As-Saff

¹Kala ko woni ka kammuuli e ka leydi seninii Allah. Ko Kaŋko woni pooluɗo, Ñeeño oon.

²Eehey mon gooŋɗinɓe ko waɗi hoɗon kaala ko on mbaɗata.

³Mawni tikkere ka Alla nde kaalaton ko on ngollata.

⁴Pellet Alla na yiɗi ɓeen haɓateeɓe e laawol Alla heɓe ngoni saffeeji hono maadi fotndaandi.

⁵Tumo nde o maakani yimɓe makko, yimɓe am holko taki hoɗon lora mi te hoɗon nganndi komi nelaaɗo Alla fa'ade e mon, ndeɓe ooñi Alla ooñi ɓerɗe maɓɓe Alla feewnata yimɓe faasiqeeɓe.

⁶E nde Iisa ɓiy Maryama maaki ehey mon ɓiɓɓe Israa'iil komi nelaaɗo Alla tigi fa'ade e mon gooŋɗinɗo ko woni ko e ye'esam am Tawreet e beltinoowo nelaaɗo garoowo caggal hombo wiyee Ahmadu, nde o anndani ɓe hujjaaji laaɓɗi ɓe mbi'ii ɗum ko mbilewu ɓanngungu.

⁷Alah ɓurɗa tooñde oon pekandiiɗo e dow Alla te hombo noddee e islaam, Alla feewnata tooñooɓe.

⁸Hoɓe paala ñifrude annoore Alla nde kunduɗe maɓɓe, Alla ko timminoowo annoore makko nde haysi he'efareeɓe ngañii.

⁹Ko Kanoko woni Nulirɗo Nulaaɗo makko on peewal e diina goonga, fii yo o ɓamtu ka e hoore kala diina, hay si sirkooɓe ɓen ngañii [ɗum].

¹⁰Ehey mon gooŋɗinɓe mbele mi tinndinta on njulaagu ndaɗnatngu on e lepte mu'usɗe.

¹¹Ngooŋɗinon Alla e nelaaɗo makko mbaɗiron jihaadi e laawol makko jawdi mon e pittaali mon ko ɗuum ɓuri on moƴƴande si on ngonii annduɓe.

¹²Alla hafrana on bakkatuuji mon, O naatna on aljannaaji ɗi caatli ndogata ley mum e koɗorɗe belɗe ka aljanna adan ko ɗuum woni malal manngal.

¹³E goɗɗum ko njiɗɗon ballal ummaade e Alla e uddital ɓadingal weltin juulɓe ɓe.

¹⁴Ehey mon gooŋɗinɓe ngonee wallooɓe Alla hono no Iisa Ibnu Mariya maaki suɓaaɓe mum hombo wallata mi fa'ade e Alla suɓaaɓe mum mbii ko minen ngoni wallooɓe Alla, heen fedde e Banii Isra'iil goonɗini won'de nde yeddi min cemmbini gooŋɗinnde nde e dow añɓe mum en ɓe ngonti foolɓe.