bã zã ku ci ba?

⁹²"Me ya sãme ku, bã ku magana?"

⁹³Sai ya zuba dũka a kansu da hannun dãma.

⁹⁴Sai suka fuskanto zuwa gare shi, sunã gaggãwa.

⁹⁵Ya ce, "Kunã bauta wa abin da kuke sassaƙawa,

⁹⁶"Alhãli, Allah ne Ya halitta ku game da abin da kuke aikatãwa?"

⁹⁷Suka ce: "Ku gina wani gini sabõda shi, sa'an nan ku jẽfa shi a cikin Jahĩm."

⁹⁸Sabõda haka suka yi nufin makĩda game da shi. Sai Muka sanya su, sũ ne mafi ƙasƙanci.

⁹⁹Kuma (Ibrahĩm] ya ce: "Lalle, nĩ mai tafiya ne zuwa ga Ubangijĩna, zai shiryar da ni."

¹⁰⁰"Ya Ubangijĩna! Ka bã ni (abõkin zama) daga sãlihan mutãne."

¹⁰¹Sai Muka yi masa bushãra da wani yãro [1]mai haƙuri.

¹⁰²To, a lõkacin da ya isa aiki tãre da shi, ya ce: "Ya ƙaramin ɗãna! Lalle ne inã gani, a ciki barci, lalle inã yanka ka. To, ka dũba mẽ ka gani?" (Yãron) ya ce: "Ya, Bãbãna! Ka aikata abin da aka umurce ka, zã ka sãme ni, in Allah Ya so, daga mãsu haƙuri."

¹⁰³Yayin da suka mika wuya sai muka fansheshi da Rago

¹⁰⁴Kuma Muka kira shi cẽwa "Ya Ibrahĩm!"

¹⁰⁵"Haƙĩƙa kã gaskata mafarkin." Lalle kamar haka Muke sãka wa mãsu kyautatãwa.

¹⁰⁶Lalle wannan ita ce jarrabãwa bayyananna.

¹⁰⁷Kuma Muka yi fansar yãron da wani abin yanka, mai girma.

¹⁰⁸Kuma Muka bar (yabo) a kansa a cikin mutãnen ƙarshe.

¹⁰⁹Aminci ya tabbata ga Ibrãhĩm.

¹¹⁰Kamar haka Muke sãka wa mãsu kyautatãwa.

¹¹¹Lalle shĩ, yanã daga bãyinMu mũminai.

¹¹²Kuma Muka yi masa bushãra[1] Da Is'hãƙa ya zama Annabi daga sãlihan mutãne.

¹¹³Kuma Muka yi albarka a gare shi, kuma ga Is'hãka. Kuma daga cikin zurriyarsu akwai mai kyautatãwa da kuma maizãlunci dõmin kansa, mai bayyanãwa (ga zãluncin).

¹¹⁴Kuma lalle, Mun yi ni'ima ga Mũsã da Hãrũna.

¹¹⁵Kuma Muka tsĩrar da su da mutãnensu daga bakin ciki mai girma.

¹¹⁶Kuma Muka taimake su, sabõda haka suka kasance mãsu rinjãya.

¹¹⁷Kuma Muka ba su Littãfi mai iyãkar bayãni.

¹¹⁸Kuma Muka shiryar da su ga hanya mĩƙaƙƙiya.

¹¹⁹Kuma Muka bar (yabo) a gare su a cikin mutãnen karshe.

¹²⁰Aminci ya tabbata ga Mũsã da Hãruna.

¹²¹Lalle kamar haka Muke sãka wa mãsu kyautatãwa.

¹²²Lalle, sunã daga bãyin Mu mũminai.

¹²³Kuma lalle Ilyãs, haƙĩƙa, yanã daga Manzanni.

¹²⁴A lõkacin da yake ce wa mutãnensa, "Ashe, bã zã ku yi taƙawa ba?"

¹²⁵"Shin, kunã bauta wa Ba'al ne, kuma kunã barin Mafi kyautatãwar mãsu halitta?"

¹²⁶"Allah Ubangijinku, kuma Ubangijin ubanninku farko?"

¹²⁷Sai suka ƙaryata shi. Sabõda haka sũ lalle waɗanda zã a halartãwa ne (a wutã).

¹²⁸Sai bãyin Allah waɗanda aka tsarkake.

¹²⁹Kuma Muka bar (yabo) a gare shi, a cikin mutãnen ƙarshe.

¹³⁰Aminci ya tabbata ga Ilyãs.

¹³¹Lalle Mũ kamar haka Muke sãka wa mãsu kyautatãwa.

¹³²Lalle shĩ, yanã daga bãyin Mu mũminai.

¹³³Kuma lalle Lũdu, haƙĩƙa, yanã daga Manzanni.

¹³⁴A lõkacin da Muka tsĩrar da shi, da mutãnensa gabã ɗaya.

¹³⁵Sai wata tsõhuwa tanã a cikin mãsu wanzuwa (a cikin azãba).

¹³⁶Sã'an nan Muka darkãke waɗansu mutãnen.

