Al-'Ankabut

العنكبوت

The Spider • 69 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

الٓمٓ﴿١﴾

1Alif-Laam-Meem (su Allah i mataw kanu ma'na nin).

أَحَسِبَ ٱلنَّاسُ أَن يُتۡرَكُوٓاْ أَن يَقُولُوٓاْ ءَامَنَّا وَهُمۡ لَا يُفۡتَنُونَ﴿٢﴾

2Antapan nu taw i da den manggula nin (sya sa dunya) amayka nangimbenal den sa di den mafitna.

وَلَقَدۡ فَتَنَّا ٱلَّذِينَ مِن قَبۡلِهِمۡۖ فَلَيَعۡلَمَنَّ ٱللَّهُ ٱلَّذِينَ صَدَقُواْ وَلَيَعۡلَمَنَّ ٱلۡكَٰذِبِينَ﴿٣﴾

3Na saben-sabenal a binatalu nami su nawna sa kanilan, sabap sa endu katawan i benal (a bangimbenal) endu katawan su malbut.

أَمۡ حَسِبَ ٱلَّذِينَ يَعۡمَلُونَ ٱلسَّيِّـَٔاتِ أَن يَسۡبِقُونَاۚ سَآءَ مَا يَحۡكُمُونَ﴿٤﴾

4Ga-antap nu manga taw a panggalebek sa manga malat i makapalaguy silan sa lekami, na ngin den a kawagan nin a antapan.

مَن كَانَ يَرۡجُواْ لِقَآءَ ٱللَّهِ فَإِنَّ أَجَلَ ٱللَّهِ لَأٓتٖۚ وَهُوَ ٱلسَّمِيعُ ٱلۡعَلِيمُ﴿٥﴾

5Su taw a bagingarap sa kabaratemu sa Allah na su ajal (lumpakan) na makawma endu sekanin (Allah) i pakakineg endu mataw.

وَمَن جَٰهَدَ فَإِنَّمَا يُجَٰهِدُ لِنَفۡسِهِۦٓۚ إِنَّ ٱللَّهَ لَغَنِيٌّ عَنِ ٱلۡعَٰلَمِينَ﴿٦﴾

6Endu su taw a minjihad na ginawa nin i pinjihadanin, su Allah na kawasa kanu langun na dunya.

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُكَفِّرَنَّ عَنۡهُمۡ سَيِّـَٔاتِهِمۡ وَلَنَجۡزِيَنَّهُمۡ أَحۡسَنَ ٱلَّذِي كَانُواْ يَعۡمَلُونَ﴿٧﴾

7Endu su manga taw a nangimbenal endu minggalebek sa manga mapya na punasen nami su kawagan nilan endu balasan nami silan sa ya pan mapya kanu galebekan ilan (a mapya sya sa dunya).

وَوَصَّيۡنَا ٱلۡإِنسَٰنَ بِوَٰلِدَيۡهِ حُسۡنٗاۖ وَإِن جَٰهَدَاكَ لِتُشۡرِكَ بِي مَا لَيۡسَ لَكَ بِهِۦ عِلۡمٞ فَلَا تُطِعۡهُمَآۚ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ﴿٨﴾

8Inibpalyugat nami kanu manusya i kabpya-pya sa duwa a lukes, endu u pegesen kanu nilan sa kasakutu sa laki sa da sa leka su ilmu lun, na di ka pagunuti, ka sya kanu bun makawli sa laki (Allah) na balasan ku sekanu kanu manga galebekan nu.

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُدۡخِلَنَّهُمۡ فِي ٱلصَّٰلِحِينَ﴿٩﴾

9Endu su manga taw a manga bamaginugut a minggalebek sa mapya na paludepen nami silan kanu manga taw a manga mapya.

وَمِنَ ٱلنَّاسِ مَن يَقُولُ ءَامَنَّا بِٱللَّهِ فَإِذَآ أُوذِيَ فِي ٱللَّهِ جَعَلَ فِتۡنَةَ ٱلنَّاسِ كَعَذَابِ ٱللَّهِۖ وَلَئِن جَآءَ نَصۡرٞ مِّن رَّبِّكَ لَيَقُولُنَّ إِنَّا كُنَّا مَعَكُمۡۚ أَوَلَيۡسَ ٱللَّهُ بِأَعۡلَمَ بِمَا فِي صُدُورِ ٱلۡعَٰلَمِينَ﴿١٠﴾

10Endu kaped kanu manga taw i nadtalu nilan: nangimbenal aku sa Allah, na amayka pakapasangan silan (nu manga kafir) sa kanu inugut nilan sa Allah na baluyn nilan su fitna nu manga taw (a kafir) sa mana siksa nu Allah (apya ngin i suguwan na maginugut sabap kanu katalaw), na amayka nakawma i tabang nu Allah na tig nilan: sekitanu bun, su Allah na katawan nin su dalem nu pamusunugan nu taw na dunya.

