An-Najm

¹M wẽen ne ãdg t'a sã n wa lʋɩ.

²Yãmb tũud-n-taagã pa menme, a pa kedg me ye.

³A pa gomd a yõor yamleoog me ye.

⁴Rẽndame tɩ yaa wahɩ sẽn tʋmse.

⁵Pãn-kεgeng soab (a Gibriilã) n tɑɑ-a ɑ nengẽ.

⁶Nɑɑnd sẽn be neerã, t'ɑ be ɑ yɑlẽ wã tɩ yɑɑ vẽeneg tɩ nɑbiyɑɑmã ne-ɑ.

⁷T'a be yĩngr-yĩngri.

⁸Rẽ poorẽ t'a (Gibriilɑ) pẽneg n sig n kolge.

⁹Tɩ yaa wala tãp ne a to sʋk vɩʋʋgo, ma sẽn paood n pa ta rẽ.

¹⁰T'ɑ togs Wẽnd yɑmbɑ Mʋhɑmmɑd, bũmb ning A sẽn tʋms-ɑ t'ɑ tɑɑsã.

¹¹Nɑbiyɑɑmã sũurã pa yag bũmb ning a sẽn yã wã ye.

¹²Rẽ yĩnga, yãmb wẽeda ne-a no-koεεm bũmb ning a sẽn yã wã zugu?

¹³La sɩd la hakɩɩka, a leb n yã-a lame yiib-n-soaba.

¹⁴Tɑɑb-tεk Mugnugẽ wã (yaa tɩɩg sẽn be saasẽ wã n yaa rʋʋd fãa tεk zĩiga).

¹⁵Ma'awaa Arzãnã bee beenẽ ( (lallg zĩig Arzãn) ma (gãag zĩig arzãna) ).

¹⁶Wakat ning sẽn wa n sigd Sɩdratã(tɩɩgã) zugã, sẽn yɑɑ Wẽnd sɑgellã, bũmb ning sẽn pɑtɑr to wã.

¹⁷Nɑbiyɑɑmã ninfrã pa wẽnege, a pa kedg me.

¹⁸Sɩd la hakɩɩka a yãa a Soabã yel-soalem bεd-bεdã sãnda.

¹⁹Rẽ yĩnga yãmb tẽedame tɩ rʋbsã ɑ Laat ne a ʿƲzzaa?

²⁰La a Manaat sẽn yaa tãaben-soabã nafdame?.

²¹Yãmb n tar roapã yãmb sẽn nong-b rãmbã, tɩ Yẽ yaool n tar pagbã yãmb sẽn pɑ kisb rãmb n pɑ rɑt-bɑ?

²²Ad rẽnda yaa zãmb pʋɩɩb moasã wae!

²³B pa yɩ rẽnda yʋy bala, yãmb sẽn pʋde, yãmb ne y saam-rãmba, Wẽnd pa sik tagmas a yĩng ye. B sẽn tũudã pa yɩ rẽnda sãmbg lɑ b yõyã yɑm-leedo. La sɩd la hakɩɩka, kãndgr waa bãmb nengẽ sẽn yi b Soabẽ wã.

²⁴Bɩ ninsaal paamda a sẽn tẽed lɑ ɑ saagdẽ wã tɩ rʋbsɑ n sugs-ɑ lɑme wã?

²⁵Rẽnd yaoolem la rãeenem (Lɑɑhrã ne Dũni wã) bee ne Wẽnde t'A kõt ɑ sẽn rɑt-ɑ.

²⁶La sõor waoog malεgs sẽn be saasẽ wã, tɩ b susg pa nafd ba fʋɩ rẽnda Wẽnd sẽn kõ sor poore, A sẽn rat-a soaba la A yardẽ.

²⁷Ad neb nins sẽn pa kõt sɩd ne yaoolem raarã, bãmb pʋtɑ malεgsã pog-yʋy.

²⁸La bãmb pa tar bãngr ne rẽnda ye, b sẽn tũudã pa yɩ rẽnda sãmbg bala, la ad sãmbg pa tõe n gɩgd sɩd ba fʋɩ.

