Al-Qari'ah

¹Gjëmimi i tmerrshëm![423]

²Ç’është Gjëmimi i tmerrshëm?

³Kush mund të ta shpjegojë ty se çfarë është Gjëmimi i tmerrshëm?

⁴Atë Ditë njerëzit do të jenë si fluturat e shpërndara,

⁵kurse malet si leshi i shprishur.

⁶Sa i përket atij, veprat e (mira të) të cilit do të rëndojnë në peshore,

⁷ai do të ketë një jetë të kënaqur (në Xhenet).

⁸E sa i përket atij, veprat e (mira të) të cilit nuk do të rëndojnë në peshore,

⁹Ai do të ketë si strehim Humnerën (e Xhehenemit).[424]

¹⁰Kush mund të ta shpjegojë ty se ç’është Humnera (e Xhehenemit)?

¹¹Ajo është një Zjarr i vrullshëm.