Al-Buruj

البروج

The Great Stars • 22 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلسَّمَآءِ ذَاتِ ٱلۡبُرُوجِ﴿١﴾

1Idsapa ku kanu manga bitun a masla.

وَٱلۡيَوۡمِ ٱلۡمَوۡعُودِ﴿٢﴾

2Idsapa ku kanu gay a inibpasad (gay a mawli).

وَشَاهِدٖ وَمَشۡهُودٖ﴿٣﴾

3Idsapa ku kanu pedsaksi endu su pedsaksiyan.

قُتِلَ أَصۡحَٰبُ ٱلۡأُخۡدُودِ﴿٤﴾

4Namulkan su kigkuwan kanu kalut.

ٱلنَّارِ ذَاتِ ٱلۡوَقُودِ﴿٥﴾

5Su apuy a aden lun i manga laleg.

إِذۡ هُمۡ عَلَيۡهَا قُعُودٞ﴿٦﴾

6Lu silan kanu entuba a bamagagayan.

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ﴿٧﴾

7Endu silan kanu nganin a pinakaydan nilan kanu manga bamalityala na manga saksi.

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ﴿٨﴾

8Endu da nabaluy a inikabensi nilan ku manga mu’min ya tabya na su kabalityala nilan kanu Allah a mapulu a bamantugen.

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ﴿٩﴾

9A lekanin (Allah) su kadatu kanu manga langit endu lupa endu su Allah kanu langun u enggaga-isa na kadsaksiyan nin.

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ﴿١٠﴾

10Saben-sabenal a su silan antu a namatalu kanu manga mu’min a manga mama endu manga babay mawli na di silan edtawbat na aden kanilan su kasiksan a jahannam endu aden sa kanilan su kasiksan a makatutung.

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ﴿١١﴾

11Saben-sabenal na silan antu a namalityala endu minggagalebek sa manga mapya na aden kanilan i kasulgan a pelagilay kanu kababan nin su manga lawas a ig entuba su bantugan a masla.

إِنَّ بَطۡشَ رَبِّكَ لَشَدِيدٌ﴿١٢﴾

12Saben-sabenal na su kasiksa nu Kadenan nengka Muhammad na sangat a mapasang.

إِنَّهُۥ هُوَ يُبۡدِئُ وَيُعِيدُ﴿١٣﴾

13Saben-sabenal na sekanin (Allah) i pangebpun endu papembalingan.

وَهُوَ ٱلۡغَفُورُ ٱلۡوَدُودُ﴿١٤﴾

14Endu sekanin (Allah) i bangampun endu labi a bala-gagaw.

ذُو ٱلۡعَرۡشِ ٱلۡمَجِيدُ﴿١٥﴾

15Kigkuwan kanu Arash a mapulu.

فَعَّالٞ لِّمَا يُرِيدُ﴿١٦﴾

16A penggula-ula sa nganin a egkahandan nin.

هَلۡ أَتَىٰكَ حَدِيثُ ٱلۡجُنُودِ﴿١٧﴾

17Ngintu nakawma sa leka su tudtulan kanu manga sundalu?

فِرۡعَوۡنَ وَثَمُودَ﴿١٨﴾

18Ni Fir’awn endu Thamud?

بَلِ ٱلَّذِينَ كَفَرُواْ فِي تَكۡذِيبٖ﴿١٩﴾

19Ugayd na su silan a simupak na papendalbut.

وَٱللَّهُ مِن وَرَآئِهِم مُّحِيطُۢ﴿٢٠﴾

20Endu su Allah kanu taligkudan nilan na balibet.

بَلۡ هُوَ قُرۡءَانٞ مَّجِيدٞ﴿٢١﴾

21Ugaid sekanin su Qur’an a mapulu

فِي لَوۡحٖ مَّحۡفُوظِۭ﴿٢٢﴾

22Siya kanu Lawh Al-Mahfudh.

← Al-InshiqaqAt-Tariq→

RELATED SURAHS

2

Al-Baqarah

The Cow

29

Al-'Ankabut

The Spider

33

Al-Ahzab

The Combined Forces

1

Al-Fatiha

The Opening

Browse all 114 surahs