Ash-Shura

¹Haa, miim.[1]

²Ain, siin, qaaf.

³Ko wano nii woni ko Allah Teɗɗuɗo, Ñeeño oon wahayiniri e maa, e ɓeen adinooɓe maa.

⁴Ko Kaŋko woodani kala ko woni ka kammuuji e ka leydi. Ko Kaŋko kadi woni Toowuɗo, mawɗo oon.

⁵Kammuuji ɗiin no eɓɓa seekorgol dow majji, hara Malaa'ika'en no subbunhinanora yettugol Joomi maɓɓe, ɓe imsinanoo wonɓe ka leydi ɓeen. Ngandee pellet, ko Allah woni kaforoowo, jurmotooɗo otooɗo On.

⁶Ɓeen non jogitiiɓe yiɗɓe goo ga Makko, Allah ko deenuɗo ɓe. A wonaani deenoowo ɓe.

⁷Ko wano noon Min wahayniri e maaɗa, janngeteende e aarabu, fii yo a jeertin yimɓe neene ca'e ɗen e wonɓe takko mayre ɓeen, jerrtinaa fii ñalnde dental nden, - nde sikke alaa e mu'um - Fedde goo ka Aljnna, fedde goo kadi ka Yiite.

⁸Si Allah haajuno, O waɗayno ɓe mofte goote. Kono himo oon mo O muuyi ka Yurmeende makko. Tooñooɓe ɓeen non, giɗo alanaa ɓe, wonaa ballo.

⁹Kaa ɓe njogiti yiɗɓe goo ga makko? Awa ko Allah woni Giɗo on, ko Kaŋko wuurnitata maayɓe ɓeen; ko Kaŋko kadi woni kaɗtanɗo kala hu'unde.

¹⁰Kala ko luutondirɗon e fii mun, haray ñaawoore mum nden ko ka Allah woni. Ko on mooɗon Allah, woni Joomi am; ko e makko mi fawii, ko ka makko kadi mi ruttorta [tuubugol].

¹¹Puɗɗuɗo kammuuji ɗin e leydi ndin. O waɗiranii on e pittaali mon ɗin genndooɓe, ka neemoraaɗi kadi nooneeji; Homo ɗuɗɗinira on ɗum. Hay hu'unde yerondiraa e makko; ko Kanko woni Nanoowo, ji'oowo On.

¹²Ko Kaŋko heerori soktirɗe kammuuji ɗiin e leydi ndin. Homo weertana arsike on mo o muuyani, O ɓiɗtinana (mo O muuyani). Pellet, ko O gannduɗo kala hu'unde.

¹³O sar'inanii on e diina kan, koŋko ko o yamirnoo nuuhu, e kon ko Min wahayini e maaɗa, e kon ko Min njamirnoo Ibraahiima, e Muusaa e Iisaa, won'de: "Ñiɓnee diina kan; hara on ceertaani e makka". Kono Ko noddotaa sirkooɓe ɓen e mum kon, mawnii e dow maɓɓe. Allah non hino suɓanoo ɗum, mo O muuyani, O fewna e makko, kala tuuboowo.

¹⁴Ɓe seertaano, si wonaa ɓaawo nde ganndal ngal arde e maɓɓe, sabu bewre hakkunde maɓɓe. Si wonaano fii Konngol ardinoongol, immorde ka Joomi maa, haa e lajal taƴaangal, ñaaweteno hakkunde maɓɓe. Ko pellet, roninaaaɓe deftere nden ɓaawo maɓɓe, hino e sikke fii mayre sikkitiiɓe.

¹⁵Noddu (yimɓe ɓen) kisan; ñiiɓiraa no yamiraɗaa non, wota a jokku mbeleeɗe maɓɓe ɗeen, maakaa: "Mi gooŋɗinii ko Allah jippini kon (fof) e defte, mi njamiraama kadi, nunɗugol hakkunde mon. Allah woni Joomi amen e Joomi mon. Ko minen golle amen woodani, ko onon kadi golle mon woodani. Yeddondiral woo alaa hakkunde amen e mon. Allah mooɓoyay e denndaandal. Ko ka makko woni ruttorde nden".

¹⁶Ɓeen weeñirooɓe e diina Allah kan, ɓaawo ka jaɓaneede, hujja maɓɓe on ko mehre, tikkere no fawii e maɓɓe, hino woodani ɓe kadi lepte caɗtuɗe.

¹⁷Ko Allah woni jippiniri deftere nden goonga, e manndakke ɗen. E ko anndin maa? Hino gasa hara darnga ngal ko ko ɓadii?

