Al-Inshiqaq

¹Sε ͻsoro sunsuan asin-asin,

²Na ɔtie ne Wura Nyankopͻn ahyεdeε a, εyε n’asεde (sε ͻyε sotie de ma ne Wura Nyankopͻn ahyεdeε).

³Na sε asaase no mu twe,

⁴Na ɔyi deε εwͻ ne mu nyinaa firi adi, na εda mpan,

⁵Na ɔtie ne Wura Nyankopͻn ahyεdeε a, εyε n’asεde (sε ͻyε sotie de ma ne Wura Nyankopͻn ahyεdeε).

⁶Onipa dasani, bͻ mmͻden paa (di dwuma) a εkͻ wo Wura Nyankopͻn hͻ, na nokorε sε wobɛhyia no, (anaasε wobɛhyia wo dwumadie no so akatua, sε εyε papa anaasε bͻne).

⁷(Saa Da no) obi a, yεde ne (Dwumadie ho) Nwoma bεma no wͻ ne nsa nifa mu no,

⁸(Saa nipa no) bɛbu nkonta a εyε mmrε,

⁹Na ͻbεdane ne ho akͻ n’abusuafoͻ hͻ wͻ anigyeε mu.

¹⁰Na mmom obi a yεde ne Nwoma bεfa n’akyi ama no wͻ n’akyi no,

¹¹Ɔbɛsu afrε owuo,

¹²Na ͻbεkͻ Ogya frama mu.

¹³(Ԑberε a na ͻwͻ wiaseε no) na n’ani gye wͻ n’abusuafoͻ mu.

¹⁴Nokorε sε na ͻdwen sε ͻnsan nkͻ (Nyankopͻn) hͻ bio.

¹⁵Aane, nokorε sε na ne Wura Nyankopͻn hu no (abrε biara).

¹⁶Mede tͻ-wia, anaasε εberε a awia akͻtͻ ama ewiem ayε kͻͻ no,

¹⁷Ne Anadwo, ne adeε biara a anadwo ka no soͻ, anaasε εboa ano wͻ faako,

¹⁸Ne εberε a bosome bɛnyini atwa kanko no di nse sε:

¹⁹“Nokorε, mobεforo afri gyinabrε mu, akͻ gyinabrε mu (wͻ wiase ne Daakye),

²⁰Na afei εdeεn na εha wͻn a enti wͻnnye (Nokorε no) nnie,

²¹Na sε yεrekenkan Qur’aan kyerε wͻn a wͻmmfa wͻn anim mmutu fͻm?

²²Aane, wͻn a wͻnnye nnie no fa no sε atorͻsεm.

²³Nyankopͻn deε Ɔnim deε wͻde suma.

²⁴Enti fa asotwee yaaya no ho anohoba no bͻ wͻn.

²⁵Na mmom wͻn a wͻagye (Nokorε no) adie na wͻdi dwuma pa no deε, wͻn wͻ akatua a enni awieε.