Al-Qalam

¹Nun[1]. [Ako Dios] manumpa pinaagi sa gamit pangsulat ug pinaagi sa bisan unsa nga ilang mga 'ang anghel' igasulat,

²Pinaagi sa Grasya sa imong Ginoo (Allah), ikaw (Oh Muhammad) dili gisudlan sa daotang espiritu.

³Ug sa pagkatinuod, alang kanimo maoy ganti nga dili gayod katapusan.

⁴Ug sa pagkatinuod ikaw (Oh Muhammad) adunay dakong halangdon nga kinaiya ug talagsaon pamatasan.

⁵Busa imong makita, ug sila usab makakita,

⁶Kun kinsa kaninyo ang gisudlan sa kabuang (pinaagi sa mga satanas).

⁷Sa pagkatinuod ang imong Ginoo (Allah) labing nakaila kaniya nga nahisalaag gikan sa Iyang Dalan, ug Siya mao ang labing nakaila niadtong (matarong) nga nagiyahan.

⁸Busa ayaw tumana ang mga manlilimod (magsusupak sa Islam).

⁹Sila naghandom nga ikaw mukumprumiso (sa mga sukaranan sa Islam), aron sila usab mukumprumiso uban kaninyo!

¹⁰Ayaw tumana mga walay pulos nga kanunay nanumpa.

¹¹Usa ka mabutangbutangon, nga nagsuroysuroy uban ang dautang tabi-tabi,

¹²Tigbabag sa maayo, nga malinapason ug makasasala,

¹³Mabangis, ug gawas pa nianang tanan, bastos;

¹⁴(Siya ingon niana) tungod kay siya adunay bahandi ug mga anak.

¹⁵Sa diha nga ang Among mga bersikulo (ang Qur'an) ilitok ngadto kaniya, siya muingon: ‘(Kini) Mga Sugilanon sa karaang tawo.’

¹⁶Siya Among pagamarkahan sa simod.

¹⁷Sa pagkatinuod Amo silang sulayan ingon nga Kami misulay sa mga tag-iya sa tanaman, sa diha nga sila nanumpa sa pagpamupo sa mga bunga sa (tanaman) sa (takna) sa kabuntagon,

¹⁸Apan wala gayod mangandam sa paggahin (alang sa mga kabus) ni dili miingon insha Allāh (itugot sa Diyos).

¹⁹Hinonoa, dihay Magduduaw 'kalayo' nga gikan sa imong Ginoo 'Allāh', nga gihampak 'ang tanaman' samtang sila nangatulog,

²⁰Busa kini nahimong ingon sa usa ka itom, nga umaw nga yuta.

²¹Ug sa na-buntag na, sila nanag- panawag sa usag usa,

²²Nag-ingon: Lakaw ug sayo sa inyong tanaman kon kamo buot mamupo (mang-ani).

²³Busa sila milakaw, nga naghinung-hongay sa usag-usa, 'ug nag-ingon',

²⁴Walay kabus nga tawo nga mosulod kaninyo (sa tanaman) karong adlawa.

²⁵Ug sila nanlimbasog gayod nga makus-ganon niining maong katuyoan;

²⁶Apan sa diha nga sila nakakita niini (sa tanaman nga hingpit nga nadaut), sila miingon: "Sa pagkatinuod kita sayop!

²⁷Dili, kita gihikawan (sa mga bunga).

²⁸Ang labing maayo gikan kanila miingon: "Wala ba ako nag-ingon nganha kaninyo, nga Nganong wala man kamo magdayeg ug maghimaya (sa Allah)?"

²⁹Sila miingon: "Himaya sa (Allah) nga among Ginoo, sa pagkatinuod kami dili makiangayon."

³⁰Unya ang uban kanila giatubang ang uban, nga nagbasol sa usag-usa.

³¹Sila miingon: "Alaut kita! Sa pagkatinuod kita mga malinapason."

