Adh-Dhariyat

¹M wẽen ne sob-fugds fugb tεkẽ!

²La ne sawat nins sẽn yong ne koomɑ!

³La ne kogend nins sẽn zoet mõgrẽ wã,tɩ yɑɑ yol-yole.

⁴La ne malεgs nins sẽn yaa yemsɑ yεlã pʋɩtba (ne Wẽnd sɑgelle).

⁵Ad b sẽn pʋlem yãmb bũmb ningã yaa sɩda.

⁶La bãng tɩ yemsɑ Yaoobã na n yɩɩme.

⁷La M wẽen ne saagã sẽn tar so-bugsã.

⁸Ad yãmb ɑ Mɑk rãmbɑ y bee goam pʋgẽ sẽn kɩɩsd taaba.

⁹Ned ning b sẽn wẽnems-a n yi sɩd-kũunɑ, yɑɑ b sẽn dɑ wẽng-ɑ soɑb Wẽnd minimã pʋgẽ, t'ɑ pɑ nɑ n kõ sɩd ye.

¹⁰B kãaba zĩrimbe-rãmbã beedo.

¹¹B rãmb nins sẽn be bõrb pʋgẽ n yaa yam yaal-yaal rãmba.

¹²B sokdame: "Rolbã raar yaa ra-bʋre?"

¹³Raar ning bãmb sẽn be Bugum zugu, tɩ b zarbd-ba.

¹⁴"Lemb-y yãmb nɑngã, yaa yãoã la bũmb ning yãmb sẽn da yɩ n yãgsd-ɑ wã".

¹⁵La ad wẽn-zoεtbã bee arzãn-rãmb la ko-nin pʋgẽ.

¹⁶B yaa sẽn reegd bũmb ning b Soabã sẽn kõ-ba; ad bãmb rɑ yɑɑ manegdb taoor tɩ wã pa wa.

¹⁷B ra yɩɩme n gõe bilf bal yʋng pʋgẽ.

¹⁸La tõd-beed me, bãmb kota yaafa.

¹⁹La bee bãmb arzεkã pʋgẽ bõaas pʋɩɩre, la b sẽn mong-a soab pʋɩɩre.

²⁰La tagmas-rãmb be tẽng zug ne bãng-n-wãak rãmba;

²¹La yãmb mensã me wɛɛngẽ. Yãmb pa tɑgsdẽ n getẽ?

²²La be saasẽ wã, yãmb rɩtlã, la bũmb ning b sẽn pʋlem yãmbã.

²³M wẽen ne saag la Tẽng Soabã, ad a yaa sɩd wala yãmb sẽn gomdã.

²⁴Rẽ yĩnga a ɭbraahɩɩm sãan-waglã yẽsg waa fo nengẽ?

²⁵Wakat ning b sẽn wa n kẽ a nengẽ n yeele: tɩlgre! T'a yeele:"yaa tɩlgre, yãmb yaa sãamba".

²⁶T'a zãndg n kẽng a zakã rãmb nengẽ n tɩ wa ne lul-nobdga.

²⁷N pẽneg-a nebã n yeele: "y pa na n rɩ?"

²⁸(Lɑ b sẽn pɑ rɩtã) ɑ yɑeesɑ me n solg-b a yaεεsgã, tɩ b yeele: "ra yaεεs ye"! La b noog a sũur ne biig sẽn yaa bãngda.

²⁹T'a pagã tool n kelem n wẽ a nengã n yeele: "pʋg-yãan-kiri!

³⁰Tɩ b yeele: ''yaa woto la fo Soabã yeel yã; ad Wẽnd la ɑ bʋʋd mita, n ya ɑ Bãngda''.

³¹T'a (ɭbraahɩɩm) yeele: ''yãmb wa n na n maana bõe? Yaa yãmb Tẽn-tʋʋmba!

³²Tɩ b yeele: "ad b tʋma tõnd tɩ d kẽng nin-wẽnsẽ''

³³Tɩ d tʋms b zug kug sẽn maan ne tãndo.

³⁴Sẽn ning tagmas fo Soabã nengẽ, mãan-n-zʋʋg rãmb yĩnga.

