Al-Inshiqaq

¹Ntango mapata mako pasuka,

²Mpe makotosa Nkolo na yango, mpe ekosala maye esengeli esala,

³Mpe ntango mabele makolalisama,

⁴Mpe makosanza maye manso mazwami okati na yango mpe makotikala mpamba,

⁵Mpe makotosa Nkolo na yango mpe ekosala oyo esengeli esala,

⁶Oh yo moto! Ozali koyika mpiko тропа Nkolo nayo ntango nyoso yeba ete okokutana naye.

⁷Moto oyo akoyamba buku naye na loboko naye ya mobali.

⁸Akosambisama na ndenge ya malamu.

⁹Mpe akozonga o’libota naye na esengo.

¹⁰Kasi na moto oyo akoyamba buku naye nasima ya mokongo naye,

¹¹Akomisengela mabe,

¹²Мре akozikisama okati ya moto ya makasi,

¹³Ya soló, ye na mokili azalaki na esengo o’kati na libota naye.

¹⁴Azalaki kokanisa te ete akosekwisama.

¹⁵Kasi ya sólo, Nkolo naye azalaki kotala ye.

¹⁶Te na lapi na ngonga ya mpokwa,

¹⁷Mpe na lapi na butu na molili na yango,

¹⁸Mpe na lapi na nsanza ntango ekomaka mobimba,

¹⁹Ya sólo, bokolekanaka biteni na biteni.

²⁰Mpona nini bazali kondima te,

²¹Mpe mpona nini bafukamaka te ntango kurani ezali kotangama likolo na bango?

²²Kasi bapengwi bazali kozwa yango lokuta.

²³Nzoka Allah ayebi maye bazali kobomba.

²⁴Pesa bango sango ya etumbu ya makasi.

²⁵Longola sé baye bandimi mpe basali misala ya malamu bazali na lifuta ya suka te.