Al-Buruj

¹Mede ͻsoro a, ɛkuta Nsoromma akεseε,

²Ne εda a yɛahyε ho bͻ no,

³Ne ͻdanseni no, ne adeε a, ͻredi ho adanseε no di nse sε:

⁴Due nka wͻn a wͻtuu Amena (de agyidiefoͻ guu mu hyee wͻn)-

⁵Wͻ ogya tanaa a, yɛasͻ ano mu no.

⁶Ɛberε a, na wͻkoto (ogya) no ho no,

⁷Na wɔnom ara yɛ adansefoɔ wɔ neɛ na wɔredeyɛ agyidifoɔ no.

⁸Ɛnyε hwee ho nti na wͻhyεε wͻn aniεyaa, na mmom sε wͻn agye Otumfoͻ, Ayeyie Wura Nyankopͻn no adi nti.

⁹(Nyankopͻn) no a, ͻsoro ne Asaase so Ahennie yε Ne dea no. Onyankopͻn deε Odi biribiara ho adanseε.

¹⁰Wͻn a wͻtan agyidiefoͻ mmarima ne agyidiefoͻ mmaa no ani, na wͻn ansakra wͻn adwene no, wͻbɛnya Amanehunu gya no mu asotwee, na wͻsan wͻ ͻhyeε asotwee.

¹¹Nokorε sε, wͻn a wͻagye adie, na wͻdii dwuma pa no, wͻbɛnya Ahemman a, nsubͻnten nenam aseε; na εno ne Nkonimdie kεseε no.

¹²Nokorε sε, wo Wura Nyankopͻn buma (anaasε N’asotwee) mu yε den papaapa.

¹³Nokorε sε, Ɔno na Ɔhyεε aseε bͻͻ adeε, εna Ɔbεsan de aba nkwa mu bio.

¹⁴Ɔne Bͻnefakyε Hene, Ɔdͻ ne Ayεmyε Wura no,

¹⁵(Ɔne) Animuonyam Ahennwa Hene no,

¹⁶(Otumfoͻ a) Ɔyε deε Ɔpε.

¹⁷(Ɔkͻmhyεni), asraafoͻ no ho asεm no abɛduru wo hͻ?

¹⁸(Ɛyε) Farao ne Samuud (asraafoͻ no)?

¹⁹Nanso wͻn a wͻnnye nnie no gu so po (Nokorε no).

²⁰Nyankopͻn firi wͻn akyi atwa ahyia.

²¹Aane, εyε Qur’aan, Animuonyam (Nwoma) noa,

²²Ɛwͻ (Nyankopͻn) Apaawa (Lawuhul-Mah’fuuz) a, (Soro abͻfoͻ) bͻ ho ban no so.