Al-Mutaffifin

¹Due nka asisiefoͻ no,

²Wͻn a sε wͻrehyε (biribi te sε kookoo anaa aburoo anaa nkyene anaa εmoo) afri (obi hͻ a) wͻhyε ma εyε ma;

³Na sε wͻrehyε anaasε wͻresusu (ama obi a) wͻte so (bͻ saa nipa no nyansa korͻno).

⁴Enti saa nkorͻfoͻ no nnwen sε yεbɛnyane wͻn-

⁵Ama Ɛda kεseε bi?

⁶Ɛda a nnipa nyinaa bɛgyina Abͻdeε nyinaa Wura Nyankopͻn anim no?

⁷Daabi, Abͻnefoͻ no Nwoma wͻ ‘Sijjinn’ mu.

⁸Na εdeεn na εbεkyerε wo adeε a εyε ‘Sijjnn’ no?

⁹Ɛyε Nwoma a yɛatwerε (fa abͻneεfoͻ no nnwuma ho).

¹⁰Saa Da no, due nka wͻn a wͻfa (Nokorε no) sε atorͻsεm no,

¹¹Wͻn a wͻfa Akatua da no atorᴐsԑm no,

¹²Na obiara nni hͻ a ᴐfa no atorᴐsԑm, gyesε mmaratoni, ͻbͻneεni.

¹³Sε yεrekenkan Yεn Nsεm no kyerε no a, deε ͻka ne sε: “Tetefoͻ no anansesεm”.

¹⁴Daabi, (Dwumadi bͻne a) wͻnsa aka no awe naakye wͻ wͻn akoma mu,

¹⁵Daabi, saa Da no yεde ntwaremu bɛtware wͻn ne wͻn Wura Nyankopͻn ntεm.

¹⁶Afei yεde wͻn bεkͻ Amanehunu gya no mu.

¹⁷Afei yεbεka sε: “Woi na mofaa no atorͻsεm no “.

¹⁸Aane, nokorε sε apapafoͻ no Nwoma wͻ ‘illiyyiin.

¹⁹Na εdeεn na εbεkyerε wo deε εyε ‘Illiyyuun’ no?

²⁰Ɛyε (apapafoͻ no nnwuma a yɛatwerε) ho Nwoma,

²¹(Soro Abͻfoͻ) a wͻbεn (Nyankopͻn) no di ho adanseε.

²²Nokorε sε, apapafoͻ no wͻ anigyeε mu-,

²³Wͻ Animuonyam Ahennwa so rehwε (deε εrekͻ soͻ).

²⁴Wohunu anigyeε no nhyerεnee wͻ wͻn anim.

²⁵Yεbεma wͻn nsa kronkron a yɛatua ano anom.

²⁶N'awieɛ no yε ‘Misk’. Woi so na wͻn a, wͻresi akan (wɔ nnepa ho no) nsi akan.

²⁷‘Tasniim’ na yεde bεfra (saa nsa no).

²⁸(‘Tasniim no) yε Asutire bi a wͻn a wͻbεn (Nyankopͻn) no bεnom mu (nsuo).

²⁹Nokorε sε na abͻneεfoͻ no sere wͻn a, wͻagye adie no.

³⁰Sε wᴐretwa mu (wͻ agyidiefoͻ no) ho a, (boniayεfoͻ no) bͻ wͻn ani kyerε wͻn ho wͻn ho (de di agyidiefoͻ no ho fεw).

³¹Sε wͻsan kͻ wͻn nkorͻfoͻ no hͻ a, wͻsan kͻ no fεw die so.

³²Sε wͻhu (agyidiefoͻ) no a, asεm a wͻka ne sε: “Nokorε sε, saa nkorͻfoͻ yi ayera paa.”

³³Nanso yεnsomaa wͻn sε wͻmεhwε (agyidiefoͻ no) so.

³⁴Saa Da no deε, wͻn a wͻagye adie no bεsere wͻn a wͻannye annie no,

³⁵(Wͻtete) Animuonyam Ahennwa so rehwε (deε εrekͻ soͻ).

³⁶Enti boniayεfoͻ no nyaa deε na wͻreyε no so akatua pεpεεpε?