Al-'Alaq

¹Muvugishwamana! Soma ivyo wahishuriwe muri Qor’ani, maze utangure kw’izina ry’Imana yawe Allah Yaremye;

²Yaremye zina kiremwa-muntu mu maraso avuze.

³Muvugishwamana! Soma ivyo wahishuriwe muri Qor’ani, wizeye ko Imana yawe Rurema Allah ari Yo Mugiraneza-ntangere;

⁴Yigishije ibiremwa kwandika n’ikaramu;

⁵Yigishije kiremwa-muntu ivyo kitari kizi, Iraheza Igikura mu muzimagiza w’ubujuju Igishira mu muco w’ubumenyi.

⁶Si ivy’imbeshere ko umuntu yama yarenze ku mabwirizwa y’Imana Allah ku bwishime;

⁷Abitewe n'uko abonye yamaze kwikenura agatunga;

⁸Mu vy’ukuri uburuhukiro bwiwe, ni ku Mana yawe Rurema Allah, Izomuhembera ivyo yakoze.

⁹Mbega, warabonye igitangaje kurusha umuntu[1] aburabuza;

¹⁰Umuja[2] w’Imana Allah mu gihe ariko arasenga!

¹¹Mbega, ubona gute mu gihe uyo aburabuzwa ugusenga, yoba ari mu nzira igororotse!

¹²Canke akaba ariko arabwiriza gukora iciza c'igamburukiramana!

¹³Mbega, ubona gute mu gihe uyo aburabuza ugusenga, yoba ahakana ubutumwa, akagenza umugongo yirengagiza ukwemera Allah!

¹⁴Mbega, ntazi neza ko Imana Allah Ibona ivyo akora!

¹⁵Nateshwe ate, arahumba! Ni ukuri, ataretse kurwanya Intumwa, Tuzomufatira mu ruhanga, maze Tumujungunyire mu muriro;

¹⁶Uruhanga rw’umubeshi, umunyavyaha;

¹⁷Arahamagara rero abateramyi biwe baze bamutabare;

¹⁸Na Twe Allah, Tuzoheza Duhamagare abamalayika b’ibihangange “Al-Zabaaniya”;

¹⁹Ntumwa y’Imana! Nateshwe ate, arahumba mu kwibaza ko azoguturatuza. Ntukamwumvire ngo ureke gusenga, tsimbatara ku kwubamira Imana Allah, uheze ubandanye uyiyegereze unikundwakaze kuri Yo.