An-Nazi'at

النازعات

Those Who Drag Forth • 46 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلنَّٰزِعَٰتِ غَرۡقٗا﴿١﴾

¹Allāhu fi àwọn mọlāika tó ń fi ọ̀nà èle gba ẹ̀mí àwọn aláìgbàgbọ́ búra.

وَٱلنَّٰشِطَٰتِ نَشۡطٗا﴿٢﴾

²Ó tún fi àwọn mọlāika tó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo búra.

وَٱلسَّٰبِحَٰتِ سَبۡحٗا﴿٣﴾

³Ó tún fi àwọn mọlāika tó ń yára gágá níbi àṣẹ Rẹ̀ búra.

فَٱلسَّٰبِقَٰتِ سَبۡقٗا﴿٤﴾

⁴Ó tún fi àwọn mọlāika tó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà búra.

فَٱلۡمُدَبِّرَٰتِ أَمۡرٗا﴿٥﴾

⁵Ó tún fi àwọn mọlāika tó ń ṣètò nínú sánmọ̀ àti ilé ayé pẹ̀lú àṣẹ Allāhu búra.

يَوۡمَ تَرۡجُفُ ٱلرَّاجِفَةُ﴿٦﴾

⁶Ní ọjọ́ tí ìmìtìtì máa mi gbogbo ayé tìtì.[1]

تَتۡبَعُهَا ٱلرَّادِفَةُ﴿٧﴾

⁷Ohun tí ó máa tẹ̀lé e máa ṣẹlẹ̀ tẹ̀lé e.[1]

قُلُوبٞ يَوۡمَئِذٖ وَاجِفَةٌ﴿٨﴾

⁸Àwọn ọkàn yóò máa gbọ̀n pẹ̀pẹ̀ ní ọjọ́ yẹn.

أَبۡصَٰرُهَا خَٰشِعَةٞ﴿٩﴾

⁹Ojú wọn yó sì wálẹ̀ ní ti ìyẹpẹrẹ.

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ﴿١٠﴾

¹⁰Wọn yóò wí pé: “Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?

أَءِذَا كُنَّا عِظَٰمٗا نَّخِرَةٗ﴿١١﴾

¹¹Ṣé nígbà tí a ti di eegun tó kẹfun tán?”

قَالُواْ تِلۡكَ إِذٗا كَرَّةٌ خَاسِرَةٞ﴿١٢﴾

¹²Wọ́n wí pé: “Ìdápadà òfò nìyẹn nígbà náà (fún ẹni tó pè é ní irọ́.)”

فَإِنَّمَا هِيَ زَجۡرَةٞ وَٰحِدَةٞ﴿١٣﴾

¹³Nítorí náà, igbe ẹyọ kan sì ni.

فَإِذَا هُم بِٱلسَّاهِرَةِ﴿١٤﴾

¹⁴Nígbà náà ni wọn yóò bára wọn lórí ilẹ̀ gban̄sasa.

هَلۡ أَتَىٰكَ حَدِيثُ مُوسَىٰٓ﴿١٥﴾

¹⁵Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى﴿١٦﴾

¹⁶(Rántí) nígbà tí Olúwa rẹ̀ pè é ní àfonúfojì mímọ́, Tuwā.

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ﴿١٧﴾

¹⁷Lọ bá Fir‘aon, dájúdájú ó ti tayọ ẹnu-ààlà.

فَقُلۡ هَل لَّكَ إِلَىٰٓ أَن تَزَكَّىٰ﴿١٨﴾

¹⁸Kí o sì sọ pé: “Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?

وَأَهۡدِيَكَ إِلَىٰ رَبِّكَ فَتَخۡشَىٰ﴿١٩﴾

¹⁹Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ, kí o sì páyà (Rẹ̀).”

فَأَرَىٰهُ ٱلۡأٓيَةَ ٱلۡكُبۡرَىٰ﴿٢٠﴾

²⁰Ó sì fi àmì tó tóbi hàn án.

فَكَذَّبَ وَعَصَىٰ﴿٢١﴾

²¹(Àmọ́) ó pè é ní òpùrọ́. Ó sì yapa (rẹ̀).

ثُمَّ أَدۡبَرَ يَسۡعَىٰ﴿٢٢﴾

²²Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).

فَحَشَرَ فَنَادَىٰ﴿٢٣﴾

²³Ó kó (àwọn ènìyàn) jọ, ó sì ké gbàjarì.

فَقَالَ أَنَا۠ رَبُّكُمُ ٱلۡأَعۡلَىٰ﴿٢٤﴾

²⁴Ó sì wí pé: “Èmi ni olúwa yín, ẹni gíga jùlọ.”

