الإسراء
The Night Journey • 111 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Senaare wondani oon doƴnuɗo Jeyaaɗo makko on jehma, iwde ta juulirde hormante haa ka juulirde woɗɗitiinde, nden nde min mbarkini banŋe mun,fii yo min kollu mo immorde e aayeeje amen. Pellet, Ko Kaŋko woni Nanoowo, ji’oowo.
2Min njnniino Muusaa deftere nden, men mbaɗi nde peewal, wonan'de ɓiɗɓe Israa’iila ɓen, won'de : "Wata on njogito ga Am kooloraaɗo".
3[Ko onon yo] ɓiɗɓe ɓe ɓe min mbaɗɗinnoo wonnudude e Nuuhu.Pellet, o laatino jeyaaɗo yettoowo.
4Min mbahyinino e ɓiɗɓe Israa’iila ɓe to deftere [won'de] : "On mbonnayat ta leydi laabi ɗiɗi, on townitoyto kadi townitaare mawnnde".
5Si fodoore gootel e ɗin ɗiɗi arii, min ngurta e mon jiyaaɓe Amen, marɓe doole tiiɗɗe, ɓe njiloo hakkunde galleeji ɗi. Ɗuum wonii fodoore huuwoyteende =golloteende.
6Refti min nduttitanani on n on doole ɗen e hoore maɓɓe; min Ɓeydi on jawɗe e ɓiɗɓe,min mbaɗa on gorol ɓurngol heewde.
7Si on moƴƴinii, ko ko'e mon moƴƴinanɗon ; si on mbonnii kadi, ko ko’e mon [bonnannɗon]. Si fodoore sakkitiinde nden arii, ko fii yo ɓe hoynu j'eece mon ɗen, e fii yo no ɓe naatiraa ka juulirde wano ɓe naatirnoo e mayre ka laawol adanol, e fii yo ɓe muncu yeru woo ko ɓe townani muncudee.
8Hino jortaa ka Joomi mon yurmee on.Si on fillitike (non),min fillitoo. min mbaɗanii yedduɓe ɓe Jahannama on tonngorde.
9Pellet, ndee Alqur’aanaare no fewnat e ko ɓuri e nuunɗude,hende wewlinira=weltanira gooŋɗinɓe,ɓen gollooɓe moƴƴuɗi ɗin, won'de, no woodani ɓe njoɓdi mawndi.
10E won'de pellet, ɓen ɓe gooŋɗinaa laakara on, men maranii ɓe lepte muusuɗe.
11Neɗɗo no toroo bone, wano o tororta non moƴƴere,neɗɗaŋke on wonii ko heñiiɗo.
12Min mbaɗii jemma on e ñalawma on Aayeeje ɗiɗi, min momti aaya jemma on, min mbaɗi aaya ñalawma on hentiiɗo, fii yo on ɗaɓɓu ɓural immorde e Joomi mon, e fii yo on ngandu limoore duuɓi, e hasboore. Kala huunde, min n fensitirii nde fensitudee.
13Kala neɗɗaŋke, min mbaɗɗinii mo talkuru makko ndun ka daande makko. Men njaltinanoyat mo Ñande Darngal, deftere, o hawra e mayre ko nde fontaande.
14Janngu deftere maa nden, hoore-maa yonante hannde kasboowo.
15Mo feewii, haray pellet, ko hoore-makko o feewani ; mo majii kadi, haray pellet, ko o majji kon yantate hoore-makko. Woŋkii ronndotaako bone wokki goo. Men ngonaani leptooɓe, haa min immina Nulaaɗo.
16Si min faandike halkude saare, Men y Njamirat neeminaaɓe mayre ɓen, ɓe faasinqinoo e mayre, konngol (lepte) ngol jojja e mayre, Men munca nde muncudee.
17Heewii gire ɗe min kalki ɓaawo Nuuhu! Joomi maa Yonii Humpitiiɗo, ji’oowo junuubi=bakkatuuji jeyaaɓe makko ɓen.
18Kala mo faala yaawnaneede, min n njaawnanat mo ton huunde ko min muuyi, wonan'de on mo min njɗi, refti min mbaɗana mo Jahannama, o naatoya nge ko o ñiŋaaɗo, goɗɗinaaɗo [yurmeende].
