Al-Humazah

¹Kaalautan ngadto sa matag tigpanglibak, ug tigbugalbugal,

²Nga nagtigom sa hilabihang ka-hakog sa mga bahandi ug nag-ihap niini 'sa makadaghan',

³Nga hunahuna nga ang iyang bahandi maghimo kaniya nga dili mamatay.

⁴Siya sa pagkatinuod itambog ngadto sa Tigdugmok nga Kalayo (Imperno nga makaguba sa tanan),

⁵Ug unsay makapaamgo kanimo kon unsa ang Tigdugmok nga Kalayo?

⁶Kana ang Kalayo ni Allāh, 'walay katapusan' nagdilaab,

⁷Nga nagdilaab sa mga kasingkasing (sa mga manlilimod).

⁸Sa pagkatinuod kini (Imperno) pagasirad-an ibabaw kanila,

⁹(Sila igapos) Sa dagkong mga haligi [sa Kalayo sa Imperno].