Ad-Dukhan

¹Ḥā. Mīm. [1]

²Sumpa man sa Aklat na naglilinaw,

³tunay na Kami ay nagpababa nito sa isang gabing biniyayaan. Tunay Kami ay laging Tagapagbabala [sa tao at jinn].

⁴Sa [gabing] ito pinagpapasyahan ang bawat usaping tumpak,

⁵bilang usaping mula sa ganang Amin. Tunay na Kami noon ay nagsusugo,

⁶bilang awa mula sa Panginoon mo. Tunay na Siya ay ang Madinigin, ang Maalam.

⁷Panginoon ng mga langit at lupa at anumang nasa pagitan ng mga ito, kung kayo ay mga nakatityak.

⁸Walang Diyos kundi Siya, nagbibigay-buhay Siya at nagbibigay-kamatayan Siya, ang Panginoon ninyo at ang Panginoon ng mga magulang ninyong mga sinauna.

⁹Bagkus sila ay nasa isang pagdududa, na naglalaro.

¹⁰Kaya mag-abang ka sa Araw na magdadala ang langit ng isang usok na malinaw.

¹¹Babalot ito sa mga tao; ito ay isang pagdurusang masakit.

¹²Panginoon Namin, pumawi Ka sa amin ng pagdurusa [dahil sa tagtuyot]; tunay na Kami ay mga mananampalataya.

¹³Paanong ukol sa kanila ang paalaala gayong may dumating ng sa kanilang isang Sugong malinaw [na si Propeta Muḥammad]?

¹⁴Pagkatapos tumalikod sila palayo sa kanya at nagsabi sila: “Isang baliw na tinuruan [ng iba].”

¹⁵Tunay na Kami ay papawi ng pagdurusa nang kaunti. Tunay na kayo ay mga manunumbalik.

¹⁶Sa Araw [ng Labanan sa Badr] na susunggab Kami [sa kanila] ng pagsunggab na pinakamalaki, tunay na Kami ay maghihiganti.

¹⁷Talaga ngang sumubok Kami bago nila sa mga tao ni Paraon, at may dumating sa kanila na isang sugong marangal [na si Moises],

¹⁸na [nagsasabi]: “Ipaubaya ninyo sa akin ang mga [anak ni Israel na] lingkod Ni Allāh – tunay na ako para sa inyo ay isang sugong mapagkakatiwalaan –

¹⁹at na huwag kayong magmataas kay Allāh; tunay na ako ay pumupunta sa inyo nang may kapamahalaang malinaw.

²⁰Tunay na ako ay nagpakupkop sa Panginoon ko at Panginoon ninyo na baka bumato kayo sa akin.

²¹Kung hindi kayo naniwala sa akin ay lumayo kayo sa akin.”

²²Kaya dumalangin siya sa Panginoon niya na ang mga ito ay mga taong salarin.

²³Kaya [nag-utos si Allāh]: “Kaya maglakbay ka kasabay ng mga [anak ni Israel na] lingkod Ko sa isang gabi; tunay na kayo ay mga susundan.”

²⁴Iwan mo ang dagat nang payapa; tunay na sila ay mga kawal na malulunod.

²⁵Kay rami ng iniwan nila na mga hardin at mga bukal,

²⁶mga pananim at pinanatilihang marangal,

²⁷at biyayang sila dati roon ay mga nagpapasarap!

²⁸Gayon nga, at nagpamana Kami ng mga ito sa mga ibang tao.

²⁹Kaya hindi umiyak sa kanila ang langit at ang lupa at sila noon ay hindi mga ipagpapaliban.

³⁰Talaga ngang nagligtas Kami sa mga anak ni Israel mula sa pagdurusang manghahamak

³¹mula kay Paraon. Tunay na siya dati ay nagmamataas kabilang sa mga nagpapakalabis.

³²Talaga ngang pumili Kami sa kanila [na mga anak ni Israel] ayon sa kaalaman, higit sa mga nilalang [ng panahon nila].

³³Nagbigay Kami sa kanila ng mga tanda na may isang pagsubok na malinaw.

³⁴Tunay na ang mga [tagapagtambal] ito ay talagang nagsasabi:

³⁵“Walang iba ito kundi ang pagkamatay naming una at kami ay hindi mga bubuhayin.

³⁶Kaya maglahad kayo ng mga magulang namin kung kayo ay mga tapat.”

³⁷Sila ba ay higit na mabuti o ang mga tao ng Tubba` at ang mga bago pa nila, na ipinahamak Namin [dahil sa kasalanan]? Tunay na sila ay mga salarin noon.

³⁸Hindi Kami lumikha ng mga langit at lupa at anumang nasa pagitan ng mga ito nang naglalaro.

³⁹Hindi Kami lumikha ng mga ito malibang ayon sa katotohanan subalit ang higit na marami sa kanila ay hindi nakaaalam.

⁴⁰Tunay na ang Araw ng Pagpapasya ay tipanan nila nang magkakasama,

⁴¹sa Araw na walang magpapakinabang na isang pinagpapatangkilikan sa isang nagpapatangkilik ng anuman ni sila ay iaadya,

⁴²maliban sa sinumang kinaawaan ni Allāh; tunay na Siya ay ang Makapangyarihan, ang Maawain.

⁴³Tunay na ang puno ng Zaqqūm

⁴⁴ay pagkain ng makasalanan.

⁴⁵Gaya ng latak ng langis, kukulo ito sa loob ng mga tiyan [nila],

⁴⁶gaya ng pagkulo ng nakapapasong tubig.

⁴⁷[Sasabihin]: “Kunin ninyo siya at kaladkarin ninyo siya patungo sa kalagitnaan ng Impiyerno.

⁴⁸Pagkatapos magbuhos kayo sa ibabaw ng ulo niya mula sa pagdurusa sa nakapapasong tubig.

⁴⁹Lasapin mo; tunay na ikaw ay ang makapangyarihan, ang mapagbigay.

⁵⁰Tunay na ito ay ang [bagay na] dati kayo hinggil dito ay nagtataltalan.”

⁵¹Tunay na ang mga tagapangilag magkasala ay nasa pinananatilihang ligtas,

⁵²sa mga hardin at mga bukal,

⁵³na magsusuot ng manipis na sutla at makapal na sutla, na mga magkaharapan.

⁵⁴Gayon nga, at ipakakasal Namin sila sa mga dilag na may maningning na mata.

⁵⁵Mananawagan sila roon ng bawat bungang-kahoy habang mga natitiwasay.

⁵⁶Hindi sila lalasap doon ng kamatayan maliban sa unang pagkamatay at magsasanggalang Siya sa kanila sa pagdurusa sa Impiyerno

⁵⁷bilang kabutihang-loob mula sa Panginoon mo. Iyon ay ang pagkatamong sukdulan.

⁵⁸Kaya nagpadali lamang Kami nito sa dila mo nang sa gayon sila ay magsasaalaala.

⁵⁹Kaya mag-abang ka [ng wakas nila]; tunay na sila ay mga nag-aabang.