Al-Fajr

¹Mede Ahomakye,

²Ne Anadwo du no;

³Ne (abͻdeε a egu) mmienu-mmienu ne Nea Ɔda mu Fua no,

⁴Ne εberε a anadwo bɛfiri hͻ akͻ, di nse.

⁵Enti nsedie wͻ woi mu de ma mmadwemmafoͻ?

⁶Wonhunuu sεdeε wo Wura Nyankopͻn de yεε Aadfoͻ?

⁷(Kuro) Iramfoͻ no, adan atenten wuranom a,

⁸Yεmmͻͻ wͻn sεso (anaasε yenni wͻn adan no sεso) wͻ asaase soͻ?

⁹Ɛne Samuudfoͻ no a, na wͻdwa abotan mu wͻ bonhwa no mu hͻ (deyε wͻn atenaeε no)?

¹⁰Ɛne Farao, Asraafoͻ dͻm Wura, anaa sε εpa Wura (a, na ͻbͻ nneduafoͻ wͻ εpa mu no)?

¹¹Wᴐn a wᴐdii nsεmͻnee wͻ asaase no so,

¹²Enti maa bͻne dͻͻso pii wͻ soᴐ no,

¹³Wo Wura Nyankopͻn hwiee asotwe abaa-twa guu wͻn so.

¹⁴Nokorε sε, wo Wura Nyankopͻn tε hͻ rewεn.

¹⁵Onipa deε sε ne Wura Nyankopͻn sͻ no hwε, hyε no animuonyam, na Ɔyε no adom bi a, ͻka (de tu ne ho) sε: “Me Wura Nyankopͻn ahyε me animuonyam".

¹⁶Na mmom sε Ɔsͻ no hwε na Ɔma ne ho kyere no wͻ akͻnhoma ho (anaa sε Ɔma no hia no) a, ͻka sε: “Me Wura Nyankopͻn agu m’anim ase “.

¹⁷Daabi (ԑnte saa), nanso monnfa obuo mma agyanka (anaa awisiaa),

¹⁸Afei monnhyε sε wͻdidi a, wͻma ahiafoͻ bi die:

¹⁹Afei modi awugyadeε adefodepε so.

²⁰Na modͻ sika ma no bro so;

²¹Daabi, sε asaase bubu na εyε gͻsͻgͻsͻ,

²²Na wo Wura Nyankopͻn ba na Soro abͻfoͻ no to santen a,

²³Na saa Da no yεde Amanehunu gya no ba a, saa Da no onipa bεfa adwen anaasε ɔbɛtu ne ho fo, na deεn mfasoͻ na adwen anaa afutuo no bεyε ama no?

²⁴Ͻbεka sε: “Mehunuui a anka medii (dwuma pa) detoo m’anim maa me Daakye nkwa nna yi.

²⁵Saa Da no asotwee a (Nyankopͻn de bεtwe abͻneεfoͻ no aso no) obiara ntumi ntwe bi saa,

²⁶Na sεdeε Ɔbɛsi akyekyere (abͻneεfoͻ no wͻ nkͻnsͻnkͻnsͻn mu no), obiara ntumi nkyekyeree bi saa da.

²⁷(Yεbεka akyerε apapafoͻ no sε): “Ɔkra a w’akoma atͻ wo yamu,

²⁸San bra wo Wura Nyankopͻn hͻ, Wagye wo atom wonso wagye no atom.

²⁹Enti bεka Menkoa no ho,

³⁰Na wura Me Soro aheman no mu’’.