البينة
The Clear Proof • 8 ayahs • Medinan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Da maaden kanu silan antu a namedsupak ebpun kanu kigkuwan sa kitab (Yahudi endu Nasrani) endu su manga panakutu i kinaumpalak, ya tabya na kinatingguma sa kanilan u Bayyinah (su kinasugu kani Muhammad a nadtapikin su Qur'an).
2Sinugu a ganat sa Allah a pembatiyan nin i manga kitab a suti.
3Aden kanu entuba i manga kitab a manga matidtu.
4Na endu da sabapan a kinaumpalak u manga inenggan sa kitab (Yahudi endu Nasrani) ya tabya na kanu uliyan u kinawma sa kanilan u Bayyinah (si Muhammad endu su Qur'an).
5Nandu dala sinuguwan sa kanilan ya tabya na simban nilan su Allah sa ikhlasen nilan sa lekanin su agama a matidtu endu itindeg ilan su sambayang endu inggay nilan su zakat, entuba su agama a ustu.
6Saben-sabenal a silan a manga sinumupak a kigkwan kanu manga kitab (Yahud endu Nasrani) endu su manga balasakutu na siya silan sa naraka jahannam sa tanityasa. Silan bantu su labi i kawagin a pinamaluy.
7Saben-sabenal a su silan a namalitiyaya endu minggalebek sa mapya na silan ba antu su pinakamapya a pinamaluy.
8Ya nilan balas kanu Kadenan (Allah) nilan na surga ad’n, sa kanu kababan nin na pelagilay a lawas a ig sa tanityasa silan lu ba, nalilinyan silan nu Allah endu nalilinyan nilan su Allah, entuba na kanu entayn i inikagilekin su Kadenan nin.