Ar-Rum

الروم

The Romans • 60 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

الٓمٓ﴿١﴾

1Alif-Laam-Meem (su Allah bu i mataw ku tidtu a ma’na nin).

غُلِبَتِ ٱلرُّومُ﴿٢﴾

2Tinaban su (taw nu) Rum.

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ﴿٣﴾

3Siya ku ubay nu kalupan (nu manga Arab) sa silan sa ulyan nu kinataban kanilan na di sumala na silan menem i talawn (tabanan).

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٖ يَفۡرَحُ ٱلۡمُؤۡمِنُونَ﴿٤﴾

4Siya ku dalem u pila lagun, sa lekanin a Allah su kasuguwan ku unan u niya endu ku ulyan u niya, sa gay ba entu na mangagalaw su manga bamaginugut.

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ﴿٥﴾

5Sabap kanu tabang nu Allah, ka ibpedsabek nin i entayn i magkahanda nin, endu sekanin i mapulu a malimu.

وَعۡدَ ٱللَّهِۖ لَا يُخۡلِفُ ٱللَّهُ وَعۡدَهُۥ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴿٦﴾

6Su pasad nu Allah, sa dili ebplis na matuman, ugayd na ya madakel kanu manga taw na di nilan katawan.

يَعۡلَمُونَ ظَٰهِرٗا مِّنَ ٱلۡحَيَوٰةِ ٱلدُّنۡيَا وَهُمۡ عَنِ ٱلۡأٓخِرَةِ هُمۡ غَٰفِلُونَ﴿٧﴾

7Ya nilan bu katawan su mapayag a kawyag sa dunya endu silan sa kanu akhirat na dala labut nilan lun.

أَوَلَمۡ يَتَفَكَّرُواْ فِيٓ أَنفُسِهِمۗ مَّا خَلَقَ ٱللَّهُ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۗ وَإِنَّ كَثِيرٗا مِّنَ ٱلنَّاسِ بِلِقَآيِٕ رَبِّهِمۡ لَكَٰفِرُونَ﴿٨﴾

8Ngintu ka di nilan mapamikir i ginawa nilan sa dala kinabaluy nu Allah kanu manga langit endu lupa endu pageletan nin a di kena haqq endu aden kadtamanan nin, endu ya madakel kanu manga taw sa kanu kabaratemu nilan kanu Kadenan nilan na kafir silan.

أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَشَدَّ مِنۡهُمۡ قُوَّةٗ وَأَثَارُواْ ٱلۡأَرۡضَ وَعَمَرُوهَآ أَكۡثَرَ مِمَّا عَمَرُوهَا وَجَآءَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ﴿٩﴾

9Namba ka lumakaw silan sya kanu lupa ka endu nilan mailay su ulyan nu manga taw a nawna sa ka nilan a silan pan i muna i kabagel nin, endu napamulan nilan su lupa, endu nakapabpalas nilan su dalpa sa manga mapayag, na dala sa Allah i dupangen nin silan ugayd silan i sabapan a kinatyuba sa kanilan.

ثُمَّ كَانَ عَٰقِبَةَ ٱلَّذِينَ أَسَٰٓـُٔواْ ٱلسُّوٓأَىٰٓ أَن كَذَّبُواْ بِـَٔايَٰتِ ٱللَّهِ وَكَانُواْ بِهَا يَسۡتَهۡزِءُونَ﴿١٠﴾

10Mawli na ya ulyanan nu napandalbut kanu manga ayat nu Allah endu bagumpaken (papendalbuten) nin su ayat na mawag sa langun a mawag (su naraka).

ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥ ثُمَّ إِلَيۡهِ تُرۡجَعُونَ﴿١١﴾

11Su Allah i minebpun sa kinabaluy sa manusya mawli na paulitan nin menem mawli na makambalingan tanu sa lekanin.

وَيَوۡمَ تَقُومُ ٱلسَّاعَةُ يُبۡلِسُ ٱلۡمُجۡرِمُونَ﴿١٢﴾

12Sa gay a kabangkit sa dunya na di den makadtalu su manga baradusan.

