Al-Balad

¹1. Pushapa Ako sa Ibut ko un­gkai a Ingud (a Makkah),-

²2. A Suka na Mababaling sang­kai a Ingud,-

³3. Go so Mimbawata a go so Inimbawata,

⁴4. Ka Sabunsabunar a Inadun Ami so Manosiya si-i ko karomasa­yan:

⁵5. Ba niyan tatarima-a sa da dun a phakapa-aron a isa bo?

⁶6. Gi-i niyan Tharo-on: A miya­kailang ako sa tamok a madakul!

⁷7. Ba niyan tatarima-a sa da-a miyakailai ron a isa bo?

⁸8. Ba Ami da sunggai sukaniyan sa dowa mata?

⁹9. Go dila go mbala a modol?

¹⁰10. Go Pinggonanao ami sukani­yan ko dowa a lalan?

¹¹11. Na ino niyan da Panagonta­mani so mapigul,-

¹²12. Na antawa-a i miyakandao Ruka o antona-a so mapigul?-

¹³13. So Kapumaradika sa Oripun,

¹⁴14. O di na so kapakakana si-i ko Alongan a kaor,

¹⁵15. Ko Wata a ilo a madasug,

¹⁶16. O di na so Miskin a Midudu­kut ko botha;

¹⁷17. Oriyan niyan na miyabaloi a pud ko siran a Miyamaratiyaya, a go iniphipi-isa iran so Kaphantang, go iniphipi-isa iran so Kapangali­mo.

¹⁸18. Na siran man i manga tao ko kawanan.

¹⁹19. Na so siran a Miyamangong­kir ko manga Ayat Ami, na siran i manga tao ko diyowang;

²⁰20. A kakokoloban siran sa Apoi.