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ﴿٢٥﴾

²⁵Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).[1]

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ﴿٢٦﴾

²⁶Dájúdájú àríwòye wà nínú ìyẹn fún ẹni tó ń páyà (Allāhu).

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا﴿٢٧﴾

²⁷Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?

رَفَعَ سَمۡكَهَا فَسَوَّىٰهَا﴿٢٨﴾

²⁸Allāhu gbé àjà rẹ̀ ga sókè. Ó sì ṣe é ní pípé tó gún régé.

وَأَغۡطَشَ لَيۡلَهَا وَأَخۡرَجَ ضُحَىٰهَا﴿٢٩﴾

²⁹Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.

وَٱلۡأَرۡضَ بَعۡدَ ذَٰلِكَ دَحَىٰهَآ﴿٣٠﴾

³⁰Àti ilẹ̀, Ó tẹ́ ẹ pẹrẹsẹ lẹ́yìn ìyẹn.[1]

أَخۡرَجَ مِنۡهَا مَآءَهَا وَمَرۡعَىٰهَا﴿٣١﴾

³¹Ó mú omi rẹ̀ àti irúgbìn rẹ̀ jáde láti inú rẹ̀.

وَٱلۡجِبَالَ أَرۡسَىٰهَا﴿٣٢﴾

³²Àti àwọn àpáta, Ó fi ìdí wọn múlẹ̀ ṣinṣin.

مَتَٰعٗا لَّكُمۡ وَلِأَنۡعَٰمِكُمۡ﴿٣٣﴾

³³Ìgbádùn ni fún yín àti fún àwọn ẹran-ọ̀sìn yín.

فَإِذَا جَآءَتِ ٱلطَّآمَّةُ ٱلۡكُبۡرَىٰ﴿٣٤﴾

³⁴Ṣùgbọ́n nígbà tí ìparun ńlá bá dé,

يَوۡمَ يَتَذَكَّرُ ٱلۡإِنسَٰنُ مَا سَعَىٰ﴿٣٥﴾

³⁵ní ọjọ́ tí ènìyàn yóò rántí ohun tó ṣe níṣẹ́.

وَبُرِّزَتِ ٱلۡجَحِيمُ لِمَن يَرَىٰ﴿٣٦﴾

³⁶Wọ́n sì máa fi Iná hàn kedere fún (gbogbo) ẹni tó ríran.

فَأَمَّا مَن طَغَىٰ﴿٣٧﴾

³⁷Nítorí náà, ní ti ẹni tó tayọ ẹnu-ààlà,

وَءَاثَرَ ٱلۡحَيَوٰةَ ٱلدُّنۡيَا﴿٣٨﴾

³⁸tí ó tún gbé àjùlọ fún ìṣẹ̀mí ayé,

فَإِنَّ ٱلۡجَحِيمَ هِيَ ٱلۡمَأۡوَىٰ﴿٣٩﴾

³⁹dájúdájú iná Jẹhīm, òhun ni ibùgbé (rẹ̀).

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ﴿٤٠﴾

⁴⁰Ní ti ẹni tí ó páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),

فَإِنَّ ٱلۡجَنَّةَ هِيَ ٱلۡمَأۡوَىٰ﴿٤١﴾

⁴¹dájúdájú Ọgbà Ìdẹ̀ra, òhun ni ibùgbé (rẹ̀).

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا﴿٤٢﴾

⁴²Wọ́n ń bi ọ́ léèrè nípa Àkókò náà pé: “Ìgbà wo l’ó máa ṣẹlẹ̀?”

فِيمَ أَنتَ مِن ذِكۡرَىٰهَآ﴿٤٣﴾

⁴³Níbo ni ìwọ wà sí ìmọ̀ rẹ̀ ná?[1]

إِلَىٰ رَبِّكَ مُنتَهَىٰهَآ﴿٤٤﴾

⁴⁴Ọ̀dọ̀ Olúwa rẹ ni òpin ìmọ̀ nípa rẹ̀ wà.

إِنَّمَآ أَنتَ مُنذِرُ مَن يَخۡشَىٰهَا﴿٤٥﴾

⁴⁵Ìwọ kúkú ni olùkìlọ̀ fún ẹni tó ń páyà rẹ̀.

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا﴿٤٦﴾

⁴⁶Ní ọjọ́ tí wọ́n máa rí i, wọn máa dà bí ẹni pé wọn kò gbé ilé ayé tayọ ìrọ̀lẹ́ tàbí ìyálẹ̀ta (ọjọ́) kan.

← An-Naba 'Abasa→

RELATED SURAHS

Al-A'raf

The Heights

Al-Kahf

The Cave

Ta-Ha

Al-Fatiha

The Opening

Browse all 114 surahs