وَلَيَعۡلَمَنَّ ٱللَّهُ ٱلَّذِينَ ءَامَنُواْ وَلَيَعۡلَمَنَّ ٱلۡمُنَٰفِقِينَ﴿١١﴾

11Endu katawan nu Allah su bangimbenal endu su manga munafiq.

وَقَالَ ٱلَّذِينَ كَفَرُواْ لِلَّذِينَ ءَامَنُواْ ٱتَّبِعُواْ سَبِيلَنَا وَلۡنَحۡمِلۡ خَطَٰيَٰكُمۡ وَمَا هُم بِحَٰمِلِينَ مِنۡ خَطَٰيَٰهُم مِّن شَيۡءٍۖ إِنَّهُمۡ لَكَٰذِبُونَ﴿١٢﴾

12Endu pidtalu nu manga kafir kanu manga mu'min: unuti nu i lekami a lalan ka pangakun nami i kadusan nu, na dala sa kanilan (manga kafir) i mapangaku nilan i kadusan nu manga bamaginugut apya paydu kagina silan na midtadtab i kalbut nilan.

وَلَيَحۡمِلُنَّ أَثۡقَالَهُمۡ وَأَثۡقَالٗا مَّعَ أَثۡقَالِهِمۡۖ وَلَيُسۡـَٔلُنَّ يَوۡمَ ٱلۡقِيَٰمَةِ عَمَّا كَانُواْ يَفۡتَرُونَ﴿١٣﴾

13Endu manggumaked nilan i kadusan nilan endu su kadusan nilan sa kapendalbut nilan endu makaidsa sa kanilan sa gay a mawli su ipedtebu nilan (salta su siksa).

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَلَبِثَ فِيهِمۡ أَلۡفَ سَنَةٍ إِلَّا خَمۡسِينَ عَامٗا فَأَخَذَهُمُ ٱلطُّوفَانُ وَهُمۡ ظَٰلِمُونَ﴿١٤﴾

14Endu saben-sabenal a sinugu nami si Nuh lu kanu manga taw nin sa nakadtangen kanilan su (Nuh) sa naka-siyaw gatus endu lima pulu lagun, na tinyuba nami su taw nin sa kadalem kagina silan a manga kafir.

فَأَنجَيۡنَٰهُ وَأَصۡحَٰبَ ٱلسَّفِينَةِ وَجَعَلۡنَٰهَآ ءَايَةٗ لِّلۡعَٰلَمِينَ﴿١٥﴾

15Linepas nami sekanin (Nuh) endu su manga tagapeda nin lu kanu awang endu binaluy nami a tanda (na kapegkagaga) nu Allah kanu taw na dunya.

وَإِبۡرَٰهِيمَ إِذۡ قَالَ لِقَوۡمِهِ ٱعۡبُدُواْ ٱللَّهَ وَٱتَّقُوهُۖ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ﴿١٦﴾

16Endu su Ibrahim, pidtalu nin kanu manga taw nin: simba nu su Allah endu ikagilek nu ka entuba i mapya endu makagkapya sa lekanu amayka katawan nu.

إِنَّمَا تَعۡبُدُونَ مِن دُونِ ٱللَّهِ أَوۡثَٰنٗا وَتَخۡلُقُونَ إِفۡكًاۚ إِنَّ ٱلَّذِينَ تَعۡبُدُونَ مِن دُونِ ٱللَّهِ لَا يَمۡلِكُونَ لَكُمۡ رِزۡقٗا فَٱبۡتَغُواْ عِندَ ٱللَّهِ ٱلرِّزۡقَ وَٱعۡبُدُوهُ وَٱشۡكُرُواْ لَهُۥٓۖ إِلَيۡهِ تُرۡجَعُونَ﴿١٧﴾

17Ya nu pedsimban na salakaw sa Allah a manga barahala endu bangumbal kanu sa kalbutan, pedsimban nu ba nan a salakaw sa Allah na dala kamilikan nin (magaga nin) sa lekanu a rizki, lu kanu pangeni sa Allah sa rizki endu simba nu endu edsukuri nu ka lu kanu bun makambalingan sa lekanin.

وَإِن تُكَذِّبُواْ فَقَدۡ كَذَّبَ أُمَمٞ مِّن قَبۡلِكُمۡۖ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ﴿١٨﴾

18Amayka pandalbuten ka nilan na pinandalbut bun su nawna sa lekanu endu dala kanu sinugu ya tabya na kapedsampay bu sa mapayag (kanu manga taw).

أَوَلَمۡ يَرَوۡاْ كَيۡفَ يُبۡدِئُ ٱللَّهُ ٱلۡخَلۡقَ ثُمَّ يُعِيدُهُۥٓۚ إِنَّ ذَٰلِكَ عَلَى ٱللَّهِ يَسِيرٞ﴿١٩﴾

19Ngintu da nu katawi u panun i kabpagebpun nu Allah sa kabpamaluy nin, mawli na pauliten nin sa ulyan na kapatay, malemu gayd (intu) sa kanu Allah.