وَلَمۡ يَكُن لَّهُم مِّن شُرَكَآئِهِمۡ شُفَعَٰٓؤُاْ وَكَانُواْ بِشُرَكَآئِهِمۡ كَٰفِرِينَ﴿١٣﴾

13Endu da den sa kanilan su manga barahala nilan sa makadtabang kanilan endu sungkangan nilan su barahala nilan.

وَيَوۡمَ تَقُومُ ٱلسَّاعَةُ يَوۡمَئِذٖ يَتَفَرَّقُونَ﴿١٤﴾

14Endu gay a temindeg su kutika (harikyamat) na gay ba entu na mamakabpipitas silan.

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَهُمۡ فِي رَوۡضَةٖ يُحۡبَرُونَ﴿١٥﴾

15Su manga bamamaginugut endu minggalebek sa mapya na lu silan sa surga pegkalilini.

وَأَمَّا ٱلَّذِينَ كَفَرُواْ وَكَذَّبُواْ بِـَٔايَٰتِنَا وَلِقَآيِٕ ٱلۡأٓخِرَةِ فَأُوْلَٰٓئِكَ فِي ٱلۡعَذَابِ مُحۡضَرُونَ﴿١٦﴾

16Su manga kafir menem endu su pinandalbut nilan su manga ayatan nami endu su kaadap sa laki (Allah) sa gay a mawli na lu silan sa siksa papegkapasangan.

فَسُبۡحَٰنَ ٱللَّهِ حِينَ تُمۡسُونَ وَحِينَ تُصۡبِحُونَ﴿١٧﴾

17Mahasuti su Allah amayka naluleman (sambayang sa maghrib) endu mahasuti sekanin amayka napitan (sambayang sa subbuh).

وَلَهُ ٱلۡحَمۡدُ فِي ٱلسَّمَٰوَٰتِ وَٱلۡأَرۡضِ وَعَشِيّٗا وَحِينَ تُظۡهِرُونَ﴿١٨﴾

18Endu pebpugin nu langit endu lupa sya kanu sambayang a Isha endu Dhuhur (taman sa Asar).

يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَيُحۡيِ ٱلۡأَرۡضَ بَعۡدَ مَوۡتِهَاۚ وَكَذَٰلِكَ تُخۡرَجُونَ﴿١٩﴾

19Pabpelyun nu (Allah) su bibyag ebpun sa minatay, endu su minatay ebpun sa bibyag, endu baguyagen nin su lupa sa ulyan na kinapatay nin, na mamba i kambuwat nu (sa kubur).

وَمِنۡ ءَايَٰتِهِۦٓ أَنۡ خَلَقَكُم مِّن تُرَابٖ ثُمَّ إِذَآ أَنتُم بَشَرٞ تَنتَشِرُونَ﴿٢٠﴾

20Endu kaped kanu manga tanda a kapegkagaga nu Allah na su kinabaluy sa lekanu ebpun sa lupa, mawli na manusya kanu a pakabpayapat kanu sa lupa.

وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ﴿٢١﴾

21Endu kaped a tanda nin na binaluy nin i manga kaluma nu ebpun kanu ginawa nu a makandalayama kanu endu binaluy nin i kandalasamaya endu kagkalimwa nu, nakadalem lu ba su manga tanda a bagel nu Allah kanu manga taw, ka endu silan maka-pamikir.

وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَٱخۡتِلَٰفُ أَلۡسِنَتِكُمۡ وَأَلۡوَٰنِكُمۡۚ إِنَّ فِي ذَٰلِكَ لَأٓيَٰتٖ لِّلۡعَٰلِمِينَ﴿٢٢﴾

22Endu kaped kanu manga tanda nin i kinabaluy nin sa langit endu lupa endu su kinambida-bida nu kadtalu nu endu su palas nu, lu ba su manga tanda nu bagel nin kanu manga taw a mataw.

