Al-Layl

¹Ako (Dios) nanumpa sa gabii sa diha nga kini mutabon (sa yuta sa kangitngit),

²Ug pinaagi sa adlaw sa diha kini magpakita sa iyang kahayag.

³Ug pinaagi Kaniya (Allah) nga maoy naglalang sa lalaki ug babaye,

⁴Sa pagkamatuod ang inyong manga paninguha nag-kadaiya,

⁵Busa ingon nga alang sa usa nga naghatag sa unsa ang obligado kaniya sa paghatag ug nagbantay sa iyang kaugalingon batok sa kadautan,

⁶Ug nagtuo sa gisaad ni Allāh kaniya ingon nga ganti (sa Paraiso);

⁷Kami mapadali alang kaniya ang Dalan sa Kasayon​​ (sa Paraiso).

⁸Apan alang kaniya nga kuripot ug nag-huna-huna nga kaniya walay nakulang,

⁹Ug pagsalikway sa labin maayong ganti (sa Paraiso),

¹⁰Kami mapadali alang kaniya sa dalan padulong sa kapildihan (sa Imperno).

¹¹Unsa ang dad-on sa iyang bahandi kaniya nga siya kuripot sa diha nga siya mamatay ug mosulod sa Kalayo?

¹²Sa pagkatinuod kini ibabaw Kanato (Allāh) ang paggiya.

¹³Sa pagkatinuod nganha Kanato ang kinabuhi sa umaabot ug ang kinabuhi niining kalibotana:

¹⁴Busa gipasidan-an Ko kamo sa kalayo nga nagdilaab:

¹⁵Walay laing masunog niini nga kalayo kondili ang labing alaot (ang manlilimod),

¹⁶Nga nagsalikway (sa Kamatuoran) ug mitalikod gikan (niini).

¹⁷Apan ang Labing mga matarong mahilayo gikan niini (sa Impiyerno),

¹⁸Nga naghatag sa iyang pinakamaayong bahandi (sa mga buhat sa kaluoy ug gugmang putli), aron sa pagputli sa iyang kaugalingon 'gikan sa mga sala',

¹⁹Ug dili balos sa iyang gihatag gikan sa iyang bahandi aron sa pagpares sa grasya nga gihatag kaniya sa lain,

²⁰Apan sa pagpangita lamang sa Nawong sa iyang Ginoo (Allah), ang Labing Halangdon.

²¹Ug sa dili madugay siya mahimuot pag-ayo (sa diha nga siya mosulod sa Paraiso nga maangkon ang tumang kalipay).