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ بَدَأَ ٱلۡخَلۡقَۚ ثُمَّ ٱللَّهُ يُنشِئُ ٱلنَّشۡأَةَ ٱلۡأٓخِرَةَۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ﴿٢٠﴾

20Edtalu ka sa kanilan (Muhammad): lakaw kanu sa lupa ka edsuliman nu i kabpagebpun nu Allah kanu binaluy nin, su Allah bun i pabpagiseg endu papembatun sa ulyan na kapatay, ka kagaga nin i langun na enggaga-isa.

يُعَذِّبُ مَن يَشَآءُ وَيَرۡحَمُ مَن يَشَآءُۖ وَإِلَيۡهِ تُقۡلَبُونَ﴿٢١﴾

21Siksan nin i magkahanda nin endu ikalimu nin i magkahanda nin endu lu bun sa lekanin i kadsunudan.

وَمَآ أَنتُم بِمُعۡجِزِينَ فِي ٱلۡأَرۡضِ وَلَا فِي ٱلسَّمَآءِۖ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ﴿٢٢﴾

22Endu da sa Allah i makalipus kanu sya sa lupa endu sya sa langit endu dala sa lekanu i salakaw sa Allah a makatuganul endu makadtabang (sa lekanu).

وَٱلَّذِينَ كَفَرُواْ بِـَٔايَٰتِ ٱللَّهِ وَلِقَآئِهِۦٓ أُوْلَٰٓئِكَ يَئِسُواْ مِن رَّحۡمَتِي وَأُوْلَٰٓئِكَ لَهُمۡ عَذَابٌ أَلِيمٞ﴿٢٣﴾

23Endu su pigkafiran nin su manga ayatan nu Allah endu su kabaratemu sa lekanin (Allah) na entuba na natebped i nanam in sa limu ku (Allah) endu sa kanilan i siksa a sangat i kasakit nin.

فَمَا كَانَ جَوَابَ قَوۡمِهِۦٓ إِلَّآ أَن قَالُواْ ٱقۡتُلُوهُ أَوۡ حَرِّقُوهُ فَأَنجَىٰهُ ٱللَّهُ مِنَ ٱلنَّارِۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ﴿٢٤﴾

24Na da inisumpat nu manga taw ni (Ibrahim) ya tabya na: bunu nu ataw ka tutung nu, na linepas nu Allah (si Ibrahim) ebpun kanu apuy, na nakadalem lu ba su tanda a kapegkagaga nu Allah kanu manga taw a nangimbenal.

وَقَالَ إِنَّمَا ٱتَّخَذۡتُم مِّن دُونِ ٱللَّهِ أَوۡثَٰنٗا مَّوَدَّةَ بَيۡنِكُمۡ فِي ٱلۡحَيَوٰةِ ٱلدُّنۡيَاۖ ثُمَّ يَوۡمَ ٱلۡقِيَٰمَةِ يَكۡفُرُ بَعۡضُكُم بِبَعۡضٖ وَيَلۡعَنُ بَعۡضُكُم بَعۡضٗا وَمَأۡوَىٰكُمُ ٱلنَّارُ وَمَا لَكُم مِّن نَّٰصِرِينَ﴿٢٥﴾

25Endu pidtalu ni (Ibrahim): minumbal kanu sa salakaw sa Allah a barahala a kapegkalimu nu i kapedsimba nu lun sa kabpaguyag sa dunya, mawli na lu sa gay a mawli na ebpapalawa kanu endu ipinta nu isa su ped nin, na ya bun tanan kadtakenan na apuy endu dala makadtabang sa lekanu.

۞ فَـَٔامَنَ لَهُۥ لُوطٞۘ وَقَالَ إِنِّي مُهَاجِرٌ إِلَىٰ رَبِّيٓۖ إِنَّهُۥ هُوَ ٱلۡعَزِيزُ ٱلۡحَكِيمُ﴿٢٦﴾

26Ya nangimbenal sa lekanin (Ibrahim) na su Lut endu pidtalu nin (Ibrahim) na lu aku den lemumping sa kanu Kadenan ku, ka sekanin i mapulu a mataw.

وَوَهَبۡنَا لَهُۥٓ إِسۡحَٰقَ وَيَعۡقُوبَ وَجَعَلۡنَا فِي ذُرِّيَّتِهِ ٱلنُّبُوَّةَ وَٱلۡكِتَٰبَ وَءَاتَيۡنَٰهُ أَجۡرَهُۥ فِي ٱلدُّنۡيَاۖ وَإِنَّهُۥ فِي ٱلۡأٓخِرَةِ لَمِنَ ٱلصَّٰلِحِينَ﴿٢٧﴾

27Endu pinamawli a taw nami (kanu Ibrahim) si Ishaq endu si Ya'kub, endu binaluy nami kanu mawli a taw nin i ka-nabi endu su kitab (Taurat-Injil) endu inenggay nami sa lekanin i balas nin sa dunya endu sekanin lu sa gay a mawli na kuyug kanu manga saalihin.

