Al-Qamar

¹Sã'a ta yi kusa, kuma wata [1]ya tsãge.

²Kuma idan sun ga wata ãyã, sai su juya baya su ce: "Sihiri ne mai dõgẽwa!"

³Kuma suka ƙaryata, kuma suka bi son zũciyarsu, alhãli kuwa kõwane al'amari (wanda suke son su tũre daga Annabi) an tabbatar da shi.

⁴Kuma lalle, abin da yake akwai tsãwatarwa a cikinsa na lãbãraiya zo musu.

⁵Hikima cikakka! Sai dai abũbuwan gargaɗi bã su amfãni.

⁶Sabõda haka, ka bar su! Rãnar da mai kiran zai yi kira zuwa ga wani abu abin ƙyama.

⁷¡asƙantattu ga idanunsu zã su fito daga kaburburansu, kamar dai sũ fãri ne waɗandasuka wãtse.

⁸Sunã gaggãwar tafiya zuwa ga mai kiran, kãfirai na cẽwa, "Wannan yini ne mai wuya!"

⁹Mutãnen Nũhu sun ƙaryata, a gabãninsu, sai suka ƙaryata Bawan Mu, kuma suka ce: "Shi mahaukaci ne." Kuma aka tsãwace shi.

¹⁰Sabõda haka, ya kira Ubangijinsa (ya ce), "Lalle nĩ, an rinjãye ni, sai Ka yi taimako."

¹¹Sai Muka bũɗe kõfõfin sama da ruwa mai zuba.

¹²Kuma Muka ɓuɓɓugar da ƙasã ta zama idãnun ruwa, daɗa ruwa ya haɗu a kan wani umarni da aka riga aka ƙaddara shi.

¹³Kuma Muka ɗauke Nũhu a kan (jirgi) na alluna da ƙũsõshi.

¹⁴Tanã gudãna, a kan idãnun Mu, dõmin sakamako ga wanda aka yi wa kãfircin.

¹⁵Kuma lalle, Mun bar ta ta zama ãyã. To, Shin, akwai mai tunãni

¹⁶To, yãyã azãbã Ta take da gargaɗi Na?

¹⁷Kuma lalle ne, haƙĩkƙa, Mun sauƙaƙe Alƙur'ãni, dõmin tunãwa. To, shin, akwai mai tunãwa?

¹⁸Ãdãwa sun ƙaryata, to, yãya azãbãTa take, da gargaɗi Na?

¹⁹Lalle Mũ, Mun aika da iska mai tsananin sauti a kansu, a cikin wani yinin nahĩsa mai dõgẽwa.

²⁰Tanã fizgar mutãne kamar dai sũ kututturan dabĩno tumɓukakku ne.

²¹To, yãya azãbã Ta take da gargaɗi Na?

²²Kuma lalle ne, haƙiƙa Mun sauƙaƙe Alƙur'ani, dõmin tunãwa. To, shin, akwai mai tunãwa?

²³Samũdãwa sun ƙaryata game da gargaɗin.

²⁴Sai suka ce: "Wani mutum daga cikinmu, shi kaɗai, wai mu bĩ shi! Lalle mũ a lõkacin, haƙĩƙa mun shiga wata ɓata da haukã.

²⁵"Shin, an jẽfa masa Manzancin ne, a tsakãninmu? Ã'a, shĩ dai gawurtaccen maƙaryaci ne mai girman kai!"

²⁶Zã su sani a gõbe, wãne ne gawurtaccen mai ƙaryar, mai girman kan?

²⁷Lalle Mũ, mãsu aikãwa da rãƙumar[1] ne, ta zame musu fitina, sai ka tsare su da kallo, kuma ka yi haƙuri.

²⁸Kuma ka bã su lãbãri cẽwa ruwa rababbe ne a tsakãninsu (da rãƙumar), kõwane sha, mai shi yanã halartar sa.

²⁹Sai suka kira abokinsu, sai ya karɓa, sa'an nan ya sõke ta,

³⁰To, yãya azãbaTa take da gargaɗi Na?

³¹Lalle Mũ, Mun aika tsãwa guda a kansu, sai suka kasance kamar yãyin mai shinge.

³²Kuma lalle ne, haƙĩƙa, Mun sauƙaƙe Alƙur'ani, dõmin tunãwa. To, shin, akwai mai tunãwa?

³³Mutãnen Lũɗu sun ƙaryata, game da gargaɗi.

³⁴Lalle Mun aika iskar tsakuwa a kansu, fãce mabiyan Lũɗu, Mun tsirar da su a lõkacin asuba.

³⁵Sabõda wata ni'ima ta daga gare Mu. Kamar haka Muke sãka wa wanda ya gõde.

³⁶Kuma lalle, haƙĩƙa, ya yi musu gargaɗin damƙar Mu, sai suka yi musu game da gargaɗin.

³⁷Kuma lalle haƙĩƙa, su, sun nẽme shi ta wajen bãƙinsa, sai Muka shãfe idãnunsu. "To, ku ɗanɗani azãbaTa da gargaɗĩ Na."

³⁸Kuma lalle, haƙĩƙa, wata azãba matabbaciya tã wãye musu gari da yãƙi, tun da sãfe.

³⁹To, ku ɗanɗani azãbãTa da gargaɗĩ Na.

⁴⁰Kuma lalle ne, haƙĩƙa, Mun sauƙaƙe Alƙur, ani dõmin tunãwa. To, shin, akwai mai tunãwa?

⁴¹Kuma lalle, haƙĩƙa, gargaɗin ya jẽ wa mabiyan Fir'auna.

⁴²Sun ƙaryata game da ãyõyin Mu, dukansu sai Muka kãma su, irin kãmun Mabuwãyi, Mai ĩkon yi.

⁴³Shin, kãfiranku ne mafi alhẽri daga waɗancan, ko kuwa kunã da wata barã'a a cikin littattafai?

⁴⁴Kõ zã su ce: "Mũ duka mãsu haɗa ƙarfi ne dõmin cin nasara?"

⁴⁵Zã a karya[1] tãron, kuma su jũya bãya dõmin gudu.

⁴⁶Ã'a, Sã'a ita cẽ lõkacin wa'adinsu, kuma Sã'ar tã fi tsananin masĩfa, kuma ta fiɗãci.

⁴⁷Lalle ne, mãsu laifi sunã a cikin ɓata da hauka.

⁴⁸Rãnar da zã a jã su a cikin wuta a kan fuskõkinsu. "Ku ɗanɗani shãfar wutar Saƙar."

⁴⁹Lalle Mũ, kõwane irin abu Mun halitta shi a kan tsãri.

⁵⁰Kuma umurnin Mu bai zamo ba fãce da kalma ɗaya, kamar walƙãwar ido.

⁵¹Kuma lalle ne haƙĩƙa, Mun halaka irin gayyarku. To, shin, akwai mai tunãni?

⁵²Kuma kõwane abu, da suka aikata shi, yanã a cikin littattafai.

⁵³Kuma dukkan ƙarami da babba, rubutacce ne.

⁵⁴Lalle mãsu taƙawa sunã a cikin gidãjen Aljanna da kõguna.

⁵⁵A cikin mazaunin gaskiya, wurin Mai ikon yi, Mai iya zartaswa.