Al-Mutaffifin

¹Mawa na baye bazali koy iba,

²Baye ntango bazali (kosomba) bazali kosenga ete bakokisela bango emekeli,

³Kaši ntango bazali komeka pona bato mosusu bazali kozangisa.

⁴Bango bazali kokanisa ete bakozonga na bomoi te sima ya liwa,

⁵Na mokolo ya monene?

⁶Mokolo moye bato bakotelema liboso ya Nkolo ya molongo,

⁷Kasi ya soló, buku ya bato ya mabe ekozala okati ya sidjíne.

⁸Nani akoyebisa yo eloko nini sidjíne?

⁹Buku eye ekomama.

¹⁰Mokolo wana etumbu ekozala тропа baye baboyi kondima,

¹¹Baye bazali kozwa mokolo ya suka na lokuta,

¹²Kasi akoboya kondima sé molekisi ndelo mosumuki.

¹³Oyo soki batangeli ye maloba na biso alobi: Wana ezali másese ya bakoko ya kala.

¹⁴Ezali boye te, kaši mitema miabango mizali na mbindo na maye bazalaki kosala,

¹⁵Kasi basala angele ya soló mokolo mona mokozipa bango mpo ete bamona Nkolo na bango te,

¹⁶Sima bakozikisama ya sólo okati ya lifelo.

¹⁷Sima bakoloba na bango wana maye bozalaki koboya kondima.

¹⁸Ya sólo, buku ya bato malamu ekozala o’kati ya iliyíne.

¹⁹Nani akoyebisayo eloko nini iliyíne?

²⁰Buku eye ekomama,

²¹Ba anzelu ya pembeni ya Nkolo (Allah) bazali banzeneneke тропа yango.

²²Ya sólo bato ya malamu bakozala okati ya bisengo.

²³Likolo ya bakiti ya lokumu bazali kotalana.

²⁴Okoyeba bilembo bia bisengo o’bilongi bia bango.

²⁵Bakomela masanga ya sukali oyo esila kobongisama,

²⁶Etikaka solo ya mpimbo na suka lokola malasi, na yango esengeli nabaye bazali kolikia тропа yango basala molende.

²⁷Mpe esangisani na masanga ya tasmin (liziba),

²⁸Baye bakozala pembeni na Nkolo (Allah) bako mela mayi ya liziba wana.

²⁹Ya soló, bato mabe bazalaki kotiola bandimi.

³⁰Mpe soki baleki pene na bango bazali (kodongola bango miso nako fina) miso na bango,

³¹Mpe soki bazongi o’mabota na bango bazali kokosa bango,

³²Mpe soki bamoni bandimi balobi ete: Ya sólo, baye wana nde babunga nzela.

³³Nzoka nde batindamaki te bazala bakengeli likolo ya bandimi.

³⁴Kasi lelo bandimi bako tiola bapagano.

³⁵Likolo ya bakiti ya lokumu bazali kotala.

³⁶Bapagano bazwi te lifuta liye ekoki na bango na tina ya maye bazalaki kosala.