وَلُوطًا إِذۡ قَالَ لِقَوۡمِهِۦٓ إِنَّكُمۡ لَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ﴿٢٨﴾

28Endu su Lut na pidtalu nin kanu manga taw nin: sekanu na ya nu bu penggulan na maledsik, da minggula lun apya isa bu kanu manga taw a nangawna sa lekanu.

أَئِنَّكُمۡ لَتَأۡتُونَ ٱلرِّجَالَ وَتَقۡطَعُونَ ٱلسَّبِيلَ وَتَأۡتُونَ فِي نَادِيكُمُ ٱلۡمُنكَرَۖ فَمَا كَانَ جَوَابَ قَوۡمِهِۦٓ إِلَّآ أَن قَالُواْ ٱئۡتِنَا بِعَذَابِ ٱللَّهِ إِن كُنتَ مِنَ ٱلصَّٰدِقِينَ﴿٢٩﴾

29Nginan ka ya pegkaluman nu mama na mama bun endu bagayan kanu sa pedsagad a pegkaluman nu endu aden pan kadupangan nu lu kanu gabuligan nu, na ya bu pidtalu nu taw nin: pasya ka sa lekami siksa nu Kadenan nengka a pedtalun nengka amayka benal ka.

قَالَ رَبِّ ٱنصُرۡنِي عَلَى ٱلۡقَوۡمِ ٱلۡمُفۡسِدِينَ﴿٣٠﴾

30Tig nu (Lut): kadenan ku tabangi aku kanu manga taw a baminasa.

وَلَمَّا جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُوٓاْ إِنَّا مُهۡلِكُوٓاْ أَهۡلِ هَٰذِهِ ٱلۡقَرۡيَةِۖ إِنَّ أَهۡلَهَا كَانُواْ ظَٰلِمِينَ﴿٣١﴾

31Guna makawma kani Ibrahim su manga sinugu (malaikat) sa makapya sa ginawa, na tig nilan: pembinasan nami i manga taw na nya ba a dalpa kagina su taw nin na manga dupang.

قَالَ إِنَّ فِيهَا لُوطٗاۚ قَالُواْ نَحۡنُ أَعۡلَمُ بِمَن فِيهَاۖ لَنُنَجِّيَنَّهُۥ وَأَهۡلَهُۥٓ إِلَّا ٱمۡرَأَتَهُۥ كَانَتۡ مِنَ ٱلۡغَٰبِرِينَ﴿٣٢﴾

32Tig nu (Ibrahim): si Lut! Tig nu sinugu (malaikat): katawan ami i taw na dalpa, lepasen nami sekanin endu su tagapeda nin ya tabya na su kaluma nin ka makamung mabinasa.

وَلَمَّآ أَن جَآءَتۡ رُسُلُنَا لُوطٗا سِيٓءَ بِهِمۡ وَضَاقَ بِهِمۡ ذَرۡعٗاۖ وَقَالُواْ لَا تَخَفۡ وَلَا تَحۡزَنۡ إِنَّا مُنَجُّوكَ وَأَهۡلَكَ إِلَّا ٱمۡرَأَتَكَ كَانَتۡ مِنَ ٱلۡغَٰبِرِينَ﴿٣٣﴾

33Guna makawma su sinugu (malaikat) kani Lut a palas na manga mama a manga mapya, nalidu i ginawa nin (Lut) na dala mundula sukat nin, pidtalu nu manga sinugu (malaikat): da ka kagilek endu di ka pakalidu i ginawa nengka ka lepasen nami seka endu su tagapeda nengka ya tabya na si kaluma nengka ka makamung mabinasa.

إِنَّا مُنزِلُونَ عَلَىٰٓ أَهۡلِ هَٰذِهِ ٱلۡقَرۡيَةِ رِجۡزٗا مِّنَ ٱلسَّمَآءِ بِمَا كَانُواْ يَفۡسُقُونَ﴿٣٤﴾

34Ipedtulun nami kanu taw nu nya a dalpa i siksa ebpun sa langit sabap sa kinalyu nilan sa kumpasan.

وَلَقَد تَّرَكۡنَا مِنۡهَآ ءَايَةَۢ بَيِّنَةٗ لِّقَوۡمٖ يَعۡقِلُونَ﴿٣٥﴾

35Endu saben-sabenal a tinagak nami kanu dalpa i tanda a mapayag sa kinabinasan nu dalpa kanu manga taw ka endu mapamikir.