19On paalaaɗo laakara, o gollani ɗum golle mum, hara kaŋko ko o gooŋɗinɗo ;ɓeen ɗoon, golle maɓɓe ɗen ngonii jaarnaaɗe.
20Kala (maɓɓe),miɗen ɓeydana ; ɓee ɗoo e ɓee ɗoo, immorde e dokkal Joomi maa. Dokkal Joomi maa ngal wonaani kaɗaa ngal.
21Ndaarii no min ɓurniri yoga maɓɓe e dow yoga, ko laakara on ɓuri mawnude darjaaji,ɓuri mawnude kadi ɓural.
22Wota a waɗan Alla deweteeɗo goɗɗo; njooɗoyoɗaa ko a ñiŋaaɗo noppaaɗo.
23Joomi maa yamirii :"wota on ndew ko wonaa Kaŋko, jipnaaɓe ɓ,moƴƴagol [e maɓɓe]:si nayewu goɗɗo e maɓɓe yottike ma,maa ɗum ɓe ɗiɗo non;wota a wi’i ɓe "eh=uf!" wota a wikko ɓe =wota a furo,layan ɓe konngol teddungol.
24Njankinanoɗaa ɓe njurmeɗaa ɓe, mbi’aa: « Joomi an, yurme ɓe’e, wano ɓe ne’irnoo kam non hari ko mi tosokum ».
25Joomi mo'on no andi ko woni ka nder woŋkiiji mon, si tawii on ngonnno moƴƴuɓe ; pellet Kaŋko o wonanii ruttotooɓe ɓe cuhroowo.
26Jonnu jom ɓadondiral haqqee makko o, e ɓilliiɗo, e seteejo haqqee makko on ; wota a bonnu bonnere.
27Pellet bonnooɓe ɓe, ko siɗɓe seytanuuji ɗi ; seytaane non wonii jedduɗo Joomi mum.
28Si a ɗuurniima ɓe fii ɗaɓɓugol yurmeende immorde ka Joomi maa, nde jortiɗaa ɗum, wi'i ɓe konngol newingol.
29Wota a waɗ junngo maa ngo ko lmbaango, ka daande maa ; wota a fortu ngo kadi kala portugol, haa njooɗoɗaa ko a pelniiɗo, nimsuɗo.
30Pellet Joomi maa, no yaacnana arsike, on mo O muuyi. O ɓittina. Pellet Kaŋko O wonii kumpitiiɗo, ji’oowo jeyaaɓe makko.
31Wote on mbare ɓiɓɓe mon ɓen kulol ɓilla=ba'asal, ko minen ngarsikata ɓe, won'dude e mon ; pellet bargol ɓe ngol, wonii goopol manngol.
32Wota on ɓatto jina=fijrde nde, pellet ɗuum wonii paŋkare e laawol bon'ngol.
33Wota on mbar woŋkii, ki Allah harmini kin [bargol], si wonaa sabu hakkee. Mo tooñaama waraama, min waɗanii heftuɓe e makko ɓe doole wota non o fantin ka bargol. Pellet Kaŋko o wonii ballaaɗo.
34Wota on ɓatto jawle Alyatiim, si wonaa ɓattagol ɓurngol moƴƴude, haa sagatalaaku makko timma ; kuumnee aadi ndin; pellet, aadi ndin wonii laɓnditoytee ndi.
35Kuuɓnee ɓetu ngu si petat, manndikiron manndakke=peeson peese peewɗe, ko ɗum moƴƴi, ko kañum ɓuri moƴƴude battane.
36Wota a rewindo e ko a anndaa fii mum. Pellet nanɗe ɗen, e giiɗe ɗen e ɓernde nden, ɗiiɗoo fow ngonii laɓnditoyteeɗi ka makko.
37Wota a yaaru e leydi ñaaƴa bunnga, ko fii pellet an a yulataa leydi ndin, a yottotaako pelle ɗe njuuteendi.
38ɗe fof, bone majji on ngonii gañaaɗi to Joomi maa.
