Ad-Duha

¹Ndahiye agasusuruko,

²N’ijoro igihe ryijimye,

³(Yewe Muhamadi), Nyagasani wawe ntiyagutereranye kandi nta n’ubwo yakwanze.

⁴Kandi rwose ubuzima bw’imperuka ni bwo bwiza kuri wowe kurusha ububanza (ubw’isi).

⁵Mu by’ukuri Nyagasani wawe azaguha kandi uzishima.

⁶Ese ntiyagusanze uri imfubyi akaguha icumbi (abakwitaho)?

⁷Akanagusanga udasobanukiwe (Qur’an n’amategeko yayo), nuko akakuyobora?

⁸Akaba yaranagusanze uri umukene maze akagukungahaza (akaguha kunyurwa)?

⁹Bityo, ntugahutaze imfubyi,

¹⁰Ntukanakankamire uje asaba.

¹¹Kandi ingabire za Nyagasani wawe (yaguhaye), ujye uzigaragaza (umushimira).