وَإِلَىٰ مَدۡيَنَ أَخَاهُمۡ شُعَيۡبٗا فَقَالَ يَٰقَوۡمِ ٱعۡبُدُواْ ٱللَّهَ وَٱرۡجُواْ ٱلۡيَوۡمَ ٱلۡأٓخِرَ وَلَا تَعۡثَوۡاْ فِي ٱلۡأَرۡضِ مُفۡسِدِينَ﴿٣٦﴾

36Endu nakawma kanu Madian su suled nilan a si Shu'aib sa yanin pidtalu: simba nu su Allah endu pagingarap nu su gay a mawli endu da kanu penggula sya sa lupa sa baminasa kanu.

فَكَذَّبُوهُ فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ﴿٣٧﴾

37Na pinandalbut nu taw nin, tinyuba silan sa linug a nabaluy silan kanu dalpa nilan sa nagaw.

وَعَادٗا وَثَمُودَاْ وَقَد تَّبَيَّنَ لَكُم مِّن مَّسَٰكِنِهِمۡۖ وَزَيَّنَ لَهُمُ ٱلشَّيۡطَٰنُ أَعۡمَٰلَهُمۡ فَصَدَّهُمۡ عَنِ ٱلسَّبِيلِ وَكَانُواْ مُسۡتَبۡصِرِينَ﴿٣٨﴾

38Endu (bininasa nami) si Aad endu si Thamud endu napayag bun sa lekanu a manga taw su dalpa nilan (su nabpalas nin), endu sinasat na shaytan kanu manga galebek nilan, sinapalan nin silan kanu agama endu lalan a benal endu silan a manga taw na mawngangen (ugayd na ya migkasla na kamamasla).

وَقَٰرُونَ وَفِرۡعَوۡنَ وَهَٰمَٰنَۖ وَلَقَدۡ جَآءَهُم مُّوسَىٰ بِٱلۡبَيِّنَٰتِ فَٱسۡتَكۡبَرُواْ فِي ٱلۡأَرۡضِ وَمَا كَانُواْ سَٰبِقِينَ﴿٣٩﴾

39Endu su Qarun endu su Fir’awn endu su Haman endu saben-sabenal a nakawma sa kanilan su Musa sa manga mapayag a tanda na pimamaselan nilan sya kanu dalpa, na dala silan malepas kanu siksa nu Allah.

فَكُلًّا أَخَذۡنَا بِذَنۢبِهِۦۖ فَمِنۡهُم مَّنۡ أَرۡسَلۡنَا عَلَيۡهِ حَاصِبٗا وَمِنۡهُم مَّنۡ أَخَذَتۡهُ ٱلصَّيۡحَةُ وَمِنۡهُم مَّنۡ خَسَفۡنَا بِهِ ٱلۡأَرۡضَ وَمِنۡهُم مَّنۡ أَغۡرَقۡنَاۚ وَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ﴿٤٠﴾

40Uman isa na tinyuba nami sa kanu kadusan in, aden sa kanilan i pinasuguwan nami sa ulan a watu, aden bun sa kanilan i tinyuba sa kilat endu aden bun kanilan i tinampulan nami sa lupa endu aden bun kanilan i pinageled ami, di kena su Allah i salimbuten, su ginawa nu bun i salimbuten.

مَثَلُ ٱلَّذِينَ ٱتَّخَذُواْ مِن دُونِ ٱللَّهِ أَوۡلِيَآءَ كَمَثَلِ ٱلۡعَنكَبُوتِ ٱتَّخَذَتۡ بَيۡتٗاۖ وَإِنَّ أَوۡهَنَ ٱلۡبُيُوتِ لَبَيۡتُ ٱلۡعَنكَبُوتِۚ لَوۡ كَانُواْ يَعۡلَمُونَ﴿٤١﴾

41Ini-upama su silan a bamaluy sa salakaw sa Allah a pedsaligan sa mana upama na lawa-lawa a bagumbal sa walay nin na saben-sabenal su walay na lawa-lawa na namba i malubay a benal u mana bu ka gatawan nilan.

إِنَّ ٱللَّهَ يَعۡلَمُ مَا يَدۡعُونَ مِن دُونِهِۦ مِن شَيۡءٖۚ وَهُوَ ٱلۡعَزِيزُ ٱلۡحَكِيمُ﴿٤٢﴾

42Saben-sabenal su Allah na katawan nin su bangenyan nilan a salakaw sa lekanin (Allah) endu sekanin (Allah) i mapulu a mataw.

وَتِلۡكَ ٱلۡأَمۡثَٰلُ نَضۡرِبُهَا لِلنَّاسِۖ وَمَا يَعۡقِلُهَآ إِلَّا ٱلۡعَٰلِمُونَ﴿٤٣﴾

43Nya ba a manga upaman na sunggilingan kanu manga taw, dala makadsuliman kanu namba (upaman) ya tabya na su migkataw.