39Ɗuum, ko goɗɗum e ko Joomi maaɗa wahayini fa'ade e maa, immorde e Ñeeñal wota a waɗ deweteeɗo goo wond'ude e Alla, sakko mberleɗaa ka ndeer jahannama ko a pelaaɗo daɗaaɗo.
40E mati Joomi mon suɓani on ɓiɓɓe worɓe, O jogitoo immorde e malaa'ikaaji ɗi rewɓe? Pellet, onon hoɗon layde konngol mawnungol!
41Gooŋɗii min fensitii e nder ndee Alqur'aanaare fii yo ɓe mbaactor, ɗum ɓeydaani ɓe si wonaa woɗɗitagol.
42" Maaku : « Si tawno no won'di e makko, deweteeɗi wano ɓe mbi’iri ni ɗi ɗaɓɓayno laawol feewde de Jom Arsi o."
43Senaade wonanii mo, o Toowii gaayi e ko ɓe mbi'ata Toowal mawnngal.
44No subunhinan'de mo kammuuli ɗin jeeɗiɗi e leydi ndin e ɓe won'ɓe e majji, alaa e hay e hu'unde si wonaa hende Subunhinaade sabu Yettugol mo, kono on faamataa cubunhinaali maɓɓe ɗin, pellet, Kaŋko O wonii munñiiɗo cuhroowo.
45Si a janngii Alqur'aanaare nden min maɗat hakkunde maa e ɓeen ɓe mgooŋɗinaa laalara on heedo suuɗiingo.
46Min mbaɗi aɗi e dow ɓerɗe maɓɓe ɗeen cokooɗe fii wata ɓe paamu nde [Alqur'aanaare nden] e ka noppi maɓɓe kadi teddeele, si a jaŋtike Joomi maaɗa ka ndeer Alqur'aanaare Kaŋko Tun ɓe huccinay ɓabbe maɓɓe ɗen ko ɓe dogooɓe.
47Ko Minen ngnndi ko ɓe keɗotoo kon, tuma ɓe keɗotoo fa'ade e maaɗa [yo Nulaaɗo], e tuma ɓe cowndondirta=ndeeydata, tuma nde tooñooɓe ɓe mbi'ata: «On jokkaani si wonaa gorko mbilɗaaɗo=bilaaɗo».
48Ndaarii [yo Nulaaɗo] ko honno ɓe piyiranay maa mise=yeruuji, ɓe majjii ɓe kattantaake [heɓde] laawol.
49Ɓe mbi'i: «E hara si mon mgonii ƴi'e e nguɗu, haray ko min immintinoyteeɓe tagoore hesre?»
50Maaku: [yo Nulaaɗo] «ngonee kaaƴe maa jamɗe»
51Ma ɗuum tagoore tawa nde mawni e ɓerɗe mon, ɓe mbi'a: 'Ko hommbo ruttata amen?" Maaku: "Ko On takɗo on ka laawol adanol". Ɓe tura ko'e maɓɓe ɗe fa'ade e maa, ɓe mbi'a: "Ɗuum ko honde tuma"?, Maaku: 'No tijjaa nde tawata ɓadike".
52Ñannde o noddata on nootoɗon njetton mo cikkon on ñiiɓaano [ka leydi] si wonaa seeɗa.
53Maakan jiyaaɓe aan ɓe: "Yoo ɓe lay ko ɓuri moƴƴude, pellet, Seytaane o bonnat hakkunde maɓɓe, pellet, Seytaane wonanii neɗɗaŋke gaño laaɓtuɗo".
54Joomi mon ko o ganndo fii mon, si o yiɗii o yurmoo on, maa ɗum si o yiɗii olepta on. Min nulaani ma e dow maɓɓe fawtiiɗo.
55Ko Joomi maa anndi fii ɓe wonɓe ta kammuuli e ta leydi, pellet, Min ɓurnii woɓɓe e Annabaaɓe ɓe e dow woɓɓe, Min Jonni Daawuuda Jabuura.
56Maaku: "Noddee ɓe ɓe aaƴiɗon [ko deweteeɓe] gaanin makko, ɓe maraa huncugol lorra kan gaayi mo'on wonaa waylugol kadi".
