Ad-Duha

¹Ako (Dios) nanumpa pinaagi sa sayo nga mga takna sa kabuntagon,

²Ug ang gabii, sa diha nga kini mongitngit.

³Ang imong Ginoo (Allāh) wala mobiya kanimo (Oh Muhammad), ug siya wala nasuko kanimo.

⁴Ug ang Pikas Kinabuhi 'umalabot' mao labing maayo alang kanimo kay sa Una (ie, ang kinabuhi karon),

⁵Ug sa dili madugay ang imong Ginoo (Allāh) maghatag sa daghan nga kaayohan ngadto kanimo, aron ikaw magmalipayon.

⁶Dili ba, Ikaw iyang hikaplagan nga ilo, ug nag-hatag kanimo sa pasilungan?

⁷Dili ba ikaw Iyang nakaplagan nga naglatagaw (wala masayud) ug ikaw Iyang gigiyahan?

⁸Ug wala ka ba niya nakaplagan nga kabos busa iyang gihimong ka nga adunahan.

⁹Busa mahitungod sa ilo tagda uban ang kalooy , ug ayaw siya abusari,

¹⁰Ug mahitungod kaniya nga nagapangayo, ayaw badlonga siya;

¹¹Ug mahitungod sa Pabor sa (Allah) imong Ginoo - ipahayag kini[1].