العلق
The Clot • 19 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Batya ka (Muhammad) sabap kanu ingalan nu Kadenan nengka a sekanin i nangaden.
2Inaden nin su manusya ebpun sa sakempel a lugu.
3Batya ka (Muhammad) ka su Kadenan nengka na sangat i kalimu nin.
4Sekanin ba antu i namandu sabap kanu pinsil (kasulat).
5Inipamandu nin kanu manusya su ngani-nganin a di nin katawan.
6Bantang! Saben-sabenal na su manusya di ebplis na endalwaka den.
7Amayka mailay nin den kanu ginawa nin i makagaga den.
8Saben-sabenal (Muhammad) na lu kanu Kadenan nengka i kambalinganan.
9Ngintu nadsuliman nengka (Muhammad) su pedsapal (Abu Jahl)?
10Kanu ulipen amayka edsambayang.
11Ngintu nadsuliman nengka (Muhammad) amayka ya nin kaaden (Abu Jahl) na naaden sa kanu tutulu.
12Ataw ka pedsugu sa kagilek (sa Allah)?
13Ngintu nadsuliman nengka (Muhammad) amayka papendalbut na endu mimbalikwat (si Abu Jahl)?
14Ngintu da nin katawi i saben-sabenal na su Allah na pakailay?
15Da ka-ebplisin, saben-sabenal na su Allah na pakailay?
16Umbun-umbunan na malbut a baladusa.
17Na tawagen nin (Abu Jahl) su manga tampilin.
18Di sumala na tawagen nami (Allah) su manga malaikat a tameng sa naraka.
19Saben-sabenal na di ka sekanin ebpaginuguti (Muhammad) endu sugyud ka endu siken ka (kanu Allah).