57Ɓen, ɓe ɓe ngoni noddude, heɓe ɗaɓɓude ɗoworgal fa'ade e Joomi maɓɓe, ko hommbo e maɓɓe ɓuri ɓadaade, heɓe njoortii yurmende makko on heɓe kuli lepte makko ɗe, pellet, lepte Joomi maa ɗe ɗe laatike ko deentaaɗe.
58Alaa e saare si wonaa minen ko min halkatɓe nde ko adii ñande darngal, maa ko min leptatɓe nde lepte cattuɗe, ɗuum ɗo wonii ko winndaa ɗum to Deftere.
59Haɗaani min nde min nula aayeeje ɗe, si wona sabu yeddiino ɗe adiiɓe ɓen, Min okki Samuuda Ngeelooba ba yi'teemba ɓe tooñi ba, Min nuliraani Aayeeje ɗe si wonaa hulɓinirɗe.
60[Janto] Tuma nde min wi'anno maa: "Pellet, Joomi maa o huɓindima yimɓe ɓe, Min mbaɗiraani nde yi'annde nde Min kollumaa si wonaa fitina wona'de yimɓe ɓe e lekki huɗaaki ki ka Alqur'aana, Miɗen kulɓina ɓe kono ɓeydataa ɓe si wonaa bewre mawnde.
61Nde min n Daalannoo Maleykaaji ɗi cujjanee aadama, ɓe cujji si wonaa Ibliisa o wi'i: " mi sujjanta on mo talɗa e loopal?".
62O wi'i: "A yi'ii oo mo teddinɗaa e dow am, pellet, si A neeɓnanii kan haa ñande darnga mi bonnat ɓiɓɓe makko ɓe si wonaa seeɗaaɓe.
63[Alla] Daali: "Yahu, kala jokkuɗo ma e maɓɓe pellet, ko jahannama woni njoɓdi mon, njoɓdi yonoori".
64Dillinir on mo kattanaɗaa e maɓɓe hito maa o, pooɗa e dow maɓɓe pucci maa e seppooɓe maa, rentu e maɓɓe jawle e ɓiɓɓe foduɓe, [kono] Seytaane fodaani ɓe si wonaa hodo.
65Pellet, Jiyaaɓe am ɓe a maraa doole e hoore maɓɓe, Joomi maa yonii kooloraaɗo.
66Ko Joomi mon woni sogganatɗo on laaɗe ɗe e maayo, fii yo on ɗaɓɓu immorde e ɓural makko , pellet, Kaŋko ko O jurmotooɗo on.
67Si lorra heɓii on to maayo, majja ɓeen ɓe noddatno ɗon, si wonaa Kaŋko [Alla] nde danndi on ka njorndi ɗurnoɗon, neɗɗaŋke on wonii te o seeraani won'de heewuɗo jeddugol.
68Enee, on kooli mutintaa on ka baŋe njorndi maaɗum o nula e mon damagariire [toɓo koccu], refti heɓantaake on fawtiiɗo.
69Ma kooli o nduttaraa on e maggo laawol goo o accita e dow mon bippooru immorde e keneeli o yoolira on sabu ko njedduno ɗon ko, refti on keɓantaake jokkitiratɗo e dow amen cukkoowo.
70Gooŋɗii, min teddinii ɓiɗɓe aadama ɓe, min ronndike ɓe ka njorndi e ka maayo min arsiki ɓe immorde e laaɓuɗi min n ɓurni ɓe e dow ko heewi e ɓen ɓe min tagi ɓurnudee.
71Ñannde min noddiroyta kala yimɓe gardiiɗo maɓɓe on,kala on jonnitiroyaaɗo deftere makko nde ka ñaamo makko ɓe ɗon ɓe janngay deftere maɓɓe nde ɓe tooñirtaake hay yeru gaarayol hun tamaro.
72Kala on gon'ɗo e [ngurndan aduna] ko o bunɗo, haray kaŋko, ko ka laakara o ɓurata wumde e majjude laawol.
