Al-Ghashiyah

¹Ekomeli yo sango ya oyo ekozipa?.

²Mokolo wana bilongi bikobanga,

³Makambo maleki bango bakomi na bolembu,

⁴Bakozikisama o’kati ya moto ya makasi.

⁵Mpe bakomelisa bango mayi ya moto.

⁶Bakozala na bilei te sé matiti ya nzube,

⁷Ekosilisa bango nzala te mpe ekopesa bango nzoto Nkolongono te.

⁸Mokolo wana bilongi misusu bikozala na esengo.

⁹Bikosepela pona maye basalaki,

¹⁰Okati ya lola ya likolo,

¹¹Okati na yango okoyoka te makambo ya pamba pamba,

¹²Okati na yango maziba mazali kotiola,

¹³Okati na yango bambeto ya kotombwama,

¹⁴Mpe bakopo bitiami,

¹⁵Mpe bikáta bitandami,

¹⁶Mpe bankwala bizali ya kotandama,

¹⁷Bazali kot ala te ba ibil[1] ndenge ekelama?

¹⁸Mapata lolenge etombwama,

¹⁹Mpe bangomba lolenge epikama,

²⁰Mpe mabele lolenge etandama?

²¹Kundola, pamba te yo ozali sé mokundoli.

²²Kasi ozali mokengeli likolo na bango te.

²³Longola sé oyo apesi mokongo mpe aboyi kondima,

²⁴Allah akopesa ye etumbu ya monene.

²⁵Ya soló, epai na biso nde bozongi na bango,

²⁶Mpe ya sólo lifuta lia bango ezali omaboko na biso