Al-Haqqah

¹Darnga ngo.

²Anndinat ma ko woni darnga?

³Ko honɗum anndin maa ko woni Darngal?

⁴Samuudu e Aadi en njeddii duɗɗugol Darnga.

⁵Si ko Samuuda en, ɓe kalkira ha'acaango.

⁶Aadi en kan, ɓe kalkira henndu bippooru hattinndu tiiɗude.

⁷O eelti ndu e hoore maɓɓe jehmaaji jeeɗiɗi e ñalawmaaje jeetati jokkondirɗe; nji'aa yimɓe ɓeen no pukkii e ɗiin [koɗooli] wa si tawii ko ɓe daƴƴe tamaro irtiiɗe.

⁸Taw si a yi'anat ɓe ko keddii?

⁹Fir'awna e adinooɓe mo e ca'e junnitanooɗe ɗeen ngardi e goopi.

¹⁰ɓe njeddi nulaaɗo Joomi maɓɓe on, o nanngiri ɓe nanngal cattungal.

¹¹Ko Minen nhoni, fewndo ndiyam ɗam hummbunoo, Min ndoondi on ka dogayka

¹²fii no Mon mbaɗirana ɗum waajo, nofru nanatndu nana ɗum.

¹³Si wuttaama ka allaandu wuttaande wo'otere,

¹⁴leddi ndiin e pelle ɗeen ɓamtee moññe mo ɓññannde wo'otere.

¹⁵Ndeen ñande, Darnga ngo daroto,

¹⁶Kammu ngun se'ekoo, hara ko ngu lo'ungu ndeen ñande.

¹⁷Hara Malaa'ika'en ngontira ka seraaji maggu, njeetato [e maɓɓe] ronndoo Arsi Joomi maa kiin e hoore maɓɓe ndeen ñande.

¹⁸Ndeen ñande ko on weeɓitetee; hay hu'unde e fii mon suuɗotaako.

¹⁹Si ko jonnitiroyaaɗo talkuru mum ndun ka ñaamo mum, o wi'oyay : "njaɓee ! Janngon talkuru am nduun.

²⁰Miin mi fellitno mi kawroygol e hasboore am moƴƴere ndeen".

²¹Hara himo e nguurndam mbelɗam :

²²E ndeer Aljanna toowɗo

²³mo dimɗe mum ɓadii.

²⁴"Ñaamee yariron no newori, sabu ko ngardin-ɗon kon e ñalaaɗe feƴƴuɗe".

²⁵Si tawii noon ko jonntiiroyaaɗo talkuru mum nduun ka nano mum, on wi'oyay : "Haaaniino kam hara mi jonnitaaka talkuru am nduun !

²⁶Hara mi anndaani ko woni ñaawoore am.

²⁷Hara [maayde] ndeen wononu timmoode [am].

²⁸Jawdi am ndiin duñcanaani kam.

²⁹Mbaawko am koon halkirii kam!".

³⁰"Nanngee mbo kolmbon bmo.

³¹Refti naatnon mbo Jahiimi,

³²Refti naatnon mbo e jolokooje-callale- ɗe juuteendi mum woni cogone cappanɗe jeeɗiɗi.

³³Tawde o gooŋɗinaano Allah mawɗo on.

³⁴O reerɗintaano e ñammin'ngol miskiino.

³⁵Giɗo alana ɗum ɗo hannde.

³⁶Wonaa ñaamde, si wonaa e ƴiƴƴiƴiri".

³⁷Ñaamata ndin, si wonaa bakkondinɓe ɓeen".

³⁸Mi wooɗndirii ko nji'oton kon,

³⁹E ko on nji'ataa kon,

⁴⁰won'de pellet, [Alqur'aana] ko konngol nulaaɗo tedduɗo,

⁴¹wonaa nde konnguɗi yimoowo; kono famɗii ko ngooŋɗinton.

⁴²wonaa kadi nde konnguɗi bileejo, kono famɗii ko mbaajitotoɗon.

⁴³ko jippinaande immi e Jeyɗo einndere nde.

⁴⁴Si tawno o fekindino e amen yoga e konnguɗi,

⁴⁵ko pellet, min nanngirayno mo doole.

⁴⁶Hooti Min taƴayno e makko ɗaɗol ɓernde ngol.

⁴⁷Alaa e mo'on hay gooto kaɗoowo Min e makko.

⁴⁸Pellet, nde [Alqur'aanaare] konde baajitorgol gooɗuɓe ɓen.

⁴⁹Haray kadi, Miɗen nganndi ina e mon yeddooɓe [nde] .

⁵⁰ko pellet noon, ɗuum ko nimse e hoore yedduɓe ɓeen.

⁵¹pellet kadi, ko nde goonga jananaaɗo.

⁵²Haray subbunhinor innde Joom maa, mawɗo on!