At-Tariq

¹Ako (Allah) nanumpa sa langit ug ang bituon sa gabii!.

²Unsay nagpahibalo kanimo mahitungod niining bituon sa gabie?

³(Kini mao) ang bitoon nga nagsiga sa hilabihan nga kasilaw.

⁴Walay usa nga kalag apan sa ibabaw niini adunay magbalantay (anghel).

⁵Busa pasagdi nga mamalandong ang tawo kun asa siya gikan sa pag-lalang:

⁶Siya gi-lalang gikan sa usa ka tulo (sa semilya), nga migawas,

⁷Nga migawas gikan sa taliwala sa buko-buko (sa lalaki), ug sa mga gusok (sa babaye).

⁸Sa pagkatinuod Siya (Allah) makahimo sa pagpabalik sa tawo (sa kinabuhi human sa iyang kamatayon alang sa Paghukom).

⁹Sa Adlaw nga ang mga tinago madayag (gisusi ug gihukman),

¹⁰Ang tawo walay gahum ni magtatabang.

¹¹Ug (Ako Allah nanumpa pinaagi) sa langit nga nagabalik sa 'ulan, ug uban pa'.

¹²Ug pinaagi sa yuta nga kanunay nga magpa-turok (uban sa pagtubo sa mga tanom).

¹³Sa pagkatinuod kini (ang Qur'an) usa ka mahukmanong Pulong,

¹⁴Ug kini dili dula ug binuang 'nga dili pagatuohan; "apan kini seryoso ug tinuod".

¹⁵Sa pagkatinuod sila 'mga manlilimod' naglaraw ug usa ka laraw (batok sa Kamatuoran),

¹⁶Ako (usab) nagplano ug usa ka plano (batok kanila).

¹⁷Busa hatagi ang mga manlilimod sa lugway; ug pasagdi sila sa makadiyot.