وَمِنۡ ءَايَٰتِهِۦ مَنَامُكُم بِٱلَّيۡلِ وَٱلنَّهَارِ وَٱبۡتِغَآؤُكُم مِّن فَضۡلِهِۦٓۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ﴿٢٣﴾

23Endu kaped kanu manga tanda nin na su katulug nu sa magabi endu malamag endu su kapangilay nu kanu limu nin sa malamag, lu ba su manga ayatan nin kanu manga taw a makikineg.

وَمِنۡ ءَايَٰتِهِۦ يُرِيكُمُ ٱلۡبَرۡقَ خَوۡفٗا وَطَمَعٗا وَيُنَزِّلُ مِنَ ٱلسَّمَآءِ مَآءٗ فَيُحۡيِۦ بِهِ ٱلۡأَرۡضَ بَعۡدَ مَوۡتِهَآۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ﴿٢٤﴾

24Endu kaped kanu manga tanda nin ipabpagilay i kilat a pakagilek, endu pakapainem sa ulan endu papedtulun nin su ulan ebpun sa langit a pakawyag kanu lupa sa ulyan na kinapatay nin.

وَمِنۡ ءَايَٰتِهِۦٓ أَن تَقُومَ ٱلسَّمَآءُ وَٱلۡأَرۡضُ بِأَمۡرِهِۦۚ ثُمَّ إِذَا دَعَاكُمۡ دَعۡوَةٗ مِّنَ ٱلۡأَرۡضِ إِذَآ أَنتُمۡ تَخۡرُجُونَ﴿٢٥﴾

25Endu kaped kanu manga tanda nin i nakatindeg (nambalay) su langit endu lupa sa kahanda nin, mawli na amayka yupen su ipenggubal sa dunya na makambuwat kanu tanan.

وَلَهُۥ مَن فِي ٱلسَّمَٰوَٰتِ وَٱلۡأَرۡضِۖ كُلّٞ لَّهُۥ قَٰنِتُونَ﴿٢٦﴾

26Endu lekanin su dalem nu manga langit endu su lupa, langun na baginugut tanan sa Allah.

وَهُوَ ٱلَّذِي يَبۡدَؤُاْ ٱلۡخَلۡقَ ثُمَّ يُعِيدُهُۥ وَهُوَ أَهۡوَنُ عَلَيۡهِۚ وَلَهُ ٱلۡمَثَلُ ٱلۡأَعۡلَىٰ فِي ٱلسَّمَٰوَٰتِ وَٱلۡأَرۡضِۚ وَهُوَ ٱلۡعَزِيزُ ٱلۡحَكِيمُ﴿٢٧﴾

27Sekanin (Allah) i minebpun sa kinabaluy sa lekanu, mawli na pauliten nin sa ulyan na kapatay sa ya pan malemu, endu lekanin su upaman a mapulu sa langit endu lupa, endu sekanin i mapulu a mataw.

ضَرَبَ لَكُم مَّثَلٗا مِّنۡ أَنفُسِكُمۡۖ هَل لَّكُم مِّن مَّا مَلَكَتۡ أَيۡمَٰنُكُم مِّن شُرَكَآءَ فِي مَا رَزَقۡنَٰكُمۡ فَأَنتُمۡ فِيهِ سَوَآءٞ تَخَافُونَهُمۡ كَخِيفَتِكُمۡ أَنفُسَكُمۡۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَعۡقِلُونَ﴿٢٨﴾

28Inenggan kanu sa upaman ebpun sa ginawa nu, ngintu su manga ulipen nu na aden tumpuk nin sa lekanu kanu rizki nu sa makapagidsan kanu? Ikagilek silan (sa kulangan nilan su tamuk nu) sa mana bun su gilek sa ginawa nu (u mabinasa kanu), di nu kyugan intuba? Na ngintu ka umbalan nu sa tumpuk nin su Allah? Mamba i kapedtinatad nami kanu manga ayatan kanu manga taw, ka endu silan makapagungagen.

بَلِ ٱتَّبَعَ ٱلَّذِينَ ظَلَمُوٓاْ أَهۡوَآءَهُم بِغَيۡرِ عِلۡمٖۖ فَمَن يَهۡدِي مَنۡ أَضَلَّ ٱللَّهُۖ وَمَا لَهُم مِّن نَّٰصِرِينَ﴿٢٩﴾

29Ugayd na ya inunutan nu manga kafir su kyug na ginawa nilan sa dala kataw nin, na dala makatutulu kanu tinading nu Allah endu dala makatutulu kanu tabang sa lekanilan kanu siksa.

