Al-Mursalat

المرسلات

Those Sent Forth • 50 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلۡمُرۡسَلَٰتِ عُرۡفٗا﴿١﴾

¹Allāhu fi àwọn atẹ́gùn tó ń sáré ní tẹ̀léǹtẹ̀lé búra.

فَٱلۡعَٰصِفَٰتِ عَصۡفٗا﴿٢﴾

²Ó fi àwọn ìjì atẹ́gùn tó ń jà búra.

وَٱلنَّٰشِرَٰتِ نَشۡرٗا﴿٣﴾

³Ó fi àwọn atẹ́gùn tó ń tú èṣújò ká búra.

فَٱلۡفَٰرِقَٰتِ فَرۡقٗا﴿٤﴾

⁴Ó fi àwọn tó ń ṣèpínyà láààrin òdodo àti irọ́ búra.

فَٱلۡمُلۡقِيَٰتِ ذِكۡرًا﴿٥﴾

⁵Ó fi àwọn mọlāika tó ń mú ìrántí wá (bá àwọn Òjíṣẹ́) búra.

عُذۡرًا أَوۡ نُذۡرًا﴿٦﴾

⁶(Ìrántí náà jẹ́) àwíjàre tàbí ìkìlọ̀.

إِنَّمَا تُوعَدُونَ لَوَٰقِعٞ﴿٧﴾

⁷Dájúdájú ohun tí A ṣe ní àdéhùn fún yín kúkú máa ṣẹlẹ̀.

فَإِذَا ٱلنُّجُومُ طُمِسَتۡ﴿٨﴾

⁸Nítorí náà, nígbà tí wọ́n bá pa (ìmọ́lẹ̀) ìràwọ̀ rẹ́,

وَإِذَا ٱلسَّمَآءُ فُرِجَتۡ﴿٩﴾

⁹àti nígbà tí wọ́n bá ṣí sánmọ̀ sílẹ̀ gbagada,

وَإِذَا ٱلۡجِبَالُ نُسِفَتۡ﴿١٠﴾

¹⁰àti nígbà tí wọ́n bá ku àwọn àpáta dànù,

وَإِذَا ٱلرُّسُلُ أُقِّتَتۡ﴿١١﴾

¹¹àti nígbà tí wọ́n bá fún àwọn Òjíṣẹ́ ní àsìkò láti kójọ (pẹ̀lú ìjọ wọn),

لِأَيِّ يَوۡمٍ أُجِّلَتۡ﴿١٢﴾

¹²ọjọ́ wo ni wọ́n so (àwọn ìṣẹ̀lẹ̀ wọ̀nyí) rọ̀ fún ná?

لِيَوۡمِ ٱلۡفَصۡلِ﴿١٣﴾

¹³Fún ọjọ́ ìpínyà (láààrin àwọn ẹ̀dá) ni.

وَمَآ أَدۡرَىٰكَ مَا يَوۡمُ ٱلۡفَصۡلِ﴿١٤﴾

¹⁴Kí sì ni ó mú ọ mọ ohun tó ń jẹ́ Ọjọ́ ìpínyà?

وَيۡلٞ يَوۡمَئِذٖ لِّلۡمُكَذِّبِينَ﴿١٥﴾

¹⁵Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نُهۡلِكِ ٱلۡأَوَّلِينَ﴿١٦﴾

¹⁶Ǹjẹ́ Àwa kò ti pa àwọn ẹni àkọ́kọ́ rẹ́ bí?

ثُمَّ نُتۡبِعُهُمُ ٱلۡأٓخِرِينَ﴿١٧﴾

¹⁷Lẹ́yìn náà, A sì máa fi àwọn ẹni Ìkẹ́yìn tẹ̀lé wọn (nínú ìparun).

كَذَٰلِكَ نَفۡعَلُ بِٱلۡمُجۡرِمِينَ﴿١٨﴾

¹⁸Báyẹn ni A ó ti ṣe pẹ̀lú àwọn ẹlẹ́ṣẹ̀.

