Al-Qiyamah

¹Bã sai Nã yi rantsuwa[1] da Rãnar ¡iyãma ba.

²Bã sai Nã yi rantsuwa da rai mai yawan zargin[1] kansa ba.

³Sin, mutum yana zaton cẽwa bã zã Mu tãra ƙasusuwansa ba?

⁴Na'am! Mãsu ĩkon yi Muke a kan Mu daidaita gaɓõɓin yãtsunsa.

⁵Ba haka ba! Mutum so yake, ya yi fãjirci, ya ƙaryata abin da yake a gabansa.

⁶Yanã tambaya: "Yaushe ne Rãnar ¡iyãma?"

⁷To, idan gani ya ɗimauta (ya yi ƙyalli).

⁸Kuma, watã ya yi husũfi (haskensa ya dushe).

⁹Aka tãra rãnã da watã

¹⁰Mutum zai ce a rãn nan "Ina wurin gudu?"

¹¹A'aha! bãbu mafaka.

¹²zuwa ga Ubangijinka wurin tabbata, a rãnar nan, yake.

¹³Ana gayã wa mutum, a rãnar nan, abin da ya gabatar da wanda ya jinkirtar.

¹⁴Ba haka ba! Mutum, ga abin da ya shafi kansa, masani ne.

¹⁵Kuma ko da yã jẽfa uzurorinsa (bã zã a saurãre shi ba).

¹⁶Kada ka mõtsar[1] da harshenka game da shi dõmin ka yi gaugãwar riƙe shi (Alƙur'ãni).

¹⁷Lalle ne, wãjibi ne a gare Mu, Mu tãra shi. Mu (tsare maka) karãtunsa.

¹⁸To idan Muka karanta shi sai ka bi karatunsa.

¹⁹sa'an nan, lalle wãjibi ne a gare Mu, bayãninsa.

²⁰A'aha! Bã haka ba kunã son mai gaugawar nan (duniya) ne.

²¹Kunã barin ta ƙarshen (Lãhira).

²²Wasu huskõki, a rãnar nan, mãsu annuri ne.

²³Zuwa ga Ubangijinsu mãsu kallo ne.

²⁴Wasu huskõki, a rãnar nan, mãsu gintsẽwa ne.

²⁵Sunã zaton a sako musu masĩfa mai karya tsatso.

²⁶A'aha! Iadan (rai) ya kai ga karankarmai.

²⁷kuma aka ce: "Wãne ne mai tawada?"

²⁸Kuma ya tabbata cẽwa rabuwa dai ce.

²⁹Kuma ƙwabri ya lauye da wani ƙwabri.

³⁰Zuwa ga Ubangijinka, a rãnar nan, magargaɗa[1] take.

³¹To, bai gaskatã ba, kuma bai yi salla ba!

³²Amma dai ya ƙaryata, kuma ya jũya baya!

³³Sa'an nan, ya tafi zuwa ga mutãnensa, yana tãƙama.

³⁴Halaka tã tabbata a gare ka, sa'an nan ita ce mafi dãcewa.

³⁵Sa'an nan, wata halaka tã tabbata a gare ka dõmin tã fi dãce wa.

³⁶Shin, mutum nã zaton a bar shi sagaga (wãto bãbu nufin kõme game da shi)?

³⁷Bai kasance ɗigo na maniyyi ba, wanda ake jefarwa (a cikin mahaifa)

³⁸Sa'an nan, ya zama gudan jini, sa'an nan Allah Ya halitta shi, sa'an nan Ya daidaita gaɓõɓinsa;

³⁹Sa'an nan, Ya sanya daga gare shi, nau'i biyu: namiji damace?

⁴⁰Ashẽ wannan bai zama Mai iko ba bisa ga rãyar da matattu?[1]