فَأَقِمۡ وَجۡهَكَ لِلدِّينِ حَنِيفٗاۚ فِطۡرَتَ ٱللَّهِ ٱلَّتِي فَطَرَ ٱلنَّاسَ عَلَيۡهَاۚ لَا تَبۡدِيلَ لِخَلۡقِ ٱللَّهِۚ ذَٰلِكَ ٱلدِّينُ ٱلۡقَيِّمُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴿٣٠﴾

30Patidtu ka (Muhammad) i biyas nengka kanu agama sa ikhlas, ka namba i binaluyan nu Allah kanu langun nu manga taw sa dunya sa dili kasambiyan i kinapamaluy nu Allah, na ya madakel kanu manga taw na di nilan katawan.

۞ مُنِيبِينَ إِلَيۡهِ وَٱتَّقُوهُ وَأَقِيمُواْ ٱلصَّلَوٰةَ وَلَا تَكُونُواْ مِنَ ٱلۡمُشۡرِكِينَ﴿٣١﴾

31Sangkup kanu sa Allah endu ikagilek nu sekanin endu edsambayang kanu endu da kanu enggula sa sumakutu kanu.

مِنَ ٱلَّذِينَ فَرَّقُواْ دِينَهُمۡ وَكَانُواْ شِيَعٗاۖ كُلُّ حِزۡبِۭ بِمَا لَدَيۡهِمۡ فَرِحُونَ﴿٣٢﴾

32Kuyug kanu manga mushrik su mimbida-bida sa pedsimban, aden lumpukan nu uman isa na kapiya i ginawa nin kanu lekanin a pegkamalan.

وَإِذَا مَسَّ ٱلنَّاسَ ضُرّٞ دَعَوۡاْ رَبَّهُم مُّنِيبِينَ إِلَيۡهِ ثُمَّ إِذَآ أَذَاقَهُم مِّنۡهُ رَحۡمَةً إِذَا فَرِيقٞ مِّنۡهُم بِرَبِّهِمۡ يُشۡرِكُونَ﴿٣٣﴾

33Endu amayka nakagedam su manusya sa makagkayd na mangeni sa kadenan nin sa sinumangkup silan, mawli na u nakananam sa limu nu Allah na su kaped na sakutu nin su kadenan nin.

لِيَكۡفُرُواْ بِمَآ ءَاتَيۡنَٰهُمۡۚ فَتَمَتَّعُواْ فَسَوۡفَ تَعۡلَمُونَ﴿٣٤﴾

34Supaken nilan su inenggay nami a limu, na egkakalini kanu den mun ka dala ebplis na katawan nu bu i lalaw nu.

أَمۡ أَنزَلۡنَا عَلَيۡهِمۡ سُلۡطَٰنٗا فَهُوَ يَتَكَلَّمُ بِمَا كَانُواْ بِهِۦ يُشۡرِكُونَ﴿٣٥﴾

35Dala initulun nami a tindeg nilan a makadtalu sa kanu inumbal nilan a sakutu sa Allah.

وَإِذَآ أَذَقۡنَا ٱلنَّاسَ رَحۡمَةٗ فَرِحُواْ بِهَاۖ وَإِن تُصِبۡهُمۡ سَيِّئَةُۢ بِمَا قَدَّمَتۡ أَيۡدِيهِمۡ إِذَا هُمۡ يَقۡنَطُونَ﴿٣٦﴾

36Endu amayka pinananam nami su manusya sa limu na nagalaw sa kapamamasela, amayka nasugat a mapasang sabap kanu kadupang nin na midtinebpekan kanu limu nu Allah.

أَوَلَمۡ يَرَوۡاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ﴿٣٧﴾

37Ngintu da nilan mailay su Allah i papegkawlad sa rizki kanu magkahanda nin endu papedsimpitan nin (su kahanda nin), langun na entuba na manga tanda kanu manga taw a bangimbenal.

فَـَٔاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِۚ ذَٰلِكَ خَيۡرٞ لِّلَّذِينَ يُرِيدُونَ وَجۡهَ ٱللَّهِۖ وَأُوْلَٰٓئِكَ هُمُ ٱلۡمُفۡلِحُونَ﴿٣٨﴾

38Enggay ka su pagali nengka kanu lekanin endu su miskinan endu su taw a di pakawli sa ginanatan nin ka namba i labi a mapya kanu bamegkyug sa balas sa Allah, endu silan i nakauntung.

وَمَآ ءَاتَيۡتُم مِّن رِّبٗا لِّيَرۡبُوَاْ فِيٓ أَمۡوَٰلِ ٱلنَّاسِ فَلَا يَرۡبُواْ عِندَ ٱللَّهِۖ وَمَآ ءَاتَيۡتُم مِّن زَكَوٰةٖ تُرِيدُونَ وَجۡهَ ٱللَّهِ فَأُوْلَٰٓئِكَ هُمُ ٱلۡمُضۡعِفُونَ﴿٣٩﴾

39Endu nganin a initalingguma nu a kapagisega ka endu kanu mamakadtubu siya kanu manga tamuk nu manga taw, na di mangengetu’ intu kanu Allah endu nganin a initalingguma nu a zakat sa galiniyan nu su beneng nu Allah na entu ba silan su tidtu a ebpamakatakep.

ٱللَّهُ ٱلَّذِي خَلَقَكُمۡ ثُمَّ رَزَقَكُمۡ ثُمَّ يُمِيتُكُمۡ ثُمَّ يُحۡيِيكُمۡۖ هَلۡ مِن شُرَكَآئِكُم مَّن يَفۡعَلُ مِن ذَٰلِكُم مِّن شَيۡءٖۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ﴿٤٠﴾

40Su Allah su nangaden sa lekanu, entu pan ka rinizkiyan kanu nin, entu pan ka pagimatayan kanu nin, entu pan ka paguyagen kanu nin, na ngintu aden ebpun kanu manga ibpamedsakutu nu i lumpukan a pakanggula sa ku entu ba sa enggaga-isa? Mahasuti sekanin (Allah) endu timibambaw sekanin ebpun kanu nganin a ibpamedsakutu nilan.

ظَهَرَ ٱلۡفَسَادُ فِي ٱلۡبَرِّ وَٱلۡبَحۡرِ بِمَا كَسَبَتۡ أَيۡدِي ٱلنَّاسِ لِيُذِيقَهُم بَعۡضَ ٱلَّذِي عَمِلُواْ لَعَلَّهُمۡ يَرۡجِعُونَ﴿٤١﴾

41Napayag su kapaminasa sya sa kapulwan endu lagat sabap kanu pinggalebek nu manga taw a darwaka, pananamen silan sa siksa ka endu silan makambalingan (makadtawbat) kanu Allah.

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلُۚ كَانَ أَكۡثَرُهُم مُّشۡرِكِينَ﴿٤٢﴾

42Edtalu ka (Muhammad): lakaw kanu siya sa lupa, ka pamedtuliki nu u panun i nabaluy a pibputawan nu manga nawna (kanu niya ba), sandeng nu kadadakelan sa kanilan na bamedsakutu.

فَأَقِمۡ وَجۡهَكَ لِلدِّينِ ٱلۡقَيِّمِ مِن قَبۡلِ أَن يَأۡتِيَ يَوۡمٞ لَّا مَرَدَّ لَهُۥ مِنَ ٱللَّهِۖ يَوۡمَئِذٖ يَصَّدَّعُونَ﴿٤٣﴾

43Patidtu ka (Muhammad) i biyas nengka kanu agama a matidtu sa kanu unan a di pan makawma su gay a dala bagalawan nu ebpun sa Allah a makabpalak su manga taw.