خَلَقَ ٱللَّهُ ٱلسَّمَٰوَٰتِ وَٱلۡأَرۡضَ بِٱلۡحَقِّۚ إِنَّ فِي ذَٰلِكَ لَأٓيَةٗ لِّلۡمُؤۡمِنِينَ﴿٤٤﴾

44Binaluy nu Allah su manga langit endu su lupa sa haqq, saben-sabenal a nakadalem kanu namba i tanda (kapegkagaga) sya kanu manga bamamaginugut.

ٱتۡلُ مَآ أُوحِيَ إِلَيۡكَ مِنَ ٱلۡكِتَٰبِ وَأَقِمِ ٱلصَّلَوٰةَۖ إِنَّ ٱلصَّلَوٰةَ تَنۡهَىٰ عَنِ ٱلۡفَحۡشَآءِ وَٱلۡمُنكَرِۗ وَلَذِكۡرُ ٱللَّهِ أَكۡبَرُۗ وَٱللَّهُ يَعۡلَمُ مَا تَصۡنَعُونَ﴿٤٥﴾

45Batya ka (Muhammad) su ini-wahi nami sa leka a kitab (Qur’an) endu edsambayang ka, su sambayang i makasapal sa maledsik a galebek endu su manga supak, endu ya masla i tadem nu Allah endu katawan nin i galebekan nu.

۞ وَلَا تُجَٰدِلُوٓاْ أَهۡلَ ٱلۡكِتَٰبِ إِلَّا بِٱلَّتِي هِيَ أَحۡسَنُ إِلَّا ٱلَّذِينَ ظَلَمُواْ مِنۡهُمۡۖ وَقُولُوٓاْ ءَامَنَّا بِٱلَّذِيٓ أُنزِلَ إِلَيۡنَا وَأُنزِلَ إِلَيۡكُمۡ وَإِلَٰهُنَا وَإِلَٰهُكُمۡ وَٰحِدٞ وَنَحۡنُ لَهُۥ مُسۡلِمُونَ﴿٤٦﴾

46Di nu ibpalawa su aden kitab nin (Yahudi-Nasrani) ya tabya na ukit a mapya ya tabya na su pedsangka, endu edtalu nu: pinangimbenal nami su nakatulun sa lekami endu su initulun sa lekanu, endu Kadenan nami na Kadenan nu bun a isatiman bu, endu lu kami sinemangkup sa lekanin a Allah.

وَكَذَٰلِكَ أَنزَلۡنَآ إِلَيۡكَ ٱلۡكِتَٰبَۚ فَٱلَّذِينَ ءَاتَيۡنَٰهُمُ ٱلۡكِتَٰبَ يُؤۡمِنُونَ بِهِۦۖ وَمِنۡ هَٰٓؤُلَآءِ مَن يُؤۡمِنُ بِهِۦۚ وَمَا يَجۡحَدُ بِـَٔايَٰتِنَآ إِلَّا ٱلۡكَٰفِرُونَ﴿٤٧﴾

47Endu mamba i kinapatulun kanu nawna (kitab) sa kinapatulun nami sa leka sa kitab (Qur’an), su inenggan ami sa kitab na bangimbenalen nilan, endu su kaped kanu manga Arab i bangimbenal endu dala sumangka sa manga ayatan nami a salakaw kanu manga kafir.

وَمَا كُنتَ تَتۡلُواْ مِن قَبۡلِهِۦ مِن كِتَٰبٖ وَلَا تَخُطُّهُۥ بِيَمِينِكَۖ إِذٗا لَّٱرۡتَابَ ٱلۡمُبۡطِلُونَ﴿٤٨﴾

48Endu da gabatya nengka (Muhammad) a kitab sa da pan makatulun sa leka su Qur’an, endu da pakasulat a lima nengka a kawanan, ka labi den i kanduwa-duwa nu manga taw a di pedtalima sa Qur’an.

بَلۡ هُوَ ءَايَٰتُۢ بَيِّنَٰتٞ فِي صُدُورِ ٱلَّذِينَ أُوتُواْ ٱلۡعِلۡمَۚ وَمَا يَجۡحَدُ بِـَٔايَٰتِنَآ إِلَّا ٱلظَّٰلِمُونَ﴿٤٩﴾

49Ugayd na su Qur’an na manga ayatan a mapayag sya kanu manga atay nu aden ilmu nin endu da sumangka kanu manga ayat ami ya tabya su manga salimbuten.

وَقَالُواْ لَوۡلَآ أُنزِلَ عَلَيۡهِ ءَايَٰتٞ مِّن رَّبِّهِۦۚ قُلۡ إِنَّمَا ٱلۡأٓيَٰتُ عِندَ ٱللَّهِ وَإِنَّمَآ أَنَا۠ نَذِيرٞ مُّبِينٌ﴿٥٠﴾

50Endu pidtalu nilan: u namba ka nakatulun sa lekanin (Muhammad) i manga tanda a benal, edtalu ka sa kanilan i manga tanda na lu sa Allah, saki na pedsampay bu a mapayag.