73Fii kala ɓe eɓɓii nde ɓe fitinatmaa gaayi nde hu'unde nde min n wahayini e maaɗa fii yo a fekindo e amen ko wonaa ɗun [ko min n tellini e maa] on tuma ɓe njogitoto ma sehlaajo.
74Si tawiino min tabintinaanoma, gooŋɗii a do'ii ooña'ade e maɓɓe hu'unde seeɗaare.
75On tuma min meeɗinteno cowale [lepte] ka nguurndam e cowale [lepte] kumayde refti heɓantaake ma ballo e hoore Amen.
76Fii kala ɓe eɓɓiino dillinngol ma ka leydi fii yo ɓe yaltine e mayri, on tuma ɓe ñiiɓataano ɓatte maa si wonaa seeɗa.
77Ɗum ko Sunna ɓe ɓe min n nuli ko adimaa immorde e Nulaaɓe amen, a heɓantaa Sunna amen on mbattiigu.
78Ñiiɓu juulde nde ka mortagol na'ange nge haa ka niɓre jemma, Juulde subaha nde, pellet, Juulde subaha nde wonii seedeteende.
79Ka jemma tinno e makko ko ɓeydaari maaɗa, no jortaa nde Joomi maaɗa immintinat ma e darorɗe yettiniinde.
80Ma'aku: "Jooma, naadira naatirgal goonga yaltiniraa mi jaltirgal goonga, mbaɗanaa mi immorde ka maaɗa doole ballal".
81Maaku: "goonga o arii mehre nde fuuyii, pellet, mehre nde wonii fuuyoore".
82Miɗen tellina ka Alqur'aana hu'unde nde konde cellal e yurmeende wona'nde gooŋɗinɓe ɓe, ɓeydataa tooñooɓe ɓen si wonaa hayre.
83Si min n neeɓnii e neɗɗaŋke on o ɗuurnoo o townaa balaaje makko, si bone heɓii mo o wona hattuɗo e taƴiiɗo.
84Maaku: "mo kala yo golluɗo e laawol mum, ko Joomi mon woni gannduɗo on ɓurɗo feewde laawol".
85Heɓe laɓdo maa fii fittaandu, maaku: "Fittaandu ndu ko e fiyaake Joomi an, on okkaaka e ganndal si wonaa seeɗaé.
86Mi woondii, si Miɗen njiɗnoo min naɓatno nde hu'unde nde min wahyini fa'ade e maaɗa, refti heɓantaake ma fawtiiɗo ɗum e hoore amen.
87Ko woni tan, ko Hinnayee immorde ka Joomi maa, pellet, ɓural makko ngal e dow maa wonii mawngal.
88Maaku: "Mi woondii, si yimɓe ɓe e jinnaaji ɗi kawtitii fii yo ɓe ngaddu yeru ndee Alqur'aanaare, ɓe mgaddataa yeru mayre, hay si wonii woɓɓe maɓɓe ko wallindratɓe e woɓɓe".
89Gooŋɗii min ɓannginanii yimɓe ɓen e ndee Alqur'aanaare immorde e kala misal, ɓurɓe ɗuuɗude e yimɓe ɓe calii, si wanaa jeddugol.
90Ɓe mbi'i: "min ngoŋɗintaa ma, haa ɓullitanaa men e lesdi ɓunndu".
91Mu ɗum laatano maa ngesa immorde e tamorooje e inabuuje ɓullitaa caatli ɗi hakkunde majje ɓullitugol.
92Ma ɗum liɓaa kammu ngu e hoore amen wano aaƴorɗaa non kunte, maa ɗum ngddaa Alla e Maleykaaji ɗi [men] kuccandira.
93Ma ɗum laatano maa suudu immorde e cuɗaaje [kanŋe], maaɗum ƴawaa ka kammu, men ngooŋɗintaa ƴawugol maaɗa ngol haa njippinaa e amen deftere men jannga nde. Maaku: "Senaade Jom an, hara mi wonu, ko wonaa ɓanndinke Nulaaɗo?!".
94Haɗaani yimɓe ɓe nde ɓe ngooŋɗinta tuma nde peewalngal arnoo ɓe, si wonaa fii ɓe mbi'i i'ii: "E hara Alla nulay ɓanndiŋke Nulaaɗo?!"
