Ad-Duha

¹Idsapa ku kani salindaw nu kagkapita.

²Endu idsapa ku kanu magabi amayka egkalibuteng.

³Da ka padtadaya (Muhammad) nu Kadenan nengka endu da ka nin kalipungeti.

⁴Endu saben-sabenal na su egkawli (akhirat) na ya labi a mapya sa leka kumin kanu nawna (dunya).

⁵Endu saben-sabenal na di ebplis na inggay sa leka nu Kadenan nengka na kalilinyan nengka.

⁶Ngintu da ka nin matun (Muhammad) sa wata na ilu?

⁷Endu natun ka nin sa tadin (di nengka katawan su Qur’an) na tinutulu ka nin.

⁸Endu natun ka nin sa miskinan na pinagkawasa ka nin.

⁹Na su wata a ilu na di ka mameges (kalalim).

¹⁰Endu su ebpamangeni na di ka kumagkag.

¹¹Endu su limu (kabpagagama) nu Kadenan nengka na pamanudtul ka.