Al-Ghashiyah

الغاشية

The Overwhelming • 26 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

هَلۡ أَتَىٰكَ حَدِيثُ ٱلۡغَٰشِيَةِ﴿١﴾

¹Ṣebí ọ̀rọ̀ nípa ohun tó máa bo ẹ̀dá mọ́lẹ̀ ti dé ọ̀dọ̀ rẹ?

وُجُوهٞ يَوۡمَئِذٍ خَٰشِعَةٌ﴿٢﴾

²Àwọn ojú kan yóò wálẹ̀ (ní ti ìyẹpẹrẹ) ní ọjọ́ yẹn.

عَامِلَةٞ نَّاصِبَةٞ﴿٣﴾

³Wọ́n ṣe iṣẹ́ àṣekúdórógbó (ni nílé ayé).

تَصۡلَىٰ نَارًا حَامِيَةٗ﴿٤﴾

⁴Wọ́n sì máa wọ inú Iná tó gbóná janjan (ní ọ̀run).

تُسۡقَىٰ مِنۡ عَيۡنٍ ءَانِيَةٖ﴿٥﴾

⁵Wọ́n sì máa fún (wọn) ní omi ìṣẹ́lẹ̀rú gbígbóná mu.

لَّيۡسَ لَهُمۡ طَعَامٌ إِلَّا مِن ضَرِيعٖ﴿٦﴾

⁶Kò sí oúnjẹ kan fún wọn àyàfi igi ẹlẹ́gùn-ún gbígbẹ.

لَّا يُسۡمِنُ وَلَا يُغۡنِي مِن جُوعٖ﴿٧﴾

⁷Kò níí mú wọn sanra. Kò sì níí rọ̀ wọ́n lọ́rọ̀ nínú ebi.

وُجُوهٞ يَوۡمَئِذٖ نَّاعِمَةٞ﴿٨﴾

⁸Àwọn ojú kan yó sì kún fún ìgbádùn ní ọjọ́ yẹn

لِّسَعۡيِهَا رَاضِيَةٞ﴿٩﴾

⁹nítorí pé (ó) yọ́nú sí (ẹ̀san) iṣẹ́ rẹ̀.

فِي جَنَّةٍ عَالِيَةٖ﴿١٠﴾

¹⁰(Ó máa) wà nínú Ọgbà Ìdẹ̀ra gíga.

لَّا تَسۡمَعُ فِيهَا لَٰغِيَةٗ﴿١١﴾

¹¹Wọn kò níí gbọ́ ìsọkúsọ nínú rẹ̀.

فِيهَا عَيۡنٞ جَارِيَةٞ﴿١٢﴾

¹²Omi ìṣẹ́lẹ̀rú tó ń ṣàn wà nínú rẹ̀.

فِيهَا سُرُرٞ مَّرۡفُوعَةٞ﴿١٣﴾

¹³Àwọn ibùsùn tí wọ́n gbé sókè wà nínú rẹ̀,

وَأَكۡوَابٞ مَّوۡضُوعَةٞ﴿١٤﴾

¹⁴àti àwọn ife ìmumi tí wọ́n gbé kalẹ̀ (sí àrọ́wọ́tó wọn),

وَنَمَارِقُ مَصۡفُوفَةٞ﴿١٥﴾

¹⁵àti àwọn ìrọ̀rí tí wọ́n tò sí ẹ̀gbẹ́ ara wọn,

وَزَرَابِيُّ مَبۡثُوثَةٌ﴿١٦﴾

¹⁶àti àwọn ìtẹ́ àtẹ́ẹ̀ká.

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ﴿١٧﴾

¹⁷Nítorí náà, ṣé wọn kò wòye sí ràkúnmí, bí A ti ṣẹ̀dá rẹ̀ ni;

وَإِلَى ٱلسَّمَآءِ كَيۡفَ رُفِعَتۡ﴿١٨﴾

¹⁸àti sánmọ̀, bí A ti ṣe gbé e sókè;

وَإِلَى ٱلۡجِبَالِ كَيۡفَ نُصِبَتۡ﴿١٩﴾

¹⁹àti àpáta, bí A ti ṣe gbé e nàró (sínú ilẹ̀);

وَإِلَى ٱلۡأَرۡضِ كَيۡفَ سُطِحَتۡ﴿٢٠﴾

²⁰àti ilẹ̀, bí A ti ṣe tẹ́ ẹ sílẹ̀ pẹrẹsẹ?

فَذَكِّرۡ إِنَّمَآ أَنتَ مُذَكِّرٞ﴿٢١﴾

²¹Nítorí náà, ṣèrántí. Ìwọ kúkú ni olùṣèràntí.

لَّسۡتَ عَلَيۡهِم بِمُصَيۡطِرٍ﴿٢٢﴾

²²Ìwọ kì í ṣe ajẹni-nípá lórí wọn

إِلَّا مَن تَوَلَّىٰ وَكَفَرَ﴿٢٣﴾

²³àfi ẹni tí ó bá pẹ̀yìndà (sí òdodo), tí ó sì ṣàì gbàgbọ́.

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ﴿٢٤﴾

²⁴Allāhu sì máa jẹ ẹ́ níyà tó tóbi jùlọ.

إِنَّ إِلَيۡنَآ إِيَابَهُمۡ﴿٢٥﴾

²⁵Dájúdájú ọ̀dọ̀ Wa ni àbọ̀ wọn wà.

ثُمَّ إِنَّ عَلَيۡنَا حِسَابَهُم﴿٢٦﴾

²⁶Lẹ́yìn náà, dájúdájú Àwa l’A máa ṣe ìṣírò-iṣẹ́ wọn.

← Al-A'la Al-Fajr→

RELATED SURAHS

Al-A'raf

The Heights

Al-Hajj

The Pilgrimage

Al-Jathiyah

The Kneeling

Al-Fatiha

The Opening

Browse all 114 surahs