أَوَلَمۡ يَكۡفِهِمۡ أَنَّآ أَنزَلۡنَا عَلَيۡكَ ٱلۡكِتَٰبَ يُتۡلَىٰ عَلَيۡهِمۡۚ إِنَّ فِي ذَٰلِكَ لَرَحۡمَةٗ وَذِكۡرَىٰ لِقَوۡمٖ يُؤۡمِنُونَ﴿٥١﴾

51Ngintu di pan kasaligan a tanda i initulun nami sa leka su Qur’an a pembatyan sa kanilan? Nakadalem samba su limu endu indawan ataw ka tadem kanu manga taw a bamaginugut.

قُلۡ كَفَىٰ بِٱللَّهِ بَيۡنِي وَبَيۡنَكُمۡ شَهِيدٗاۖ يَعۡلَمُ مَا فِي ٱلسَّمَٰوَٰتِ وَٱلۡأَرۡضِۗ وَٱلَّذِينَ ءَامَنُواْ بِٱلۡبَٰطِلِ وَكَفَرُواْ بِٱللَّهِ أُوْلَٰٓئِكَ هُمُ ٱلۡخَٰسِرُونَ﴿٥٢﴾

52Edtalu ka (Muhammad): su Allah bu i saksi tanu, katawan nin i dalem nu pitu lapis a langit endu lupa, endu su manga taw a ya nilan pinangimbenal na batil endu pigkafiran nilan su Allah na silan i manga taw a nangalugi.

وَيَسۡتَعۡجِلُونَكَ بِٱلۡعَذَابِ وَلَوۡلَآ أَجَلٞ مُّسَمّٗى لَّجَآءَهُمُ ٱلۡعَذَابُۚ وَلَيَأۡتِيَنَّهُم بَغۡتَةٗ وَهُمۡ لَا يَشۡعُرُونَ﴿٥٣﴾

53Endu pinangeni nilan sa leka i enggaganan i siksa nilan, na u di kena bu aden ukul nin a napasad na makawma den sa kanilan endu di ebplis man i kawma nin sa kanilan sa makatekaw sa di nilan magedam.

يَسۡتَعۡجِلُونَكَ بِٱلۡعَذَابِ وَإِنَّ جَهَنَّمَ لَمُحِيطَةُۢ بِٱلۡكَٰفِرِينَ﴿٥٤﴾

54Endu papedtagadan nilan sa leka su siksa, na saben- sabenal na jahannam na langkap den kanu manga kafir.

يَوۡمَ يَغۡشَىٰهُمُ ٱلۡعَذَابُ مِن فَوۡقِهِمۡ وَمِن تَحۡتِ أَرۡجُلِهِمۡ وَيَقُولُ ذُوقُواْ مَا كُنتُمۡ تَعۡمَلُونَ﴿٥٥﴾

55Su gay a madsagup nilan su siksa ebpun sa pulu nilan endu ebpun kanu kababan nu ay nilan endu edtalun nu pembantay: nanami nu su lalaw nu penggalebeken nu (lu sa dunya).

يَٰعِبَادِيَ ٱلَّذِينَ ءَامَنُوٓاْ إِنَّ أَرۡضِي وَٰسِعَةٞ فَإِيَّٰيَ فَٱعۡبُدُونِ﴿٥٦﴾

56Sekanu a manga ulipen ku a nangimbenal, su lupa ku na mawlad, saki nu i simba.

كُلُّ نَفۡسٖ ذَآئِقَةُ ٱلۡمَوۡتِۖ ثُمَّ إِلَيۡنَا تُرۡجَعُونَ﴿٥٧﴾

57Uman isa na makananam sa kapatay, entupan a makambalingan kanu sa laki.

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُبَوِّئَنَّهُم مِّنَ ٱلۡجَنَّةِ غُرَفٗا تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ نِعۡمَ أَجۡرُ ٱلۡعَٰمِلِينَ﴿٥٨﴾

58Su manga bamaginugut a minggalebek sa manga mapya na pandaludayan nami silan sa manga bilik sa surga a pelagilay sa kababan na manga ig, dala sa kanilan i kalyu sa surga, ngin den a kapya na balas kanu minggalebek sa mapya sya sa dunya.

ٱلَّذِينَ صَبَرُواْ وَعَلَىٰ رَبِّهِمۡ يَتَوَكَّلُونَ﴿٥٩﴾

59Silan a midsabar endu su Allah i sinaligan nilan.

وَكَأَيِّن مِّن دَآبَّةٖ لَّا تَحۡمِلُ رِزۡقَهَا ٱللَّهُ يَرۡزُقُهَا وَإِيَّاكُمۡۚ وَهُوَ ٱلسَّمِيعُ ٱلۡعَلِيمُ﴿٦٠﴾

60Endu madakel a melanap-lanap i dala kagaga nin a rizki nin, su Allah i pe-rizki lun endu sekanu, ka sekanin i pakakineg a mataw.