مَن كَفَرَ فَعَلَيۡهِ كُفۡرُهُۥۖ وَمَنۡ عَمِلَ صَٰلِحٗا فَلِأَنفُسِهِمۡ يَمۡهَدُونَ﴿٤٤﴾

44Na entayn i migkafir na dusa nin den ni kakafir nin endu entayn menem i minggalebek sa makagkapya na nanget bun kanu manga ginawa nilan sa endedempas den silan.

لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِن فَضۡلِهِۦٓۚ إِنَّهُۥ لَا يُحِبُّ ٱلۡكَٰفِرِينَ﴿٤٥﴾

45Ka endu nin kapamalasan su namangimbenal endu namenggalebek sa manga makagkapya ebpun kanu kalbihan nin sa saben-sabenal i sekanin na dili nin kaliliniyan su manga kafir.

وَمِنۡ ءَايَٰتِهِۦٓ أَن يُرۡسِلَ ٱلرِّيَاحَ مُبَشِّرَٰتٖ وَلِيُذِيقَكُم مِّن رَّحۡمَتِهِۦ وَلِتَجۡرِيَ ٱلۡفُلۡكُ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ﴿٤٦﴾

46Endu ped kanu manga tanda nin i kapembutawan nin kanu manga sambel sa manga ebpamapata (pebpanukaw sa aden ulan) ka endu nin makapananam sa lekanu i limu nin, endu mabaluy a makapalalaguy su lansa sabap kanu kasuguwan nin, ka endu nu gapangilay i ped kanu kalbihan nin, sa kalu-kalu kanu makadsukur.

وَلَقَدۡ أَرۡسَلۡنَا مِن قَبۡلِكَ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَٱنتَقَمۡنَا مِنَ ٱلَّذِينَ أَجۡرَمُواْۖ وَكَانَ حَقًّا عَلَيۡنَا نَصۡرُ ٱلۡمُؤۡمِنِينَ﴿٤٧﴾

47Endu saben-sabenal a sinugu nami a nawna sa leka manga sinugu lu kanu manga taw nilan, nakawma silan sa manga tanda mapayag i na-it nilan na bininasa nami su manga darwaka, endu haqq sa lekami i katabang nami kanu manga bamamaginugut.

ٱللَّهُ ٱلَّذِي يُرۡسِلُ ٱلرِّيَٰحَ فَتُثِيرُ سَحَابٗا فَيَبۡسُطُهُۥ فِي ٱلسَّمَآءِ كَيۡفَ يَشَآءُ وَيَجۡعَلُهُۥ كِسَفٗا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦۖ فَإِذَآ أَصَابَ بِهِۦ مَن يَشَآءُ مِنۡ عِبَادِهِۦٓ إِذَا هُمۡ يَسۡتَبۡشِرُونَ﴿٤٨﴾

48Su Allah i pedsugu sa sambel a pembukakal sa dadtem sa makapayapat (kanu dunya) sa apiya ngin i kahanda nin, endu baluynin a gadtanggit nin su ulan a pembuwat kanu pamageletan nin, amayka nakaulan kanu nagkahanda nin kanu manga ulipen nin na sangat i kapya na ginawa nilan kanu ulan a nakasugat sa lekanilan.

وَإِن كَانُواْ مِن قَبۡلِ أَن يُنَزَّلَ عَلَيۡهِم مِّن قَبۡلِهِۦ لَمُبۡلِسِينَ﴿٤٩﴾

49Endu amayka saben-sabenal a silan a dala pan kaulani silan na tinebped nilan su inam sa ulan.

فَٱنظُرۡ إِلَىٰٓ ءَاثَٰرِ رَحۡمَتِ ٱللَّهِ كَيۡفَ يُحۡيِ ٱلۡأَرۡضَ بَعۡدَ مَوۡتِهَآۚ إِنَّ ذَٰلِكَ لَمُحۡيِ ٱلۡمَوۡتَىٰۖ وَهُوَ عَلَىٰ كُلِّ شَيۡءٖ قَدِيرٞ﴿٥٠﴾

50Na edtuliki ka kun ba (Muhammad) su manga padsa nu inilimu nu Allah u panun i kabpaguyag nin kanu lupa sa uliyan nu kinapatay (kinagkiteb) nin, sabenal benal i entu ba na talanged a paguyag kanu namamatay, sa sekanin ku uman i enggaga-isa na pakagaga.

