Al-Qiyamah

¹M na wẽen ne Yikrã raare.

²M na wẽen yεs ne yõor sẽn sãbsd a menga.

³Ninsaal tẽedame tɩ Tõnd pa na n tol n tigim a kõbã ye.

⁴Yaa sɩda, Tõnd tõeeme n tigim a nug-bi wã.

⁵Pa woto ye, ninsaal ratame n kell n tong ɑ wẽngrã n pɑ bɑsdẽ ye.

⁶A sokdame: wakat bʋg la Yikrã raare.

⁷Lak tɩ ninã sã n wa nodge.

⁸Tɩ kiuugã sobge.

⁹Tɩ b tigim wĩntoogã ne kiuugã.

¹⁰Raarã, ninsaal yetame: "Põsg zĩig bε?"

¹¹Tek woto! Lεbeng zĩig ka be ye.

¹²Lεbeng zĩig yaa fo Soabã nengẽ ra-kãng raare.

¹³B togsda ninsaal ra-kãng raarã a sẽn tʋm tɩ reng taoore, la a sẽn yaoole.

¹⁴Pa woto ye! Ninsaalã mii a mengã.

¹⁵Ba t'a wa ne a pademsã.

¹⁶Ra rãmb f zɩlemdã ne-a (Alkʋrãɑnɑ) n yãgd ne-a ye.

¹⁷Ad a tigingã (fo sũurã pʋgẽ) la a sẽn karemd to-to wã, roga Tõnd zugu.

¹⁸Rẽnd ɑ Gibriil sã n karemd-a bɩ f tũneg a kaorengã.

¹⁹Rẽ poorẽ, ad a vẽnegrã roga Tõnd zugu.

²⁰Pa woto ye! Yãmb nonga tʋʋllã (Dũni).

²¹La y basd yaoolmã (Laahre).

²²Nems n be n bʋgs raaren-kãng raarã.

²³N togl b Soabã n getẽ.

²⁴Nems yεs n weoog ra-kãng raarã.

²⁵N tẽed tɩ b na n tʋm-b-la lim-limi.

²⁶Pa woto ye! A (yõorã) sã n wa ta rɑgsendɑkẽ wã,

²⁷Tɩ b yeele: "ãnd la tɩpa n sõng-do?"

²⁸T'a bãng n wãag tɩ yaa welgr bala.

²⁹Tɩ kars kal tɑɑba(tɩ lebg pɑkre).

³⁰Fo Soabã nengẽ ra-kãng raarã la peeg n tʋg zĩigẽ.

³¹Lɑ ɑ pa kõ sɩda, a ka pʋʋs me.

³²La bala a yagsame la a gõd a kuidga.

³³Rẽ poorẽ a kẽnga a nebã nengẽ n gãeesdẽ.

³⁴Tall-fo, tɩ sõmba ne-fo.

³⁵Rẽ poorẽ tall-fo, sõmba ne-fo.

³⁶Ninsaal tẽedame tɩ b na n bas-a-la zaalem bala.

³⁷A ra pa yɩ bεrg n yaa mani n raagdẽ.

³⁸Rẽ poorẽ n yɩ zɩ-pelle t'A naan-ɑ n kõ-a ra-sãnde?

³⁹T'A naan sẽn tũ ne yẽ pʋgẽ buk a yiibã, raoa la paga.

⁴⁰Rẽ yĩnga Yẽnda pa yɩ n yaa Tõogd n na n vʋʋg kũ-rãmbã?