Al-Ma'arij

¹Soakd n soke, naon-yɩtg yelle.

²Kɩfr-dãmbã zugu a pa tar tusd ye.

³N yaa Wẽnd nengẽ sẽn yaa rʋʋb zĩig Soabã.

⁴Malεgsã la a Gibriila rʋʋda Yẽ nengẽ raar pʋgẽ t'a makr yaa yʋʋm tus pis-nu.

⁵Bɩ f maan sugr sẽn be neere.

⁶Ad bãmb ne-a lame t'a zãra.

⁷Tɩ Tõnd yaool n ne-a t'a pẽ.

⁸Raar ning saagã sẽn na n lebg wala kũud sẽn yẽnege.

⁹Tɩ tãmsã lebg wala kõbdo.

¹⁰Pa yã-to-kõn-n-gũs pa sokd a noang-n-taag yell ye.

¹¹B yãta taaba, nin-wẽng noangame t'a sã n da tõe n rɩk ɑ koɑmbɑ n yao n yi ra-kãngã naongã.

¹²La a pag la a ma-biiga.

¹³La a rog-pẽtb nins yẽ sẽn ra relldã.

¹⁴La sẽn be Tẽng zug gilli, rẽ poorẽ tɩ b tɩlg yẽnda.

¹⁵Pa woto ye! Ad yaa Laẓaa pugum.

¹⁶Sẽn yaa zu-gãnd tõosda.

¹⁷N boond ned ning sẽn gõd a kuidg n daeegdẽ.

¹⁸La a tigim ɑrzεkã n sui.

¹⁹B naana ninsaalã t'a yaa tibda.

²⁰Wẽng sã n paam-a a pɑ tɑr sugr suu.

²¹La sõma sã n paam-a a yaa sẽn gɩdgde.

²²Ralla pʋʋsdbã,

²³Neb nins tɩ b pʋʋsgã zugu, b yaa ruumdba.

²⁴La neb ninsi, tɩ be bãmb arzεkã pʋgẽ, hakε b sẽn mi.

²⁵N kõt bõosɑ, la b sẽn mong-a soabɑ.

²⁶La neb nins sẽn kõt-b sɩd ne Samã Rolb Raarã.

²⁷La neb nins sẽn yaa yɑeesdbɑ ne b Soabã naongã.

²⁸Ad bãmb Soabã naongã pa tar bas-m-yam ye.

²⁹Bãmb la sẽn gũusd b taoã ( n yit yoobo).

³⁰Ralla b pagbẽ ma b yemb-pogsẽ, ad zĩ-kãngã, b pa sãbs-b ye.

³¹La ned ning sẽn bao woto loogr poorẽ, ad bãmb rãmb la maan-n-zʋʋg rãmba.

³²La neb nins tɩ bãmb boablã pʋgẽ la b pʋlengã, b yaa gũudba.

³³La neb nins sẽn yãs tɩrg ne b kaset-rãmba.

³⁴La neb nins tɩ b Pʋʋsgã, b gũusdame.

³⁵Bãmbã rãmba, b bee Arzãn-rãmb pʋsẽ tɩ b waoogd-ba.

³⁶Lɑ yɑɑ bõe n tar sẽn kɩfl-bã tɩ b zoet n gondedg fo wεεngẽ.

³⁷Rɩtg wεεngẽ la goabg wεεngẽ sull-sulli.

³⁸Ned fãa tẽeda bãmb pʋgẽ t'a na n kẽe arzãn sẽn yaa neema wã.

³⁹Pa woto ye! Tõnd naana bãmb ne bũmb ning bãmb sẽn mi wã.

⁴⁰M na wẽen ne wĩntoog sẽn pugsdẽ Soabã, la wĩntoog sẽn lʋɩtẽ Soabã, ad Tõnd yaa Tõogda.

⁴¹Ne D tedg sõma sẽn yɩɩd bãmbɑ, la Tõnd pa yɩ b sẽn na n põsg-b rãmb ye.

⁴²Bɩ f bas-b tɩ b faood la b reemdẽ hal n wa seg raar ning b sẽn pʋlem-bã.

⁴³Raar ning bãmb sẽn yit b yaadẽ wã n yãgdẽ tɩ yaa wala bãmb fõodame n dengd tɑɑbɑ n tʋgd kug sẽn tilgi.

⁴⁴B nin yaa sẽn nodge, tɩ yaalg buiid-ba; rẽ la raar ning b sẽn da pʋlem bãmbã.