وَيۡلٞ يَوۡمَئِذٖ لِّلۡمُكَذِّبِينَ﴿١٩﴾

¹⁹Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نَخۡلُقكُّم مِّن مَّآءٖ مَّهِينٖ﴿٢٠﴾

²⁰Ṣé A kò ṣẹ̀dá yin láti inú omi lílẹ yẹpẹrẹ bí?

فَجَعَلۡنَٰهُ فِي قَرَارٖ مَّكِينٍ﴿٢١﴾

²¹Lẹ́yìn náà, A fi sínú àyè ààbò (ìyẹn, ilé-ọmọ)

إِلَىٰ قَدَرٖ مَّعۡلُومٖ﴿٢٢﴾

²²títí di gbèdéke àkókò kan tí A ti mọ̀ (ìyen, ọjọ́ ìbímọ).

فَقَدَرۡنَا فَنِعۡمَ ٱلۡقَٰدِرُونَ﴿٢٣﴾

²³A sì ní ìkápá àti àyànmọ́ (lórí rẹ̀. Àwa sì ni) Olùkápá àti Olùpèbùbù ẹ̀dá tó dára.

وَيۡلٞ يَوۡمَئِذٖ لِّلۡمُكَذِّبِينَ﴿٢٤﴾

²⁴Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نَجۡعَلِ ٱلۡأَرۡضَ كِفَاتًا﴿٢٥﴾

²⁵Ǹjẹ́ Àwa kò ṣe ilẹ̀ ní ohun tó ń kó ẹ̀dá jọ mọ́ra wọn;

أَحۡيَآءٗ وَأَمۡوَٰتٗا﴿٢٦﴾

²⁶(ìyẹn) àwọn alààyè àti àwọn òkú?

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا﴿٢٧﴾

²⁷A sì fi àwọn àpáta gbagidi gíga-gíga sínú rẹ̀. A sì fún yín ní omi dídùn mu.

وَيۡلٞ يَوۡمَئِذٖ لِّلۡمُكَذِّبِينَ﴿٢٨﴾

²⁸Ègbé ni ní ọjọ́ yẹn fún àwọn olùpe-òdodo-nírọ́.

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ﴿٢٩﴾

²⁹Ẹ máa lọ sí ibi tí ẹ̀ ń pè ní irọ́.

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ﴿٣٠﴾

³⁰Ẹ máa lọ sí ibi èéfín ẹlẹ́ka mẹ́ta.

لَّا ظَلِيلٖ وَلَا يُغۡنِي مِنَ ٱللَّهَبِ﴿٣١﴾

³¹Kì í ṣe ibòji tútù. Kò sì níí rọ̀ wọ́n lọ́rọ̀ nínú ìjòfòfò Iná.

إِنَّهَا تَرۡمِي بِشَرَرٖ كَٱلۡقَصۡرِ﴿٣٢﴾

³²Dájúdájú (Iná náà) yóò máa ju ẹ̀tapàrà (rẹ̀ sókè tó máa dà) bí pẹ̀tẹ́ẹ̀sì.

كَأَنَّهُۥ جِمَٰلَتٞ صُفۡرٞ﴿٣٣﴾

³³(Ó máa dà) bí àwọn ràkúnmí aláwọ̀ omi ọsàn.

وَيۡلٞ يَوۡمَئِذٖ لِّلۡمُكَذِّبِينَ﴿٣٤﴾

³⁴Ègbé ni ní ọjọ́ yẹn fún àwọn olùpe-òdodo-nírọ́

هَٰذَا يَوۡمُ لَا يَنطِقُونَ﴿٣٥﴾

³⁵Èyí ni ọjọ́ tí wọn kò níí sọ̀rọ̀.

