An-Najm

¹Mi wooɗndirii hoodere si konde fukkiima

²Gondiijo mon majjaani o bewaani.

³O haalata kadi belaaɗe.

⁴Ndee [Alqur’aanaare] wonaani, si wonaa waajo bahyateeɗo.

⁵Ko joom semmbe janngini ɗum mbo.

⁶Joom mbaadi yooɗndi o fotondiri.

⁷Hombo woni e jookli toowɗi.

⁸refti o ɓadi o ɓattii.

⁹O woni ɓadiiɗo fotde lahñe ɗiɗe wolla ko ɓuri ɓadaade.

¹⁰O wahyii e maccuɗo makko ko o wahyii ko.

¹¹ɓernde mum fennaani e ko o yi'i ko.

¹²mbele hoɗon njeddandira e mum ko yi'i.

¹³Ko noon tigi o yi'i Jibriir laawol goɗngol.

¹⁴ka lekki jaaɓi njani sanne(haaɗtirdi).

¹⁵ko kiin lekki woni aljanna koɗirɗo.

¹⁶Nde muurata e lekki jaaɓi-he ko naatata.

¹⁷Gite ɗe oonñaaki nde njawtaani keerol.

¹⁸Ko goonga o yi'i e kaawsaaji Alla ɓurɗi he mawnide.

¹⁹Onon he'eferɓe mbelr on nji'i laata e ujjaa.

²⁰E manaata tataɓiija goɗɗo oon ne.

²¹Mbele hina woodani on gorko na woodani Mbo debbo.

²²ɗuum de wadde ko peccugol ngol nuunɗaani.

²³ɗi ngonah si wonah inɗe ɗe innuɗon onon e baabiraaɓe mon Alla jippinaani heen daliil ɓe ndewaani si wona sikke e mbelamme pittaali ko goongo peewal arii e maɓɓe ummaade to Joom mu'en.

²⁴wolla mbele na woodani neɗɗo ko o wooɗa ko.

²⁵Ko Alla woodani ko sakkati e ko adii ko.

²⁶Heewii e maleykaaji e ndeer kammuuji ɗi tefoore majji nafatah hu'unde tawi wonah caggal de Alla sakkitani wonan'de mbo O wela O.

²⁷Pellet ɓeen ɓe ngoonɗinaani La'akara hoɓe innira maleykaaji inɗe rewɓe.

²⁸Woodanaani ɓe ganndal, alah koɓr ndewata si wona sikke, pellet sikke nafatae goonga hay hu'unde.

²⁹ɗuurno oon nduntiiɗa jikru amen mbo yiɗah si wona nguurndam aduna.

³⁰Ko ɗoon ganndal mum en haaɗi, pellet ko Alla ɓuri anndude oon majjuɗo laawol makko, ko Kaŋko kadi ɓuri anndude oon peewɗo.

³¹Ko Alla woodani kala ko woni e kammuuji e leydi ngam o yoɓa ɓeen bonnuɓe koɓe mbonni ko, o yoɓa kadi moƴƴinɓe moƴƴoore.

³²ɓeen woɗɗitotooɓe bakkatuuji mawɗi ɗin e paŋkare [ɓe paggitotaako] si wonaa tokoosi ɗin. Pellet, Joomi maa ko jaacɗo yaafuyee. Ko Kaŋko ɓuri anndude on gila O puɗɗunoo on ummaade e leydi, e nde ngonnoɗon fuƴƴannde ka deedi neeniraaɓe mon. Wota on mantu ko'e mon; ko Kaŋko ɓuri anndude gooŋɗuɓe ɓren.

³³E a tinaali ɗuurniiɗo oon,

³⁴hino okkira seeɗaa, hooti o ɗawa?

³⁵Kere o jogi ganndal mbirniiɗi ngal o yi'irta?

³⁶Kaa o humpitaaka ko woni kon e ɗeri Muusa ɗiin

³⁷e [ka ɗeri] Ibraahiima kuuɓnuɗo [ahadi yottini]

³⁸won'de woŋkii [woo] ronndotaako doŋgal (bakkaat) woɗkii goo,

³⁹e won'de alanaa neɗɗanke, si wonaa ko o golli kon;

⁴⁰e won'de golle makko ɗeen, aray ka yi'ee,

⁴¹Refti o yoɓire ɗe njoɓdi timmundi,

⁴²e wonan'de ko ka Joomi ma woni haattirde ndeen.

⁴³e won'de ko Kaŋko woni beltinoowo gullinoowo

⁴⁴ko Kaŋko kadi woni barooro Wuurnita,

⁴⁵e won'de O tagii resindirayɗi ɗin ɗiɗi : gorel e deyel,

⁴⁶immorde e toɓɓere maniiyu si yuppaama,(e raŋŋa).

⁴⁷e wonnode ko Kaŋko woodani tagitugol ɗimmum.

⁴⁸e won'de ko Kaŋko woni galɗinɗo e gokkuɗo,

⁴⁹e won'de ko Kaŋko woni Jeyɗo hoodere Si'ira ndeen,

⁵⁰e won'de ko Kaŋko halki Aadi'en adinooɓe,

⁵¹e Samuuda'en, o heddaano hay e gooto,

⁵²Ko non kadi yimɓe Nuuhu ɓeen ko adii[ɓe], pellet, ɓeen laatino ɓurɓe tooñude e bewde.

⁵³e yimɓe fitaare ɓeen (ɓe) o waylitunoo:

⁵⁴O hippiri ɗe ko ko o hippiri.

⁵⁵Ko holɗum e neemaaji Joomi ma ɗiin cikkitotoɗaa?

⁵⁶Oo ko jeertinoowo jiyaaɗo e jeertinooɓe adinooɓe.

⁵⁷Darngal ngal noon ɓadiima.

⁵⁸Duñoowo ngal ko woori Allah, ala.

⁵⁹E ko ndee yeewtere [Alqur'aana] kaawetoɗon?

⁶⁰Hoɗon njala, on ngullataa?

⁶¹Te ko on welsindiiɓe?

⁶²Kooni cujjanee Allah, ndewon [mo].