Al-'Alaq

¹Soma ku izina rya Nyagasani wawe waremye (ibiriho byose),

²Yaremye umuntu mu rusoro rw’amaraso,

³Soma! Kandi Nyagasani wawe ni Nyirubuntu uhebuje,

⁴We wigishije (umuntu kwandika) akoresheje ikaramu,

⁵Yigishije umuntu ibyo atari azi.

⁶Oya! Mu by’ukuri umuntu ararengera (arahakana kandi agakora ibibi),

⁷Iyo amaze kubona ko yihagije (kubera ibyo atunze).

⁸Mu by’ukuri (umenye ko) kwa Nyagasani wawe ari ho garukiro.

⁹Ese (yewe Muhamadi) wabonye wa wundi (Abu Jahl) ubuza

¹⁰Umugaragu (wacu Muhamadi) kugaragira?

¹¹Ese (yabuza ate umugaragu wacu) aramutse ari mu nzira y’ukuri,

¹²Cyangwa ari gukangurira (abantu) kugandukira Allah (mbwira icyaba iherezo ry’umubuza)?

¹³Ngaho mbwira (Abu Jahl) aramutse ahinyura (ukuri) akanatera umugongo,

¹⁴Ese ntabwo azi ko Allah abona (ibyo akora)?

¹⁵Oya! Natarekera aho, tuzamufata uruhanga rwe turukururire mu muriro,

¹⁶Uruhanga rubeshya, rw’urunyabyaha.

¹⁷Ngaho nahamagare abambari be,

¹⁸Natwe tuzahamagara abamalayika bacu barinda umuriro (kugira ngo bamukanire urumukwiye).

¹⁹Oya! (Yewe Muhamadi), ntukamwumvire (Abu Jahali), ahubwo ujye wubama (usali) uniyegereze Allah