³⁵Tɩ Tõnd yiis ned ning sẽn ra be a (Tẽngã) pʋgẽ sẽn yaa muumin-rãmba.

³⁶La Tõnd pa mik a pʋgẽ, muumin-rãmb rẽnda zak a yembre.

³⁷La tõnd bas a pʋgẽ tagmase, neb nins sẽn yaεεsd naon-zabdgã yĩnga.

³⁸La a Muusa yellã pʋgẽ me, wakat ning Tõnd sẽn wa n tʋms-a a Fɩr-aoon nengẽ, ne yel-soalem sẽn vẽnege.

³⁹T'a balle n bɑs-bɑ n teeeg ɑ pãngã, n yeele: " ɑ Musɑ yɑɑ tɩɩm soaba, ma gãeenga,(n gomd ɑ sẽn pɑ mi)"

⁴⁰Tɩ Tõnd yõk-a ne a tãpã n fãeeg-b mogrã pʋgẽ, tɩ yẽnda yaa b sẽn sãbs-a soaba.

⁴¹La a Aad yellã pʋgẽ me yel-soalem b ebe, wakat ning Tõnd sẽn wa n tʋms b zugu, seb-kĩrã.

⁴²A pa basd bũmb a sẽn ta a zug rẽndame t'a maan-a t'a lebg wa bugdu.

⁴³La a Ṯamuud yellã pʋgẽ, wakat ninga b sẽn wa n yeel-ba: "wʋms-y noogo n tãag wakato"

⁴⁴Tɩ b maan n zʋʋg n yi b Soabã sagelle, tɩ sa-tãsrã rɩk bãmb tɩ bãmb getẽ.

⁴⁵La b pa tõog n yik ye, b pa yɩ n paam sõngr me ye.

⁴⁶La a Nuuh nebã hal pĩnda, ad bãmb yɩɩme n yaa tar-n-yi Dĩin rãmba.

⁴⁷La saagã, Tõnd me-a lame ne pãnga, la ad Tõnd yaa ɑ kɩrmsɑ yalgdba.

⁴⁸La Tẽngã, Tõnd tẽeg-a lame, t'ɑ sɑkd zĩigɑ, la ɑd Tõnd lɑ Yalgdb sẽn be neere.

⁴⁹La bũmb fãa Tõnd naana kõbg a yiibu, sãnd-sãnde yãmb na tags n gese.

⁵⁰Bɩ y zoe n kẽng Wẽnd nengẽ, ad maam, m yaa bugsd sẽn vẽneg ne yãmb n yi-a.

⁵¹La y ra maan soben-zẽng n lagem Wẽnd ye, ad maam, m yaa bugsd sẽn vẽneg ne yãmb n yi-A nɑngã.

⁵²Yaa woto bala, pa wa neb nins sẽn reng bãmb taoorã sẽn yaa tẽn-tʋʋma, rẽnda b yeele: "yaa tɩɩm soaba, ma gãeenga"

⁵³Rẽ yĩnga b sagenda taab ne-a-la (b sẽn yetã)? Pa woto ye, ad bãmb yaa neb sẽn yaa maan-n-zʋʋg rãmba.

⁵⁴Bɩ f ball n bas-b tɩ fo pa yɩ n yaa b sẽn sãbs-a soab ye.

⁵⁵La tẽeg tɩ ad tẽegrã nafda sɩd-kõtba.

⁵⁶La Mam pa naan zĩn-dãmbã la ninsaalbã, rẽnda b na tũ Maam yĩnga.

⁵⁷Mam pa rat rɩtl buud b nengẽ, M pa rat tɩ b rɩlg-M me ye.

⁵⁸Ad Wẽnde, Yẽ la rɩlgr Naaba, n yaa pãn-kεgeng Soaba.

⁵⁹La be ne neb nins sẽn wẽg-bã, naong pʋɩɩre, wala bãmb tũud-n-taasã pʋɩɩr bilgri, bɩ b ra yãg ye.

⁶⁰Rẽnd wɩɩbd be ne sẽn kɩfl-bã, bãmb raar ning b sẽn pʋlem-bã.