Al-Fajr

¹Ako (Allah Dios) nanumpa pinaagi sa pagbanagbanag sa kaadlawon,

²Ug sa (unang) napulo ka gabii (sa bulan sa Dhul-Hijjah),

³ug ang even (numero), ug ang odd (numero),

⁴ug ang gabii sa diha nga kini molabay,

⁵Sa pagkatinuod, niini adunay igo nga panumpa alang sa mga tawo nga adunay salabutan.

⁶Wala ba nimo makita (O Muhammad) kung giunsa sa imong Ginoo (Allah) pagpakiglabot (sa tribo sa) ‘Aad,

⁷(Sa siyudad sa) Iram, nga adunay tag-as nga mga haligi,

⁸Nga ang sama niini wala pa hikaplagan sa (uban) ​​nga mga syudad.

⁹Ug (ang tribo ni) Thamud, nga mikulit 'sa ilang mga balay gikan sa dagko' nga mga bato sa walog,

¹⁰Ug kang Paraon, nga nagbaton ug gamhanang mga kasundalohan ug dako nga gingharian (ug mga gambalay),

¹¹Nga sila (tanan) nakalapas sa kayutaan,

¹²Ug nagbuhat ug daghang korapsyon (kadautan) niini;

¹³Busa ang imong Ginoo (Allah) nagpahamtang kanila ug han-ay nga lain-laing matang sa pagsakit.

¹⁴Sa pagkatinuod! Ang imong Ginoo (Allah) kanunay nga Mabinantayon.

¹⁵Alang sa tawo 'ang manlilimod', sa diha nga ang iyang Ginoo (Allah) mosulay kaniya, ug nagmanggihatagon ngadto kaniya, ug naghimo kaniya mabuhi sa sayon ​​nga kinabuhi, siya muingon: 'Ang Akong Ginoo (Allah) nagpasidungog kanako.'

¹⁶Apan sa diha nga Siya mosulay kaniya ug magnihit alang kaniya sa iyang panginabuhian, siya moingon: 'Ang akong Ginoo (Allah) nagpakaulaw kanako.'

¹⁷Dili, apan kamo walay pagbati sa mga ilo,

¹⁸Ni kamo nagdasig sa usag-usa sa pagpakaon sa mga kabus,

¹⁹Ug nga kamo nag-kaon sa ilang mga panulondon, sa hilabihan nga pagka-hakog.

²⁰Kamo nahigugma sa bahandi uban sa hilabihan nga paghigugma.

²¹Apan tan'awa, sa diha nga ang kalibutan dugmokon sa hilabihan nga mahisama sa pulbos,

²²Ug ang imong Ginoo (Allah) moabut (alang sa Paghukom) ug ang mga anghel nga nahan-ay sa mga laray,

²³Ang Imperno madayag sa duol nianang Adlawa. Nianang Adlawa ang tawo makahinumdom, apan unsaon [o unsa pa ang bili] kaniya sa ingon niadto nga pagkahinumdom?

²⁴Siya moingon: "Oh, Hinaut pa unta nga nakagahin ako kaniadto (pipila ka maayong mga buhat) alang niining akong kinabuhi karon (sa Pikas Kinabuhi)."

²⁵Busa niadtong Adlawa, walay makasilot nga sama sa Silot (sa Allah),

²⁶Ug walay bisan kinsa nga makagapos sama sa Paggapos sa Allah 'alang sa mga mamumuhat sa dautan'.

²⁷Iga-ingon ngadto sa mga matarung): "O (ikaw), ang usa nga anaa sa (hingpit nga) kapahulayan ug katagbawan";

²⁸Balik ngadto sa imong Ginoo, nalipay pag-ayo ˹uban Kaniya˺ ug makapahimuot (ngadto Kaniya).

²⁹Busa sulod uban sa Akong (matarung) nga mga ulipon (sa katawhan ug jinn),

³⁰Ug sumulod sa Akong Paraiso.