³²Tingali (ang Allāh) nga atong Ginoo magapuli kanato sa usa ka maayong nga (tanaman) kay sa niini; sa pagkatinuod ngadto sa (Allāh) nga among Ginoo kami mapaubsanong naghangyo (sa Iyang Kadagaya).

³³Ingon niana ang silot (niining kinabuhia), ug sa pagkatinuod ang silot sa Pikas Kinabuhi mas mabug-at, kon sila nahibalo lang.

³⁴Ang mga matarung makabaton og mga tanaman sa Kabulahanan duol sa ilang Ginoo (Allāh).

³⁵Kami ba unya mutratar sa mga Muslim (mga mitugyan sa ilang mga kaugalingon ngadto sa Allāh) sama sa mga dautan nga mga tawo.

³⁶Unsay nahitabo kaninyo? Giunsa ba ninyo paghukom?

³⁷O aduna ba kamoy Kasulatan diin kamo nakakat-on,

³⁸Nga kamo makaangkon sa unsay inyong gipili didto?

³⁹O nakadawat ba kamo gikan Kanamo ug usa ka kasabutan nga gipamatud-an pinaagi sa usa ka panumpa nga muabot sa Adlaw sa Pagkabanhaw nga ma-mainyo ang bisan unsay inyong pangayoon?

⁴⁰Pangutan-a sila, kinsa kanila ang manubag alang niana (nga pagdahum),

⁴¹O aduna ba silay mga kauban (gawas sa Allāh Diyos)? Unya himoa nga sila modala sa ilang mga kauban[2], kon sila matinud-anon.

⁴²Sa adlaw nga din ang tuman nga kalis-danan maga-abot[3], sila (ang mga manlilimod ug mga salingkapaw) paga-mandoan sa pag-hapa aron sa pagdayeg, apan sila dili maka-himo niini!

⁴³Ang ilang mga mata mapaubos, ang kaulawon motabon kanila. Ug sa pagkatinuod sila gitawag aron sa paghapa samtang sila maayo pa (panglawas ug makahimo pa).

⁴⁴Busa pasagdi Ako (Oh Muhammad); sila nga nagpanghimakak niining nga Mensahe (ang Qur'an). Kami sa hinay-hinay modala kanila (ngadto sa Silot), gikan sa dapit nga sila wala mahibalo.

⁴⁵Ug Ako maghatag kanila ug panahon. Sa pagkatinuod, ang Akong Plano lig-on.

⁴⁶​​O nangayo ka ba kanila ug bayad (alang niini nga Mensahe), aron sila mabug-atan sa utang?

⁴⁷O aduna ba silay (kahibalo sa) dili makita, aron ila kining isulat.

⁴⁸Busa paghulat nga mapailubon alang sa Paghukom sa (Allah) nga imong Ginoo, ug ayaw pagpahisama sa kauban sa isda (Jonas), sa dihang siya mituaw (ngadto sa Allāh) samtang siya anaa sa tuman nga kalisod.

⁴⁹Ug Kon wala pa miabot kaniya ang Pabor gikan sa iyang Ginoo (Allah), siya (nagpabilin pa unta sa tiyan sa isda, apan Amo siyang gipasaylo), busa siya gitambog ngadto sa umaw nga baybayon samtang siya maoy angayang basolon.

⁵⁰Apan ang iyang Ginoo (Allāh) nagpili kaniya, ug siya gipahiluna ipon kanila nga mga matarung.

⁵¹Ug kadtong naglimod ( sa Kamatuoran) halos na hampak kanimo pinaagi sa ilang mga mata sa diha nga sila nakadungog sa Pahinumdom (Qur'an), ug sila miingon: 'Sa pagkatinuod siya nawala sa iyang hunahuna!'

⁵²Apan kini usa lamang ka pahinumdom (Mensahe gikan sa Allāh) ngadto sa tanang kanasoran (jinn ug katawhan).