Al-Infitar

¹Sε ͻsoro mu sunsuan,

²Na sε Nsoromma tete hwe na ɛtu pete a,

³Na sε ͻpo yiri na ɛbu fa so a,

⁴Na sε Adakamena so buebue a,

⁵Ɛna ͻkra biara bɛhunu deε (ͻyε de too) n’anim ne deε εkaa akyire.

⁶Onipa, εdeεn adeε paa na adaadaa wo wͻ wo Wura Adom Hene no ho?

⁷(Wo Wura) no a Ɔbͻͻ wo, nwenee wo siesiee wo, totoo wo pεpεεpε-

⁸De wo too mfonini biara a Ɔpε mu.

⁹Aane, nanso monnye Atemmuo no nni.

¹⁰Nokorε sε, (Soro abͻfoͻ) Awεnfoͻ ka mo ho.

¹¹Atwerεfoͻ Animuonyamfoͻ no,

¹²Wͻnim deε moreyε (nyinaa).

¹³Nokorε sε, apapafoͻ no bεwͻ anigyeε mu,

¹⁴Nokorε nso sε, abͻneεfoͻ no bεkͻ Amanehunu gya no mu.

¹⁵Wͻbεkͻ mu wͻ Akatua da no,

¹⁶Na wͻmmfiri mu.

¹⁷Ԑdeεn na εbεkyerε wo sεdeε Akatua da no si teε?

¹⁸Bio, εdeεn na εbεkyerε wo sεdeε Akatua da no si teε?

¹⁹Ɛyε Da a, ͻkra bi nni tumi a ͻde bεboa ͻkra bi wͻ biribi ho; na saa Da no tumi nyinaa wͻ Nyankopͻn.