An-Nazi'at

¹1. Ibut ko di-i Nggagandur to­mukao (a manga Malaikat),

²2. Go so Puphamanonggos sa mananai,

³3. Go so Puphamanoron sa maga-an,

⁴4. Go so Puphamangonakona mona,

⁵5. Go so gi-i Thatandingan ko Sogowan (ka Pagoyagun kano dun);

⁶6. Si-i ko Alongan a Thambu­tambug so Phakatambug,

⁷7. A matondog sukaniyan o pha­katondog.

⁸8. So manga poso sa Alongan noto na ma-aluk,

⁹9. So manga kailai ron na Maka­susunong.

¹⁰10. Gi-i ran Tharo-on: Ba Mata­-an! A sukutano na khikasoi tano dun ko asal a butad (a kaoya­goyag)?

¹¹11. Ati apiya pun mabaloi tano a manga tolan a miyanga rorophod?

¹²12. Pitharo iran: A giyoto man na sa maoto na kapakakasoi a kalogi!

¹³13. Na giyoto na Satiman bo a Lalis,

¹⁴14. Na sa maoto na siran na matago siran ko liyawao o Lopa (a manga Oyagoyag).

¹⁵15. Ino a Miyakatalingoma Ruka so Totholan ko Musa?

¹⁶16. Gowani a itawag Rukaniyan o Kadnan Niyan si-i ko balintad a Soti a giya Towa:

¹⁷17. Songka ko Pir-aon, -Mata­ an! A sukaniyan na Miyangakowa­la,-

¹⁸18. Na Tharowangka: Ino kha­baya ka a Masoti ka?

¹⁹19. Go Manggonanao Akun suka ko Kadnan ka, na Makapananggi­laka.

²⁰20. Na Piyaki-ilai Niyan non so tanda a mala.

²¹21. Na Piyakambokhag iyan go Somiyangka,

²²22. Oriyan niyan na Tomiyali­khod a gi-i nggaga-an,

²³23. Na tominimo sa tao go Piya­kalangkap iyan,

²⁴24. Sa Pitharo iyan: Sakun i Kadnan niyo a Maporo.

²⁵25. Na ini danugon o Allah so siksa ko Mori, a go so Paganai.

²⁶26. Mata-an! A adun a matatago saya a titho a Thoma ko tao a Ma­alukun (ko Allah).

²⁷27. Ba sukano i marugun a adu­nun, antawaa so Langit? Pimbalai Niyan Sukaniyan:

²⁸28. Ini Poro lyan so kaporo iyan, go Pithaong lyan Phiyapiya,

²⁹29. Go Piyakalibotung Iyan so gagawi-i ron, go Piyakaliwanag lyan so daondao ron;

³⁰30. Go so Lopa ko oriyan noto na Kiyayat Iyan,

³¹31. Piyakambowat lyan non so ig rukaniyan, a go so manga Pangu­nungkun non;

³²32. Go so manga Palao na Piya­makabukun Niyan non,

³³33. Pagupur rukano a go so man­ga Ayam miyo.

³⁴34. Na amai ka Makatalingoma so khaolaola a mala,

³⁵35. Si-i ko Alongan a Katadu­man o Manosiya so Pinggolaola niyan,

³⁶36. Go payagun so Naraka Jahim ko phakailai ron.

³⁷37. Na so puman so tao a Miyan­gakowala,

³⁸38. Go miyatomo iyan so kaoya­ goyag sa doniya,

³⁹39. Na Mata-an! A so Naraka Jahim na giyoto i darpa iyan.

⁴⁰40. Na so puman so miyaluk sa ka Kha-adapa niyan ko Kadnan Niyan, go pininggun niyan a ginawa niyan ko kabaya a ribat.

⁴¹41. Na Mata-an! A so Sorga na giyoto i darpa iyan.

⁴²42. lpagisha iran Ruka so Bang­kit, o andai kaphakadongko iyan?

⁴³43. Na Bangka kiran noto Ka­phakisaboti?

⁴⁴44. Si-i bo ko Kadnan Ka so Khadansalan niyan.

⁴⁵45. Mata-an! A Suka na matag Ka Phamaka-iktiyar ko ma-aluk Rukaniyan.

⁴⁶46. Lagid o ba Mata-an a siran ko Alongan a kasandungi ranon na da-a minitarug iran (ko doniya) a rowar ko kagabi gabi o di na so kapita pita!