²⁹Bɩ f ball n bas ned ning sẽn gũt-a a kuidg n yit Tõnd yʋʋrã tẽegre, n pa rat sã n pa Dũni vɩɩmã.

³⁰Rẽ la b bãngrã tεka, ad fo Soabã n yɩɩd minim ne ned ning sẽn menem-a n yi A Sorã zugu, Yẽ n leb n yɩɩd minim ne ned ning sẽn kãndg-a.

³¹La Wẽnd n so bũmb ning sẽn be saasẽ, la sẽn be tẽng zugu, bʋɩl yĩng t'A na rol neb nins sẽn wẽng-bã b sẽn tʋmã, la A rol neb nins sẽn maneg-bã ne manegre.

³²Neb nins sẽn zãagd zunuub-bεdã la yel-beedã ralla zunuub-bõonesã, ad fo Soabã yaa yaaf-yaleng Soaba, Yẽ n mi yãmb n yɩɩda, wakat ning A sẽn wa n yẽbg yãmb n yi Tẽngẽ wã, la wakat ning yãmb sẽn wa n yaa bõn-vɩʋʋs n be yãmb ma-rãmbã pʋse, bɩ y ra pẽg y mens ye, Yẽ n yɩɩd minim ne ned ning sẽn zoet-a Wẽnde.

³³La rẽ yĩnga fo pa yã ned ning sẽn gõd a kuidga?

³⁴La a kõ bilfu, la a monge?

³⁵A tara bãng soaandag tɩ yaa yẽ n ne bɩ?

³⁶Bɩ b pa kõ-a kɩbar ne bũmb ning sẽn be a Muusa gafẽ wã,

³⁷La a ɭbraahɩɩm sẽn pids a pʋlengã?

³⁸Tɩ ned fãɑ pa na n tʋk a to zunuub ye.

³⁹La pa be ne ninsaal ralla a sẽn tʋmã.

⁴⁰La a tʋʋmã b na yã.

⁴¹Rẽ poorẽ tɩ b roal-a rol-pidsdga.

⁴²La yaa fo Soabẽ wã la tεk zĩiga.

⁴³La yell sẽn yalẽ, Yẽ n kɩt tɩ b laadẽ la A kɩt tɩ b kũmdẽ.

⁴⁴La yell sẽn yalẽ, Yẽ n kʋʋd la A vɩɩmsde.

⁴⁵La yell sẽn yalẽ, A naana kõbg a yiibã: rao la paga.

⁴⁶Sẽn tũ ne mani wakat ning a sẽn wat n kiigdẽ wã.

⁴⁷La ad yẽbg-zẽngã bee ne Yẽnda.

⁴⁸La yel sẽn yalẽ, Yẽ n maan rakãaglem la A leb n kõ arzεka.

⁴⁹La yell sẽn yalẽ, Yẽnda la Sɩʿɩraa Soabã (yaa ãdg yʋʋre tɩ zɩdbã rɑ tũu-ɑ).

⁵⁰La yell sẽn yalẽ, A halka rẽenem ʿAadã (ɑ Hʋʋd nebã).

⁵¹La a Ṯamuud, la A ka kell ye.

⁵²La a Nuuh nebã hal pĩnda, ad bãmba, bãmb ra yɩɩme n yɩɩd ne wẽgd la kengre.

⁵³La a Mutafɩkaat (a Lʋʋt neba), A kibind-b lame.

⁵⁴Tɩ bõr-ba, bũmb ning sẽn bõr-ba.

⁵⁵La yaa fo Soabã neema bʋgo la f maand sika?

⁵⁶Yãoã yaa bugsd sẽn wõnd bugsdbã sẽn reng tɑɑrã buudu.

⁵⁷Pẽnegdã (Dũni yikrã) pẽnegame.

⁵⁸A pa tar pãrgda, zẽng tɩ pa Wẽnd ye.

⁵⁹Gom kãngã la yãmb maan yel-soalmã?

⁶⁰La y laadẽ, n pa kũmdẽ?

⁶¹Tɩ yãmb yaa sẽn wɩsde.

⁶²Bɩ y maan suguud n kõ Wẽnde, la y tũ-A.