¹⁸Ɓeya ɓe gooŋɗinaani ngal ɓeen, hiɓe heñoringal; gooŋɗinɓe ɓen kan, ko ɓe hulu fii maggal, e hoore hiɓe felliti won'de ko ngal goonga. Awa anndee wonɓe yeddondireede ɓen fii Darngal, ko pellet, ɓe ngonii e ndeer majjere woɗɗunde.

¹⁹Allah ko newaniiɗo jiyaaɓe makko ɓen. Homo arsike on mo o muuyani. Ko Kaŋko woni Doolnuɗo, poolɗo On.

²⁰Kala tawɗo ko baraaje ndun laakara o faalaa, Men ɓeydanay mo mbarjaari makko ndin; kala kadi tawɗo ko jayru ndun aduna o yiɗi, Min ngokkay mo ɗum, hara non o alaa ka kaalara (ton) geɗal.

²¹Kaa hara denndaaaaɗi hino woodani ɓe, sar'inanɗi ɓe e diina kan, ko ko Allah duŋaaki fii mum? Si wonaano fii Konngol [happunoongol] ngol fii senndugol [hakkunde maɓɓe], ñaaweteno hakkunde maɓɓe. Ko pellet, hino woodani tooñuɓe ɓen, lepte muusɗe.

²²A yi'at tooñɓe ɓen hino huli e ko ɓe fggitii kon, ɗum le ko yantayɗum e maɓɓe. Gooŋɗinɓe ɓen, ɓe ngolli golle moƴƴe, hiɓe e dinngire naakooji, hara hino woodani ɓe ka Joomi maɓɓe, kala ko ɓe faaletee. Ko ɗuum tigiri, woni ɓural mawnungal ngal.

²³Ko ɗuum woni ko Allah wewlinirta jiyaaɓe makko gooŋɗiiɓe ɓen, ɓe ngolli golle moƴƴe. Maaku: "Mi lamndaaki on njoɓdi e ɗum, si wonaa tun giggol enɗam ɗam". Kala paggitiiɗo moƴƴere, Min ɓeydanay mo moƴƴere e hoore mayre. Pellet, Allah ko kaforoowo, mantoowo.

²⁴Kaa ɓe mbi'ay o fefindor nde e hoore Allah fenaande. Si Allah haajuno, O notatno e ɓernda maa nden. Alla no meha meere nden, O tabintinira goonga kan Daalol makko ngol. Pellet, ko O gannduɗo gunndooji ɓerɗe ɗeen.

²⁵Ko Kaŋko woni jaɓanoowo jiyaaɓe makko ɓeen tuubuubuyee, O yaafoo bonɗi ɗin, e hoore Himo anndi ko ngolloton kon.

²⁶Himo jaabinana gooŋɗinɓe ɓeen, ɓe ngolli moƴƴuɗi, O ɓeydana ɓe e ɓural makko ngal. Heeferɓe ɓen non, hino woodani ɓe lepte caɗtuɗe.

²⁷Si tawno Allah yaññanno jiyaaɓe Makko ɓeen [fof] arsike, pellet, ɓe bewayno ka leydi; kono Homo jippinira emmbere ko O muuyi. Pellet, ko O kummpitiiɗo, yioowo jeyyaaɓe makko ɓeen.

²⁸Ko Kano woni jippinoowo toɓo ngoon ɓaawo ɓe taƴaade, O saaka yurmeende makko nden. Ko Kaŋko kadi woni Giɗo, jettiniiɗo On.

²⁹Hino jeyaa e Ma'andeeji makko ɗiin: tagugol kammuuji ɗiin e leydi ndin, e ruugayɗi ɗi O saaki ɗin hakkunde majji. Kaŋko e fii mooɓindiroygol ɓe ngool, si O haajii, ko O kattanɗo.

³⁰Kala ko heɓi on e masiibo, ko sabu ko juuɗe mon ɗeen faggitii kon. Himo ya'afoo noon, ko ɗuuɗi.

³¹OOn wonaani laawotooɓe ka leydi ; alanaa on ga Allah, giɗo, wanaa ballo.

³²Hino jiyaa e Ma'andeeji makko ɗiin: dogayɗe ɗen ka maayo, wa'aɗe wa pelle.

³³Si O haajii, O deeƴinay henndu ndun, ndu waɗtinira tabitndu e hoore maggo. Wonii e ɗuum, Ma'andeeji, wona 'de kala muññotooɗo, jettoowo.

³⁴Maa yooliraɗe sabu ko ɓe paggitii kon. Himo ya'afoo noon ko ɗuuɗi.

³⁵Wennjooɓe ɓeeen e aayeeje Amen ɗen, hino anndi ɓe alaa laaworde.

