التين
The Fig • 8 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Ako (Dios) nanumpa pinaagi sa igira ug sa olibo[1]
2Maingon man sa bukid sa Sinai[2],
3Ug pinaagi niining luwas nga lungsod (sa Makkah[3],
4Kami naglalang sa tawo sa labing maayo nga porma,
5Unya Kami nagbalik kaniya ngadto sa labing ubos sa tanang ubos[4].
6Apan sila nga mituo ug nagbuhat sa matarung nga mga buhat, sila adunay ganti nga walay katapusan (Paraiso).
7Busa unsay naghimo gilimod nimo sa ˹katapusan˺ Paghukom ug Pagbalos?
8Dili ba ang Allah ang Labing Maayo sa mga maghuhukom[5]?