¹³⁷Kuma lalle kũ, haƙĩƙa, kunã shũɗewa a kansu, kunã mãsu asubanci.

¹³⁸Kuma da dare. Shin fa, bã zã ku hankalta ba?

¹³⁹Kuma lalle Yũnusa, haƙĩƙa, yanã daga Manzanni.

¹⁴⁰A lõkacin da ya gudu zuwa ga jirgin ruwa wanda aka yi wa lõdi.

¹⁴¹Sã'an nan ya yi ƙuri'a, sai ya kasance a cikin waɗanda aka rinjaya.

¹⁴²Sai kĩfi ya yi lõma da shi, alhãli kuwa yanã wanda ake zargi.

¹⁴³To, ba dõmin lalle shi ya kasance daga mãsu tasbĩhi ba,

¹⁴⁴Lalle dã ya zauna a cikin cikinsa har ya zuwa rãnar da zã a tãyar da su.

¹⁴⁵Sai Muka jẽfa shi ga wani fĩli alhãli kuwa yanã mai raunin rashin lãfiya.

¹⁴⁶Kuma Muka tsirar da wata itãciya ta kankana a kusa da shi.

¹⁴⁷Kuma Muka aika shi zuwa ga waɗansu mutãne dubuɗari, kõ sunã ƙaruwa (a kan haka).

¹⁴⁸Sai suka yi ĩmãni sabõda haka Muka jiyar da su dãdi har wani lõkaci.

¹⁴⁹Sabõda haka, ka tambaye su, "Shin, Ubangijinka ne da 'ya'ya mãtã, kuma su da ɗiya maza?"

¹⁵⁰Kõ kuma Mun halitta malã'iku mãtã ne, alhãli kuwa sũ sunãhalarce?

¹⁵¹To! Lalle sũ, daga ƙiren ƙaryarsu sunã cẽwa.

¹⁵²"Allah Yã haihu," alhãli kuwa lalle sũ, haƙĩƙa maƙaryata ne.

¹⁵³Shin, Yã zãɓi 'yã'ya mãtã ne a kan ɗiya maza?

¹⁵⁴Mẽ ya same ku? Yãya kuke hukuntãwa (wannan hukunci)?

¹⁵⁵Shin, bã ku tunãni?

¹⁵⁶Ko kuma kunã da wani dalĩli bayyananne ne?

¹⁵⁷To, ku zo da littãfinku idan kun kasance mãsu gaskiya.

¹⁵⁸Kuma suka sanya nasaba a tsakãnin Sa da tsakãnin aljannu. Alhãli kuwa Lalle aljannu sun sani, "Lalle sũ, haƙĩƙa waɗanda ake halartarwa ne (a cikin wutã.)"

¹⁵⁹Tsarki ya tabbata ga Allah daga abin da suke siffantãwa.

¹⁶⁰Sai bãyin Allah waɗanda aka tsarkake.

¹⁶¹To, lalle, ku da abin da kuke bautãwa,

¹⁶²Ba ku zama mãsu buwãya ba a gare Shi.

¹⁶³Sai wanda yake mai shiga babbar wutã Jahĩm.

¹⁶⁴"Kuma bãbu kõwa daga cikinmu,[1] fãce yanã da matsayi sananne."

¹⁶⁵"Kuma lalle mu, haƙĩƙa, mũ ne mãsu yin sahu-sahu (dõmin ibãda)."

¹⁶⁶"Kuma lalle mũ haƙĩƙa, mũ ne mãsu yin tasbĩhi."

¹⁶⁷Kuma lalle sũ, sun kasance sunã cẽwa,

¹⁶⁸"Dã lalle munã da wani littãfi irin na mutãnen farko."

¹⁶⁹"Lalle dã mun kasance bãyin Allah waɗanda aka tsarkake."

¹⁷⁰Sai suka kãfirta da shi. Sabõda haka zã su sani.

¹⁷¹Kuma lalle, haƙĩƙa kalmar Mu ta gabãta ga bãyinMu, Manzanni.

¹⁷²Lalle sũ, haƙĩƙa, sũ ne waɗanda ake taimako.

¹⁷³Kuma lalle rundunarMu, haƙĩƙa, sũ ne marinjaya.

¹⁷⁴Sabõda haka juya daga barinsu, har a wani lõkaci.

¹⁷⁵Ka nũna musu (gaskiya), da haka zã su dinga gani.[1]

¹⁷⁶Shin fa, da azabarMu suke nẽman gaggãwa?

¹⁷⁷To, idan ta sauka ga farfãjiyarsu, to, sãfiyar wadanda ake yi wa gargaɗi ta mũnana.

¹⁷⁸Kuma ka jũya daga barinsu har a wani lõkaci.

¹⁷⁹Ka nũna (musu gaskiya), da haka zã su dinga nũnãwa.

¹⁸⁰Tsarki ya tabbata ga Ubangijinka, Ubangijin rinjãye, daga barin abin da suke siffantãwa.

¹⁸¹Kuma aminci ya tabbata ga Manzanni.

¹⁸²Kuma gõdiya ta tabbata ga Allah Ubangijin halittu.