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ وَسَخَّرَ ٱلشَّمۡسَ وَٱلۡقَمَرَ لَيَقُولُنَّ ٱللَّهُۖ فَأَنَّىٰ يُؤۡفَكُونَ﴿٦١﴾

61Amayka idsan nengka silan entayn i minaluy sa langit endu lupa endu pagkyug-kyug kanu senang endu ulan-ulan? Na ya nilan madtalu: su Allah, na ngintu ka di nilan pakaisan su Allah?

ٱللَّهُ يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥٓۚ إِنَّ ٱللَّهَ بِكُلِّ شَيۡءٍ عَلِيمٞ﴿٦٢﴾

62Su Allah i papegkakalag sa rizki nu kagkahanda nin kanu manga ulipen nin endu pedsimpitan nin, su Allah kanu langun na enggaga-isa na katawan nin.

وَلَئِن سَأَلۡتَهُم مَّن نَّزَّلَ مِنَ ٱلسَّمَآءِ مَآءٗ فَأَحۡيَا بِهِ ٱلۡأَرۡضَ مِنۢ بَعۡدِ مَوۡتِهَا لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡقِلُونَ﴿٦٣﴾

63Amayka idsan nengka silan entayn i napatulun sa ig ebpun sa langit a nakawyag kanu lupa a minatay? Ya nilan edtalun: su Allah, pugi ka su Allah, ka ya madakel sa kanilan i di mawngangen.

وَمَا هَٰذِهِ ٱلۡحَيَوٰةُ ٱلدُّنۡيَآ إِلَّا لَهۡوٞ وَلَعِبٞۚ وَإِنَّ ٱلدَّارَ ٱلۡأٓخِرَةَ لَهِيَ ٱلۡحَيَوَانُۚ لَوۡ كَانُواْ يَعۡلَمُونَ﴿٦٤﴾

64Dala sa uyag sa dunya ya tabya na kadsimpang endu kandadalemet endu su dalpa sa akhirat entuba i tidtu a kapaguyag u mana bu ka katawan nilan.

فَإِذَا رَكِبُواْ فِي ٱلۡفُلۡكِ دَعَوُاْ ٱللَّهَ مُخۡلِصِينَ لَهُ ٱلدِّينَ فَلَمَّا نَجَّىٰهُمۡ إِلَى ٱلۡبَرِّ إِذَا هُمۡ يُشۡرِكُونَ﴿٦٥﴾

65Amayka nageda silan sa kapal na ikhlas i kapangeni nilan na amayka nalepas silan sya sa kapuluwan na sumakutu menem silan sa Allah.

لِيَكۡفُرُواْ بِمَآ ءَاتَيۡنَٰهُمۡ وَلِيَتَمَتَّعُواْۚ فَسَوۡفَ يَعۡلَمُونَ﴿٦٦﴾

66Endu egkafiran nilan su inenggay nami sa kanilan a limu, endu kagkakalilini bu i kanilan, na di sumala na katawan nilan bun i ulyanan nin.

أَوَلَمۡ يَرَوۡاْ أَنَّا جَعَلۡنَا حَرَمًا ءَامِنٗا وَيُتَخَطَّفُ ٱلنَّاسُ مِنۡ حَوۡلِهِمۡۚ أَفَبِٱلۡبَٰطِلِ يُؤۡمِنُونَ وَبِنِعۡمَةِ ٱللَّهِ يَكۡفُرُونَ﴿٦٧﴾

67Ngintu da nilan mailay i binaluy nami su haram (Masjidil Haram) a tumatana sa pembibinasaya su manga taw kanu embala-bala sa kanilan, na ya nilan bangimbenalen su batil, endu su limu nu Allah i peg-kafiran nilan.

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِٱلۡحَقِّ لَمَّا جَآءَهُۥٓۚ أَلَيۡسَ فِي جَهَنَّمَ مَثۡوٗى لِّلۡكَٰفِرِينَ﴿٦٨﴾

68Endu da muna i kadupang in su taw a pandalbutan nin su Allah ataw ka pandalbutan nin su haqq (Islam) a nakawma sa lekanin, ngintu di kena su jahannam i kadtakenan nu manga kafir?

وَٱلَّذِينَ جَٰهَدُواْ فِينَا لَنَهۡدِيَنَّهُمۡ سُبُلَنَاۚ وَإِنَّ ٱللَّهَ لَمَعَ ٱلۡمُحۡسِنِينَ﴿٦٩﴾

69Endu su manga taw a minjihad sa lalan sa lekami na di ebplis na tutulun nami silan sa kanu lalan a makasampay sa lekami endu su Allah na salta kanu manga taw a manga mapya.

← Al-QasasAr-Rum→

RELATED SURAHS

2

Al-Baqarah

The Cow

3

Ali 'Imran

Family of Imran

6

Al-An'am

The Cattle

1

Al-Fatiha

The Opening

Browse all 114 surahs