Al-Mutaffifin

¹Halkaare woodanii ɓeen ustooɓe se'esirɗe.

²Ɓeen pe'esnatooɓe yimɓe ɓe ɗaɓɓa timminaneede.

³Siɓe ɓetanii ɓe wolla ɓe pe'esanii ɓe usta.

⁴E ɓee kan fellitaa won'de ko ɓe immintinteeɓe?

⁵Woodanii mbo ñalawma mawɗa.

⁶Ñande yimɓe ummanii joom binnde.

⁷Ala, pellet deftere faajireeɓe nani e sijijiin to.

⁸Ko holɗum anndinat maa ko woni SijjIiin?

⁹Ko deftere tonngaande.

¹⁰Haray nden ñande, bone woodanii yedduɓe ɓeen.

¹¹Ɓeen yeddooɓe ñalaande njoɓdi.

¹²Yeddata mbo si wona kala palguɗo keerol bakkadinɗo.

¹³Si aayeeje amen ɗeen janngaama e [tawnde] makko, o wi'a: "Ko tinndi adinooɓe".

¹⁴Ala, kono muuri ɓerɗe maɓɓe koɓe njennatnoo ko.

¹⁵Ala ɓeen de koɓe haɗaaɓe yi'ide joomi mu' en.

¹⁶Refti pellet koɓe naatooɓe jayngol.

¹⁷Refti ɓe wi'e:"meeɗee lepte mon ɗeen; ko ɗum woni ko njeddatɗon kon".

¹⁸Ala, pellet deftere ɗigguɓe nani e ka illiyyiina.

¹⁹Ko holɗum anndinat maa ko woni Illiyyiina?

²⁰Ko ɗum deftere tonngaande.

²¹No seedoo nde ɓurɓe ɓadaade.

²²Pellet ɓeen ɗigguɓe heɓe e ne'ema.

²³E leece heɓe ndaara.

²⁴Ina anndee e je'ece mu'en weltaare ne'emaaji.

²⁵Heɓe njarnee dola omndaako.

²⁶Haaɗtirde mum ko lati misku e ɗuum de yo fooɗondir fooɗondirooɓe ɓeen.

²⁷Hombo e Tasniim ɗuum ko seewnde ɓurnde toowde to aljanna he.

²⁸Sewnde nde ɓurɓe ɓadaade njarata nde.

²⁹Ɓeen faajirinɓe ngonoŋɗna na njala ɓeen gooŋɗinɓe.

³⁰Si ko ɓe mbirtiima ɓe ɓe ngona e ɓiiñandirde.

³¹Siɓe nduɗtiima to koreeji maɓɓe ɓe ndutto koɓe weltiiɓe.

³²Siɓe nji'iiɓe ɓe mbi'a ɓe ko ɓe majjuɓe.

³³Ɓe nelaaka e dow muenn ngam reende ɓe.

³⁴Hannde de gooŋɗinɓe njala he'eferɓe.

³⁵E le'ece heɓe ndaara.

³⁶Mbele he'eferɓe njoɓaama koɓe mbaɗatnoo ko.