وَلَا يُؤۡذَنُ لَهُمۡ فَيَعۡتَذِرُونَ﴿٣٦﴾

³⁶A kò sì níí yọ̀ǹda (ọ̀rọ̀ sísọ) fún wọn, áḿbọ̀sìbọ́sí pé wọ́n yóò mú àwáwí wá.

وَيۡلٞ يَوۡمَئِذٖ لِّلۡمُكَذِّبِينَ﴿٣٧﴾

³⁷Ègbé ni ní ọjọ́ yẹn fún àwọn olùpe-òdodo-nírọ́.

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ﴿٣٨﴾

³⁸Èyí ni ọjọ́ ìpínyà. Àwa yó sì kó ẹ̀yin àti àwọn ẹni àkọ́kọ́ jọ.

فَإِن كَانَ لَكُمۡ كَيۡدٞ فَكِيدُونِ﴿٣٩﴾

³⁹Tí ẹ bá ní ète kan lọ́wọ́, ẹ déte sí Mi wò.

وَيۡلٞ يَوۡمَئِذٖ لِّلۡمُكَذِّبِينَ﴿٤٠﴾

⁴⁰Ègbé ni ní ọjọ́ yẹn fún àwọn olùpe-òdodo-nírọ́.

إِنَّ ٱلۡمُتَّقِينَ فِي ظِلَٰلٖ وَعُيُونٖ﴿٤١﴾

⁴¹Dájúdájú àwọn olùbẹ̀rù Allāhu yóò wà níbi ibòji àti àwọn omi ìṣẹ́lẹ̀rú,

وَفَوَٰكِهَ مِمَّا يَشۡتَهُونَ﴿٤٢﴾

⁴²àti àwọn èso èyí tí wọ́n bá ń fẹ́.

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ﴿٤٣﴾

⁴³Ẹ jẹ, kí ẹ sì mu pẹ̀lú ìgbádùn nítorí ohun tí ẹ̀ ń ṣe níṣẹ́.

إِنَّا كَذَٰلِكَ نَجۡزِي ٱلۡمُحۡسِنِينَ﴿٤٤﴾

⁴⁴Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

وَيۡلٞ يَوۡمَئِذٖ لِّلۡمُكَذِّبِينَ﴿٤٥﴾

⁴⁵Ègbé ni ní ọjọ́ yẹn fún àwọn olùpe-òdodo-nírọ́.

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ﴿٤٦﴾

⁴⁶Ẹ jẹ, kí ẹ sì gbádùn fún ìgbà díẹ̀. Dájúdájú ẹlẹ́ṣẹ̀ ni yín.

وَيۡلٞ يَوۡمَئِذٖ لِّلۡمُكَذِّبِينَ﴿٤٧﴾

⁴⁷Ègbé ni ní ọjọ́ yẹn fún àwọn olùpe-òdodo-nírọ́.

وَإِذَا قِيلَ لَهُمُ ٱرۡكَعُواْ لَا يَرۡكَعُونَ﴿٤٨﴾

⁴⁸Nígbà tí wọ́n bá sọ fún wọn pé kí wọ́n kírun, wọn kò níí kírun.

وَيۡلٞ يَوۡمَئِذٖ لِّلۡمُكَذِّبِينَ﴿٤٩﴾

⁴⁹Ègbé ni ní ọjọ́ yẹn fún àwọn olùpe-òdodo-nírọ́.

فَبِأَيِّ حَدِيثِۭ بَعۡدَهُۥ يُؤۡمِنُونَ﴿٥٠﴾

⁵⁰Nígbà náà, ọ̀rọ̀ wo ni wọn yóò gbàgbọ́ lẹ́yìn rẹ̀?[1]

← Al-Insan An-Naba→

RELATED SURAHS

Al-A'raf

The Heights

Al-Hajj

The Pilgrimage

Al-Jathiyah

The Kneeling

Al-Fatiha

The Opening

Browse all 114 surahs