95Maaku: "Si tawiino laatinooma lesdi maleykaaji heɓe njaha ko ɓe deeƴɓe, min njippinatno e maɓɓe immorde ka kammu Malayla Nulaaɗo".
96Maaku: "Alla yonii ceediiɗo hakkunde am e mon, pellet Kaŋko o wonii kumpitiiɗo deenɗo jeyaaɓe makko ɓen".
97Oon mo Alla feewni ko oon woni peewuɗo, ɓe o majjini ɓe a heɓantaaɓe wallooɓe ko woori mo. Min mooɓay ɓe ñande darnga e dow je'ece maɓɓe ɗe ko ɓe wumɓe e muumɗuɓe= fahdube ɓe e faaɗuɓe, ja'aƴndee maɓɓe nden ko jahannama tuma kala nge rocci min ɓeydana ɓe huɓɓunge.
98Ɗuum ko njoɓdi maɓɓe, sabu kamɓe ɓe njeddii aayeeje amen ɗe, ɓe mbi'i i: "E hay si min ngonii ƴi'e e mbuɗu e hara minen ko min immintinteeɓe tagoore?!" hesre.
99Enee, ɓee nji'aani, won'de Alla O Takɗo kammuuli ɗi e leydi ndi ko kattanɗo nde o tagata yeru maɓɓe, o waɗani ɓe lajal [caate] sikke alaa e maggal. Tooñooɓe ɓe calii si wonaa jeddugol.
100Maaku: "Sinndo onon hoɗon marnoo ngaluuji yurmeende e Joomi am on, on tuma, on njogitotono kulol nafkugol, neɗɗaŋke on wonii nguddo".
101Gooŋɗii min n ngkkiino Muusaa aayeeje jeenay ɓannguɗe, lanndii ɓiɓɓe Israa'iila ɓen tuma nde o arnoo ɓe Fir'awna wi'ani mo: "min dey miɗo sikkumaa ko an yo Muusaa ko a mbilɗaaɗo".
102Maaku: "Gooŋɗii haɗa anndi jippinaani ɗee si wonaa Jeyɗo kammuuji ɗi e leydi ndi aayeeje [yi'eteeɗi]. Min dey miɗo sikkumaa ko an yo Fir'awna ko a kalkiiɗo".
103O faalaa nde o dillinta ɓe ka lesdi min n njoooli mo e ɓe won'du ɓe e makko ɓe denndaangal.
104Min Daalani ɓaawo makko ɓiɓɓe Israa'iila ɓe: "Hoɗee ka leydi, si fodoore sakkitiinde nden arii, min ngaddana on ko on muuɓiiɓe=fiiliibe".
105Ko sabu Goonga min telliniri nde, ko sabu Goonga nde tellii, Min nuliraani ma si wanaa [ko a] beltinoowo=beltinoowo e jertinoowo.
106E Qur'aanaare min n ɓanngini nde fii yo a janngannde yimɓe ɓe e dow deeƴere, min njippini nde jippin'de.
107Maaku: "ngooŋɗinee nde, maaɗum wota on ngoŋɗine, pellet, ɓen okkaaɓe ganndal ko adii nde si [nde] janngaama e taweende maɓɓe ɓe suuyiray wokkuɗe ko ɓe sujjooɓe".
108Ɓe mbi'a:Senaade woodanii Joomi amen,nde wonnoo Fodoore Joomi amen nden ko waɗoore.
109Heɓe suuyira wokkuɗe ɓe ngulla [Alqur'aana on] ɓasda ɓe yankinaare.
110Maaku: "Noddiree mo Alla maa noddiro mo jurmotooɗo, kala no noddirɗon Mo, ko Kaŋko Inɗe Moƴƴe ɗen heeranii, wota a fenñin juulde maaɗa nden wota a suuɗnde nde ɗaɓɓu hakkunde ɗuum laawol.
111Maaku: jettooje ɗe ngoodanii Alla o mo jogitaaki ɓiɗɗo laatanaaki mo kafidaaɗo e Laamu laatanaaki mo tedduɗo mo o huykinantoo, Mawnin Mo Mawnin'dee.