وَلَئِنۡ أَرۡسَلۡنَا رِيحٗا فَرَأَوۡهُ مُصۡفَرّٗا لَّظَلُّواْ مِنۢ بَعۡدِهِۦ يَكۡفُرُونَ﴿٥١﴾

51Endu amayka sinugu nami i sambel a nakagkabinaning kanu pamulan nilan na nabaluy menem silan sa egkafiran nilan su limu nu Allah.

فَإِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ﴿٥٢﴾

52Di nengka (Muhammad) makapakikineg i timbang a minatay endu su bisu kanu enggatan (da’wah) amayka tinumaligkud silan sa minawa.

وَمَآ أَنتَ بِهَٰدِ ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ﴿٥٣﴾

53Endu di nengka matutulu su pisek kanu kinatadin nin, ya bu manuliman na su namangimbenal kanu manga ayatan nami a silan na manga Muslim.

۞ ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ﴿٥٤﴾

54Su Allah i minaluy sa lekanu sa malubay kanu, mawli kanu kalubay nu na binaluy nin i bagel, mawli menem kanu bagel na galubay menem endu kabayungut (kadkatuwa), endu baluyn nu Allah i magkahanda nin, endu sekanin na mataw a pakagaga.

وَيَوۡمَ تَقُومُ ٱلسَّاعَةُ يُقۡسِمُ ٱلۡمُجۡرِمُونَ مَا لَبِثُواْ غَيۡرَ سَاعَةٖۚ كَذَٰلِكَ كَانُواْ يُؤۡفَكُونَ﴿٥٥﴾

55Endu su gay a kabangkit sa dunya na edsapa su manga kafir sa mangagan bu i taw san sa kubur, ka isa ka oras i mawget, na mamba i kandalbut nilan (dili nilan balityalan su Islam).

وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ﴿٥٦﴾

56Endu pidtalu nu manga aden ilmu nin endu inugut nin (sa Allah): natangen kanu san sa kanu kadtalu nu kitab taman sa kabangkit na nya ba i gay a kabangkit sa dunya, ugayd na sekanu ba i taw a dili manga mataw.

فَيَوۡمَئِذٖ لَّا يَنفَعُ ٱلَّذِينَ ظَلَمُواْ مَعۡذِرَتُهُمۡ وَلَا هُمۡ يُسۡتَعۡتَبُونَ﴿٥٧﴾

57Gay a kabangkit sa dunya na dili makangguna kanu manga kafir su manga dawa nilan, endu dala sa kanilan i kambalingan (sya sa dunya).

وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖۚ وَلَئِن جِئۡتَهُم بِـَٔايَةٖ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ﴿٥٨﴾

58Endu saben-sabenal a pinambuwat nami kanu manga manusya san sa Qur’an i langun na upaman, endu apya pan ma-it nengka sa kanilan i tanda (a benal ka endu su Qur’an) na ya bun edtalun u manga kafir: dala sa lekanu a manga taw a pedtalu sa rasul ya tabya: sekanu i manga taw kigkuwan sa batil.

كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلَّذِينَ لَا يَعۡلَمُونَ﴿٥٩﴾

59Manamba i katutup nu Allah kanu manga pusung nu manga taw a di manga mataw.

فَٱصۡبِرۡ إِنَّ وَعۡدَ ٱللَّهِ حَقّٞۖ وَلَا يَسۡتَخِفَّنَّكَ ٱلَّذِينَ لَا يُوقِنُونَ﴿٦٠﴾

60Edsabar ka (Muhammad) ka su pasad nu Allah na benal a matuman, endu da ka enggula sa gapegkag ka sabap sa kanu di nilan kapangimbenal (sa kabangkit endu su kambuwat sa kubur).

← Al-'AnkabutLuqman→

RELATED SURAHS

13

Ar-Ra'd

The Thunder

41

Fussilat

Explained in Detail

44

Ad-Dukhan

The Smoke

1

Al-Fatiha

The Opening

Browse all 114 surahs