Ash-Shams

¹1. Се колнам во Сонцето и во светлината негова,

²2. и во Месечината која го следи,

³3. и во денот кога ќе го раздени,

⁴4. и во ноќта кога ќе го засолни.

⁵5. И во небото и во Тој што го крена,

⁶6. и во Земјата и во Тој што ја направи пространа,

⁷7. и во душата и во Тој што ја создаде,

⁸8. па патот на доброто и патот на злото сфатливи ѝ ги стори.

⁹9. Ќе успее само тој што ќе ја исчисти,

¹⁰10. а ќе биде изгубен тој што ќе ја извалка!

¹¹11. Семуд поради насилството свое негираше,

¹²12. кога еден несреќник меѓу нив се појави,

¹³13. па Аллаховиот пратеник им довикна: „Грижете се за камилата Божја и за времето кога таа треба да пие!“

¹⁴14. Но, не му поверуваа, туку ја заклаа. А Господарот нивен заради гревовите нивни ги уништи и до последен ги истреби,

¹⁵15. не стравувајќи за последиците поради тоа!