Al-Buruj

¹Ako (Allāh) nanumpa sa langit nga napuno sa dagkong mga konstelasyon,

²Pinaagi sa Gikasaad nga Adlaw (sa Pagkabanhaw),

³Ug mosaksi ug gisaksihan.

⁴Tinunglo ang mga nagbuhat sa gahong (sa kalayo aron sa pagsakit sa mga magtotoo).

⁵Sa kalayo nga ginahatagan ug (abunda nga) sugnod,

⁶Sa diha nga nanglingkod sila duol niini,

⁷Ug sila mga saksi sa unsay ilang gibuhat sa mga magtotoo.

⁸Ug sila walay bisan unsa batok kanila gawas nga sila mituo sa Allāh, ang Hingpit Makagagahum, ang Dalaygon,

⁹Nga Kaniya ang Gingharian sa mga langit ug sa yuta; ug si Allah mao ang saksi sa tanang butang.

¹⁰Kadtong naglutos (nagsunog) sa magtutuo nga mga lalaki ug nga mga babaye, ug unya wala maghinulsol, sila makabaton sa Silot sa Imperno, ug sila makabaton sa Silot sa nagdilaab nga Kalayo.

¹¹Kadtong mga mituo ug nagbuhat sa matarung nga mga buhat, sila makabaton og mga Tanaman nga sa ubos niini anaa ang mga suba nga nagadagayday, kana mao ang Dakong Kalamposan.

¹²Sa pagkatinuod ang Pagkupot (Pagsakmit ug Pagpanimalos) sa (Allah) nga imong Ginoo grabe.

¹³Sa pagkatinuod ang Allah mao ang nagbuhat (sa tanang butang) gikan sa sinugdanan, ug magpabalik niini (sa kinabuhi human sa kamatayon alang sa Paghukom),

¹⁴Ug Siya mao ang Labing Mapasayloon, ang Labing Mahigugmaon,

¹⁵Ang nanag-iya sa Trono, ang Labing Mahimayaon,

¹⁶Ang nagbuhat sa bisan unsa nga Iyang gusto.

¹⁷Wala ba ang istorya sa mga sundalo moabut kanimo?

¹⁸Ni Paraon, ug (sa tribu ni) Thamud?

¹⁹Ug bisan pa niana ang mga manlilimod (nagpadayon) sa pagsalikway 'sa Kamatuoran ug nagsupak sa Kalinaw'.

²⁰Apan ang Allāh nag-libot kanila sa tanan nga kilid 'ug pagabalusan sila tungod sa ilang mga binuhatan'.

²¹Apan kini usa ka Mahimayaon nga Qu'ran.

²²Gisulat' Sa usa ka Gipreserbar nga Papan.