³⁶Kala ko ngokkaɗon e hu'unde, ko dakamme nguurndam aduna; ko ko woni ka Allah koon, ɓuri moƴƴude woni kadi ko heddotoo wonan'de gooŋɗinɓe ɓeen fawotooɓe e Joomi maɓɓe.

³⁷woɗɗitotooɓe bakkaatuuji mawɗi ɗiin e paŋkare ɗeen, si wonii ɓe tikkii, hara ɓe yaafoto,

³⁸ɓeen nootiiɓe Joomi maɓɓe, ɓe ñiɓni juulde nden, ɓe tawata fiyaaku maɓɓe on ko diisondiral hakkunde maɓɓe, nafqooɓe e ko ko Min ngarsiki ɓe,

³⁹e ɓeen tawɓe si bewre heɓii ɓe, ɓe njottoto.

⁴⁰Njoɓdi bonnere, ko bone yeru mum. Kala non yaafiiɗo o moƴƴintini, haray njoɓdi makko ndin ko ka Allah woni. Pellet non, O yiɗaa tooñooɓe ɓeen.

⁴¹Kala noon yottiiɓe ɓaawo ɓe tooñeede, ko ɓen woni ɓe laawol [nanngitireede] fawaaki e mum.

⁴²Ko laawol [nanngitireede] fawii e mum, ko tooñooɓe yimɓe ɓeen, hara hiɓe bewira e leydi ndin ko aldaa e goonga: ɓe ɗoon, hino woodani lepte mu'usuuɗe.

⁴³Muññiiɗo on kadi o yaafii, ko pellet, ɗuum no jiyaa e pellital fiyakuujI.

⁴⁴Kala mo Allah majjini, haray giɗo (goo) alanaa mo ɓaawo ɗum. A tinay tooñɓe ɓeen, tuma ɓe nji'i lepte ɗeen, hiɓe mbi'a: "Hara laawol ruttorde no woodi?".

⁴⁵A tinay ɓe kadi, heɓe mbeeɓitee e magge, hara heɓe njankinii koyeera on, heɓe ndaarira ndaarɗe leppagol. Gooŋɗinɓe ɓen mbi'aya: "Ko woni hayru ɓe ɓeen, ko ɓen hayrimɓe ko'e mun e ɓeynguureeji maɓɓe ɗin Ñalnde Darngal". Nganndee pellet, tooñuɓe ɓeen no e lepte duumiiɗe.

⁴⁶Yiɗɓe alanaa ɓe, ko wallitoo ɓe, hara wonaa Allah. Kala noon mo Allah majjini, haray laawol alanaa mo.

⁴⁷Nootee Joomi mon, ado ñalaande arde, nde ruttoowo alaa ɗuum ka Allah. Nden ñalnde, faaborde alanaa on, jeddugol kadi alanaa oon.

⁴⁸Si ɓe ɗuurnike non, haray min nuliraali ma, aynoowo ɓe: fawaaki ma, si wonaa joottingol. Si wonii Min meeɗiniri neɗɗanke on neema immorde e Amen, o wewlira mo; si ko bone non heɓi ɓe, sabu kon ko juuɗe maɓɓe ɗen ardiniri, a taway pellet, neɗɗo on ko jedduɗo sanne !

⁴⁹Ko Allah woodani laamagol kammuuji ɗin e leydi ndin. Himo taga ko o muuyi. Homo yeɗa mo o muuyani ɓiɓɓe rewɓe, O yeɗa kadi mo O muuyani ɓiɗɓe worɓe.

⁵⁰maa O jillira ɓe worɓe e rewɓe; Homo waɗa dimaro, on mo o muuyani. Pellet, ko O ganduɗo, kattanɗo.

⁵¹Sellantaa neɗɗaŋke, nde Allah yeewtata mo, si wonaa wahayu, maa e ɓaawo heedo, maa o immina Nulaaɗo (Malaa'ikaajo), on wayahina e duŋayee(sakkitoore) makko, ko ko O haaji. Pellet, ko O toowuɗo, Ñeeñɗo.

⁵²Ko wano non Min mbayayinir e maaɗa, ruuhu on [Alqur'aana] e yamiroore Amen. A anndaano ko woni deftere, maa gooŋɗinal; si ko woni, Min mbaɗunde ndaygu, ngu Min peewwnirta on mo Min muuyani e jiyaaɓe Amen ɓen. Pellet, ko a feewnoowo e laawol Pocciingol,

⁵³laawol Allah, On jeyɗo ko woni kammuuji e ka leydi. ganndee, ko ka Allah, fiyakuuji ɗin nduttotoo.