Al-'Adiyat

¹Ndahiye amafarasi yiruka cyane avuza imirindi,

²Akubita (ibinono) bigatarutsa ibishashi by’umuriro,

³N’amafarasi agaba igitero mu rukerera,

⁴Akanatumura umukungugu,

⁵Akinjira hagati mu ngabo z’umwanzi.

⁶Mu by’ukuri umuntu ni indashima kuri Nyagasani we,

⁷Kandi rwose ibyo yabibera umuhamya,

⁸Ndetse akunda imitungo bikabije.

⁹Ese ntazi ko hari igihe abari mu mva bazazurwa?

¹⁰N’ibiri mu bituza (by’abantu) bigashyirwa ahagaragara?

¹¹Mu by’ukuri uwo munsi Nyagasani wabo azaba azi neza ibyabo.